Jaceuq 7:16 - Akha

¹⁶ Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawf nae lavdov-euq gardzaq garkawv, aqyawf-euq uqduq-anr gadavkhof le-awr, Aqyawf nae coeqler deuqler paq-aer mr-euq jeq aqyawf-euq uqduqkhmq-euq khoertav keuvle taef-a.

Jaceuq 7:16 Iomraidhean Croise

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

1 Sahˬpaˬ 21:19

Sahˬpaˬ Miˬyehˇ pyeuꞈ-eu ngaˇ aˬ yawꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw sahˇ gʼaˬ-ahˇ sehꞈ-euˬ uˬ taꞈ, aˬ gaꞈ yaˇ kmˇ kʼawꞈ nawˇ paˇ tsaˬ geuꞈ-eu lehˇ gʼeh te loˇ’ lehˇ ngaˇ ehˇ-eu meh lehˇ ehˇ nehˬ-awˬ. ‘Naˬboˆ-euˬ shiˬ-ahˇ aˬ kuiˬ myeuꞈ-euˬ tsahˇ-ahˇ, nawˬ-euˬ shiˬ-ahˇ kʼawꞈ aˬ kuiˬ myeuꞈ tehꞈ-a’ lehˇ ngaˇ ehˇ-eu meh lehˇ ehˇ nehˬ-awˬ.”

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Iˇsaˬtaˆ 9:25

Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Yawˇbaˆ 4:8

Tsawˇ haˬ zaˬ maˬ muiˬ maˬ jaˬ-eu deh ma tsehˬ-awˇ, haiˬ-eu siˬ yoeˬ sehˬ-eu laꞈ kʼoeˇ, yaw haiˬ jeˬ hawˇ-eu maˬ muiˬ maˬ jaˬ-eu aˇ nuiˆ deuˬ aˬ yawꞈ maꞈ yehˬ uiˬ diˬ uiˬ luꞈ meh.

Jaceuq 141:10

Ngaˇ ya buˬ ya law-iˇ luꞈ ngeh, haiˬ-euˬ tsawˇ haˬ deuˬ yawˬ ha neh kʼmˇ taˬ-euˬ lahˇ ju-ahˇ paꞈ leˇ jiˇ luꞈ-uˇ.

Jaceuq 35:8

Yawꞈmaꞈmaˬnoeˬmaˬduˇ-euˬgaˇ, luˬ-eu seˇ-eu keuˆle luꞈ-uˇ. Yawˬha neh kʼmˇ-euˬbaw gʼaꞈ-ahˇ, yawꞈhaˇyawˬha coeˬsehꞈluꞈ-uˇ.

Jaceuq 36:12

Haiˬ-eu deuˬ coˬ-iˇ gaˇ haw sheˇ. Aˬyawꞈmaꞈ maˬtuˇlaˇcoeˇ-ehˇ, miˇtsa coˬdzeh-awˇ ga luꞈ meh.

Jaceuq 36:4

Yuꞈzaˇlaꞈkʼoeˇ yaw cawˆbymˬ-awˇ, iˬbaˇgaˇjawˬ tiˬ li iˇ-awˇ, yaw haiˬ-ahˇnui daˆmaˬdaˆ-a.

Jaceuq 57:7

Miˬyehˇ-oˇ, ngaˬ-euˬ nui ma ziꞈ dah ni jaˆ-eu ma. Ngaˇ nawˬ-ahˇ caˇ-awˇ ja ceuˬ ma.

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Dawqdaq 1:19

Heu-aˬ, yaw haiˬ mˇ-awˇ dehꞈ dzaˬ-eu deuˬ ya iˇ-eu, maˬ law-iˇ nya-eu gaˇ ma meh. Aˬ cawˬ-ahˇ tahˇ joe joe-eu tsawˇ haˬ, yawˬ ha-euˬ saꞈ laˇ maˬ lahˇ dzeuˇ-a.

Dawqdaq 26:27

Aˬ cawˬ-ahˇ lahˇ ju kʼmˇ-eu tsawˇ haˬ, yawˬ haˇ yawˬ ha kʼmˇ paꞈ tehꞈ-a. Miˇ byaˆ ngawˬ-eu tsawˇ haˬ, yawˬ haˇ yawˬ ha bi byaˆ tehˬ sehꞈ tehꞈ-a.

Dawˬ tsoˆ 10:8

Duˬ kʼahˬ kʼahˬ-eu tsawˇ haˬ duˬ kʼahˬ-ahˇ ya ga ahˇ-awˇ, kaˇ pyawˇ tahˬ paˆ doˆ-eu tsawˇ haˬ aˇ lawˇ bi toˆ tehꞈ-a.

1 Saˬmeuˬlaˆ 23:9

Sawˇluˆ guiˇ deuˆ le-eu lehˇ lehˬ hmˬ taˬ-euˬ gaˇ kawˆ Daˬbiˇ ya gaˬ ngeh, “Piˇ ma dm-eu pehˇ kʼahˬ pehˇ nymˇ yuˇ laꞈ sheˇ” lehˇ, piˇ ma Aˬbyaˬdaˬ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.

1 Saˬmeuˬlaˆ 28:19

Nawˇ hawˇ-eu Iˇsaˬleˬlaˆ miˇ kʼahˬ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ yawꞈ a nehˬ tehꞈ-a. Ni shawˬ nah, nawˇ hawˇ-eu nawˬ li ngaˬ nehˬ-ehˇ ya jawˇ-awˇ, Iˇsaˬleˬlaˆ tsawˇ jeuˬ-euˬ guiˇ maꞈ-ahˇ , Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ a nehˬ tehꞈ-a.”