Jaceuq 7:15 - Akha

¹⁵ Ehˇkʼawꞈ yawˬha kʼmˇ-euˬlahˇju, yawˬhaˇyawˬha teuˆpaꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawf duqkhawf khawf-awr duqkhanq duq-eu mae. Khoernar-aq, yawqha nae duq-euq duqkhanq-anr, yawqha ga’anr ghae-euq mae.

Jaceuq 7:15 Iomraidhean Croise

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Yawˇbaˆ 15:35

Tsawˇ haˬ kʼoeˇ deuˬ-aˬ, aˬ cawˬ-ahˇ laˆ shaˬ laˆ zahˬ-eu jeˬ shaˇ noeˬ-awˇ, yaw haiˬ jeˬ mˇ doˆ laꞈ-eu meh. Aˬ cawˬ-ahˇ myawꞈ dzaˬ gahˇ dzaˬ-eu nui noeˬ aˬ yawꞈ maꞈ-euˬ nui ma laꞈ kʼoeˇ aˬ myah luꞈ byah luꞈ-eu meh.”

Yawˇbaˆ 4:8

Tsawˇ haˬ zaˬ maˬ muiˬ maˬ jaˬ-eu deh ma tsehˬ-awˇ, haiˬ-eu siˬ yoeˬ sehˬ-eu laꞈ kʼoeˇ, yaw haiˬ jeˬ hawˇ-eu maˬ muiˬ maˬ jaˬ-eu aˇ nuiˆ deuˬ aˬ yawꞈ maꞈ yehˬ uiˬ diˬ uiˬ luꞈ meh.

Yawˇbaˆ 6:27

Muˇ coe aˬ nmˇ zaˬ kʼaˆ deuˬ-ahˇ naw maꞈ kʼehˬ-awˇ, naw maꞈ-ahˇ gʼoeˇ-eu cawˬ deuˬ kʼoeˇ taˆ gahˇ dzaˬ-eu meh.

Jaceuq 10:2

Haiˬ-eu tsawˇhaˬnui ma huiˬ-awˇ, yaw shaˬzaˬ-ahˇnawˬtehˬluꞈngeh, yawˬha neh kʼmˇ-euˬ lahˇju-ahˇ yawˬhaˇyawˬha bi paꞈleˇ-awˬ.

Jaceuq 119:85

Nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu, nui ma huiˬ-eu mahˇ-eu tsawˇ haˬ deuˬ, ngaˬ-ahˇ lahˇ ju kʼmˇ-eu lehˇ shaˬ duˬ duˬ luꞈ meh.

Jaceuq 141:10

Ngaˇ ya buˬ ya law-iˇ luꞈ ngeh, haiˬ-euˬ tsawˇ haˬ deuˬ yawˬ ha neh kʼmˇ taˬ-euˬ lahˇ ju-ahˇ paꞈ leˇ jiˇ luꞈ-uˇ.

Jaceuq 57:6

Muiˇ-eu deuˬ ngaˬ-ahˇ baw gʼaꞈ kʼmˇ-eu miˇ neh, ngaˇ noeˬ zahˬ dui dui-eu ma. Ngaˬ-euˬ gaˇ ma-ahˇ aˬ yawꞈ maꞈ shaˬ duˬ duˬ-eu meh. Ehˇ kʼawꞈ, aˬ yawꞈ maꞈ yawˬ haˇ yawˬ ha ga ahˇ-eu meh.

Jaceuq 94:13

Maˬ tsaˬ maˬ dawˇ-eu tsawˇ haˬ deuˬ bi ga ahˇ-eu gʼaˇ duˬ duˬ kʼahˬ maˬ kʼahˬ gʼaˬ kʼoeˇ keuˆ ni, guˆ-eu gaˆ-eu aˇ yamˬ laꞈ kʼoeˇ aˬ yawꞈ-ahˇ nawˇ nui saˇ bi za-euˬ meh.

Dawqdaq 26:27

Aˬ cawˬ-ahˇ lahˇ ju kʼmˇ-eu tsawˇ haˬ, yawˬ haˇ yawˬ ha kʼmˇ paꞈ tehꞈ-a. Miˇ byaˆ ngawˬ-eu tsawˇ haˬ, yawˬ haˇ yawˬ ha bi byaˆ tehˬ sehꞈ tehꞈ-a.

Dawqdaq 5:22

Haiˬ-euˬ tsawˇ haˬ iˬ baˇ mˇ-eu lahˇ ju kʼmˇ gaˇ duˇ-awˇ, yawˬ ha-euˬ iˬ baˇ lahˇ ju-ahˇ yawˬ ha teuˆ paꞈ-eu meh.

Iˇsaˬyaˇ 33:11

Naw maꞈ bahˬ toˆ yawꞈ ngehꞈ pyeuꞈ-awˇ, kʼaˇ mˇ-euˬ jeˬ tiˬ pawꞈ-iˬ gaˇ dahˇ maˬ tsoeˬ-ehˇ, yawˬ haˇ yawˬ ha laˆ cawˆ luꞈ-eu tehꞈ meh.

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

Daˬyeˬlaˇ 6:25

Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.