Jaceuq 7:13 - Akha

¹³ Sehꞈ-eu keu ka lehˬhmˬtaˬ-awˇ, kaˆmyaˬneh mawˬdziˇtaˬ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Miqyaer, aqyawf-anr saef-eu keuka laeqhmq taq-awr, Miqdzaq dof-eu kavmyaq janrtaq-euq mae.

Jaceuq 7:13 Iomraidhean Croise

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 11:2

Yaw haiˬdeuˬkaˆngoꞈdaˆtaˬ-awˇ, yaw sui yaw dawˇ-euˬnui ma-ahˇ, yaw zahˇlaꞈkʼoeˇ beuˆcoˆ-eu lehˇ, kaˆmyaˬmawˬdawˇ-awˇloꞈluꞈmeh.

Jaceuq 144:6

Mˬ jeˬ tsawˬ tehˆ bi tehˆ-awˇ nawˬ-ahˇ muiˇ-eu deuˬ-ahˇ teh byaˆ-awˬ. Nawˬ-euˬ kaˆ myaˬ neh beuˆ-awˇ bi cehˆ-awˬ.

Jaceuq 18:14

Aˬyawꞈkaˆmyaˬbeuˆgʼeh leꞈ-awˇ, muiˇ-eu deuˬ-ahˇteh byaˆ-euˬmeh. Mˬjeˬtsawˬtehˆtehˆgʼeh leꞈ-awˇ, guˆ-iˇ-awˇbi cehˆbyaˆ-euˬmeh.

Jaceuq 45:5

Nawˬ-euˬ kaˆ myaˬ taˆ dui dui-awˇ, muiˇ-eu deuˬ-euˬ nui ma-ahˇ beuˆ tsoˆ-eu laꞈ kʼoeˇ, aˬ cawˬ tsawˇ jeuˬ deuˬ nawˬ-euˬ aˬ kuiˇ dawˬ peh ya coˬ lah tehꞈ-a.

Jaceuq 64:3

Aˬ yawꞈ maꞈ-euˬ mehˬ laˇ mi cehˇ loꞈ-ehˇ siˬ taˆ taˬ-awˇ, kaˆ myaˬ-ahˇ duˇ-eu dawˬ ngoꞈ daˆ taˬ-euˬ meh.

Jaceuq 64:7

Ehˇ kʼawꞈ, aˬ yawꞈ maꞈ-ahˇ Miˬyehˇ kaˆ neh beuˆ-awˇ, ja pyuˬ ni beuˆ naˇ nehˬ tehꞈ-a.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.

Haˬbaˬkuˆ 3:11

Nawˬ-euˬ kaˆ myaˬ mˬ myawꞈ myawꞈ-awˇ, nawˬ-euˬ gahˬ naˇ guiˇ guiˇ laˇ gaˇ, ba la nahˇ ma naˬ leˇ-euˬ meh.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.

Dawˬmehˬ 32:23

“Shaˬ zahˬ duˬ gahˬ baꞈ daˆ nehˬ-awˇ, kaˆ myaˬ dawˬ tawˆ beuˆ tsoˆ nehˬ ma.

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

2 Teˇsaˬloˇni 1:6

Yaw tsaˬ yaw dawˇ jeˬ keuˆ le ni Miˬyehˇ mˇ tehꞈ-a. Naw maꞈ-ahˇ kʼehˬ-eu kʼaˆ-eu tsawˇ haˬ deuˬ-ahˇ, kʼehˬ-eu kʼaˆ-eu jeˬ paˇ bi daˬ poˆ tehꞈ-a.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.