Jaceuq 68:25 - Akha

²⁵ Caˇ dawˬ caˇ-eu deuˬ mehˬ hu paw cah-awˇ, bawˬ law baw, deuˇ-mˬ diˬ-eu deuˬ mehˬ nah paw cah-awˇ, cehˇ lehˇ ciˆ-eu zaˬ miˬ aˬ buˇ deuˬ gʼahˇ ceh cah luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Cardawq car-eu deuq maeqhu paw can-awr, Tersar lavmanr-eu keuka lavmanr-eu deuq cantae luf-eu lafkhoer, Caexlaer civ-eu aqbur zaqguq deuq khawf keuq-eu mae.

Jaceuq 68:25 Iomraidhean Croise

1 Laˬsaˬbaˬ 13:8

Daˬbiˇ hawˇ-eu Iˇsaˬleˬlaˆ tsawˇ haˬ deuˬ-aˬ, deuˇ-mˬ diˬ, tahˬ diˬ, cehˇ lehˇ ciˆ-awˇ, daˇ heh baw-eu laꞈ kʼoeˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-euˬ meh.

Jaceuq 63:3

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, ngaˇ yaw dehꞈ dehꞈ luꞈ-eu naˆ maˬ tseˇ poeˬ-eu miˇ neh, nawˬ-ahˇ ngaˇ ja ceuˬ-eu ma.

Jaceuq 77:14

Nawˇ-aˬ, kʼaˆ jeˬ-ehˇ gʼeh-eu jeˬ mˇ-eu Miˬyehˇ meh. Tsawˇ jeuˬ dawˬ tawˆ luꞈ-ahˇ nawˬ-euˬ baoˬ nawˇ bi mawˇ-euˬ meh.

Jaceuq 87:7

“Guiˬ lahˬ yaw dzahˇ dawˬ tawˆ luꞈ, Ziˇoˬ meuˬ-ahˇ neh oe-euˬ meh” lehˇ, aˬ yawꞈ maꞈ gaˇ nyeh nyeh-awˇ caˇ tehꞈ-a.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Yeˬlaˬmiˇ 31:13

Kʼoeˇ ngeh aˬ buˇ miˬ daꞈ deuˬ gaˇ nyeh nyeh tehꞈ-a. Zaˬ guˬ tsawˇ mawˬ maˬ ehˇ laˬ kʼaˬ ya cehˇ tehꞈ-a. Aˬ yawꞈ maꞈ-euˬ nui ma-ahˇ ngaˇ laˆ saˆ nehˬ-eu miˇ neh, myaˆ biˇ yoeˇ-eu dah zaˇ laˬ kʼaˬ cehˇ-awˇ, shaˬ zahˬ dah zaˇ nui saˇ oꞈ le tehꞈ-a.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yaˇ kʼaˬ daˇ 11:34

Miˇzaˬpaˬ meuˬ-ahˇ jaˆ-eu aˬ yawꞈ-euˬ nymˇ-ahˇ Yeˬpaˬtaˆ gʼoꞈ le ngeh, aˬ yawꞈ-euˬ aˬ buˇ cehˇ lehˇ ciˆ-awˇ, gaˇ nyeh nyeh nyeh-ehˇ aˬ yawꞈ-ahˇ ha laˬ le-euˬ meh. Aˬ yawꞈ-aˬ, aˬ buˇ kʼoeˇ tiˬ buˇ tehꞈ-ehˇ jawˇ-eu meh.

1 Saˬmeuˬlaˆ 18:6

Daˬbiˇ Gawˇliˇyaˆ-ahˇ sehꞈ gʼaˬ-awˇ gʼoꞈ laˇ-eu loꞈ-ehˇ, yehˇ dawˬ tawˆ luꞈ kʼawꞈ yawˬ ha-euˬ nymˇ-ahˇ yawˬ ha gʼoꞈ laˇ luꞈ ngeh, Iˇsaˬleˬlaˆ miˇ kʼahˬ meuˬ yawˬ meuˬ na luꞈ laꞈ kʼoeˇ jawˇ-eu zaˬ miˬ zaˬ dawˬ tawˆ luꞈ, sahˬ paˬ Sawˇluˆ-ahˇ ha laˬ le-euˬ meh. Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu meh.