Jaceuq 68:2 - Akha

² Uˬ kʼoeˬ-ahˇ jaˬ lehˇ baw byoˆ-eu loꞈ-ehˇ, aˬ yawꞈ maꞈ-ahˇ aˬ yawꞈ teh byoˆ-eu meh. Miˬ dzaˬ mehˬ shi byaˬ shahˬ guiˇ-iˇ-eu loꞈ-ehˇ, Miˬyehˇ-euˬ mehˬ shi haiˬ-eu tsawˇ haˬ deuˬ cawˆ-iˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Uqkhoeq bawbyov ghae-eu lof-aer, Aqyawf maf-anr taebyov dzae-eu mae. Miqdzaq-euq maeqshi byaqshanq guir-ir-eu lof-aer, Miqyaer-euq maeqshi, tsawrcawv deuq bicawv-ir-awq.

Jaceuq 68:2 Iomraidhean Croise

2 Saˬmeuˬlaˆ 10:13

Yoˇbaˬ hawˇ-eu aˬ yawꞈ-euˬ tsawˇ haˬ deuˬ guiˇ deuˆ-eu lehˇ, guiˇ daˬ daˬ-awˇ mehˬ hu paw jiˆ peh leˇ ngeh, Suˇliˆ tsawˇ haˬ deuˬ cehˆ byaˆ-euˬ meh.

2 Saˬmeuˬlaˆ 10:18

Iˇsaˬleˬlaˆ tsawˇ haˬ deuˬ neh Suˇliˆ guiˇ maꞈ-ahˇ mehˬ nah paw teh kʼoꞈ gʼeh-awˇ, guiˇ deuˆ-eu mahˬ laˆ lawˬ teh-eu Suˇliˆ yehˇ shiꞈ yaˇ gʼaˬ hawˇ-eu mahˬ dziˬ-eu yehˇ oeˬ muiˇ gʼaˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ neh sehꞈ-euˬ meh. Muiˇ-eu deuˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Shoˇbaˆ-ahˇ kʼawꞈ aˬ yawꞈ maꞈ deuˆ naˇ nehˬ-awˇ, deuˆ ceh ceh luꞈ ngeh shiˇ-euˬ meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Jaceuq 37:20

Ehˇkʼawꞈ haiˬ-eu deuˬya shiˇmeh. SahˬpaˬMiˬyehˇ-ahˇmuiˇ-eu deuˬ, aˇyehˆloꞈ-ehˇya juˬ-iˇ-awˇ, uˬkʼoeˬloꞈ-ehˇya byoˆ-iˇmeh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Jaceuq 80:16

Nga maꞈ-ahˇ muiˇ-eu tsawˇ haˬ deuˬ aˬ gaꞈ baw duˆ kʼoeˇ-ahˇ miˬ dzaˬ dzah puiˆ-awˇ coeˇ tsehˆ dzeh-euˬ meh. Aˬ yawꞈ maꞈ-ahˇ nui ma pehˇ-awˇ laˆ cawˆ nehˬ-awˬ.

Jaceuq 97:5

Gawˬ jawˬ deuˬ Sahˬpaˬ Miˬyehˇ mehˬ shi, miˇ tsaˬ dawˬ tawˆ luꞈ-euˬ Sahˬpaˬ Miˬyehˇ mehˬ shi, byaˬ shahˬ loꞈ-ehˇ guiˇ ka-eu meh.

Iˇsaˬyaˇ 33:3

Mˬ jeˬ tsawˬ tehˆ tehˆ gaˇ duˇ-eu nawˬ-euˬ teˇ saˇ gaˬ ngeh, tsawˇ haˬ zaˬ cehˆ byoˆ-awˇ, nawˇ tsawˬ tuˇ laˇ gaˇ ya mawˇ ngeh, aˬ cawˬ tsawˇ jeuˬ deuˬ cehˆ byoˆ jiˇ-eu meh.

Iˇsaˬyaˇ 64:2

Iˇ buiˇ buiˇ-eu loꞈ-ehˇ aˬ yawꞈ maꞈ yaw dzuˬ dzuˬ tehꞈ-a. Nawˬ-ahˇ muiˇ-eu deuˬ-ahˇ nawˬ-euˬ baoˬ bi mawˇ-awˇ, nawˬ-euˬ mehˬ shi miˇ kʼahˬ tsawˇ jeuˬ deuˬ yaw dzuˬ bi dzuˬ-awˬ.

Iˇsaˬyaˇ 9:18

Yaw haiˬ jeˬ miˬ dzaˬ doꞈ doˆ laˇ-awˇ, aˬ gah baw duˆ hawˇ-eu yaˇ saˬ-ahˇ puiˆ tehꞈ-a. Sahˬ kʼaˆ ma-ahˇ doꞈ nyawˬ leˇ-awˇ, uˬ kʼoeˬ mˬ-ahˇ lehˬ yoˆ daˆ leꞈ tehꞈ-a.

Yeˬlaˬmiˇ 46:15

Naw maꞈ-euˬ baoˬ huiˬ-eu miˬ yehˇ Aˬpiˇ, aˬ jeˬ miˇ neh ya coˬ-iˇ ta. Sahˬpaˬ Miˬyehˇ neh dehˬ coˬ-euˬ maˬ ngeuˇ-a loˇ’ lehˇ guˬ-awˬ.

Hawˇseˬ 13:3

Uˬ shawˬ tmˬ-eu juˬ kʼoeˬ hawˇ-eu, uˬ shawˬ buiˇ-iˇ-eu ceuˬ loꞈ-ehˇ, tsawˇ haˬ kʼoeˇ deuˬ byoˆ jiˇ tehꞈ-a. Cehˇ diˬ-euˬ gaˇ ga-eu lehˇ meuꞈ, jaˬ lehˇ bi baw byoˆ-eu loꞈ-ehˇ, uˬ kʼoeˬ bawˬ law-ahˇ doˆ laˇ-eu, miˬ dzaˬ tsawˬ bu uˬ kʼoeˬ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Bawˇtsahˬ 10:35

Dawˬ ma saˇ jaˇ Bahˬ keuˆkʼoeˇ kʼaˇ baꞈ luˆ gʼeh ngeh, “Sahˬpaˬ Miˬyehˇ-oˇ, tuˇ-awˬ. Nawˬ-ahˇ muiˇ-eu deuˬ-ahˇ teh byaˆ-awˇ, nawˬ-ahˇ bye-eu deuˬ bi cehˆ byoˆ jiˇ-awˬ” lehˇ Moˇseˬ ehˇ-eu meh.