Jaceuq 7:12 - Akha

¹² Yawꞈmaꞈnui ma maˬnoeˬpaˇnaˇ, Miˬyehˇ mi cehˇshiˬtaˆ taˬ-awˇ, kaˆngoꞈdaˆ-awˇ loꞈluꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqyawf maq noeqpar nar-aq, Miqyaer micaer siqtav taq-awr, Kav ngofdav-awr lofluf-eu mae.

Jaceuq 7:12 Iomraidhean Croise

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Jaceuq 129:4

Ehˇ kʼawꞈ tsaˬ-eu dawˇ-eu Sahˬpaˬ Miˬyehˇ neh, ngaˬ-ahˇ aˬ cawˬ zaˬ kʼaˆ maˬ ya geuꞈ ni bi buˬ-iˇ laꞈ-euˬ meh.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Jaceuq 9:5

Miˇkʼahˬtsawˇjeuˬ-ahˇnawˇmuiˇ-awˇ, yaw haiˬdeuˬ-ahˇ laˆcawˆ-euˬ meh. Yawꞈmaꞈtsawˇmyahˇmiˇtsaˬ kʼoeˇtaˆ, byoˆtsehˆ-iˇni jahˇ nehˬ-euˬ meh.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Iˇsaˬyaˇ 34:5

Mˬ taˆ Sahˬpaˬ Miˬyehˇ mi cehˇ sheu doˆ leꞈ-awˇ, aˬ yawꞈ laˆ cawˆ ma lehˇ noeˬ duˬ taˬ-euˬ deuˬ jawˇ luꞈ-eu, Eˬdoˬ meuˬ-ahˇ deuˆ le tehꞈ-a.

Yeˬsaˬgeˬlaˇ 18:30

“Nymˬ-mˇ poˆ jawˇ-aˬ, naw maꞈ Iˇsaˬleˬlaˆ tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ kʼaˇ shaˇ-euˬ gaˇ haw-awˇ yaˇ kʼaˬ daˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ iˬ baˇ neh naw maꞈ-ahˇ maˬ bi laˆ cawˆ ni, naw maꞈ mˇ luꞈ-eu yaw haiˬ jeˬ byehˇ dzeh jiˇ-awˬ.

Yeˬsaˬgeˬlaˇ 21:23

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-aˬ, saˇ jaˇ dzaˬ taˬ-euˬ jaˆ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ maˬ jah-a. Ehˇ kʼawꞈ, gaˇ kawˆ kʼoeˇ aˬ yawꞈ maꞈ neh mˇ dzeuˇ-euˬ iˬ baˇ-ahˇ bi noeˬ doˆ leˇ-awˇ, aˬ yawꞈ maꞈ-ahˇ aˬ cawˬ nyehꞈ tehꞈ-a lehˇ bi siˬ-eu tiˬ jeˬ meh.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.