Jaceuq 68:1 - Akha

¹ Miˬyehˇ tsawˬ tuˇ laˇ-awˇ, aˬ yawꞈ-ahˇ muiˇ-eu deuˬ-ahˇ teh byaˆ-eu meh. Aˬ yawꞈ-ahˇ bye-eu tsawˇ haˬ deuˬ aˬ yawꞈ mehˬ shi cehˆ byaˆ jiˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer turlar-awr, aqyawf-anr muir-eu deuq bi caevbyavjir luf-ur; Aqyawf-anr byae-eu deuq khawf, aqyawf-euq maeqshi nae caevbyovjir luf-ur.

Jaceuq 68:1 Iomraidhean Croise

2 Laˬsaˬbaˬ 6:41

Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tuˇ laˇ-awˇ, nawˬ-euˬ baoˬ pyeuꞈ-eu Dawˬ ma saˇ jaˇ Bahˬ keuˆ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ uˇ le-awˇ, mˬ maˬ maˬ byaˆ zaˇ ziˇ jawˇ-awˬ. Piˇ ma deuˬ kʼaˇ mˇ kʼaˇ shaˇ-eu jeˬ-ahˇ nawˇ guiˬ lahˬ biꞈ-awˬ. Nawˬ-euˬ guiˬ lahˬ baˬ da neh, nawˬ-euˬ tsawˇ haˬ dawˬ tawˆ luꞈ laˬ kʼaˬ cehˇ luꞈ-uˇ.

Jaceuq 21:8

Muiˇ-eu tsawˇhaˬdawˬtawˆluꞈ-ahˇ, sahˬpaˬneh bi nyehꞈmi jiˇ-awˇ, aˬyawꞈ-ahˇbye-eu tsawˇhaˬdeuˬ, dawˬtawˆluꞈbi nyehꞈjiˇtehꞈ-a.

Jaceuq 44:26

Nga maꞈ-ahˇ nawˇcaw ba le-awˬ. Aˬmyah luꞈmaˬtsehˆleˇnya-eu, nawˬ-euˬgʼoeˇ-eu gaˬ-eu jeˬneh, nga maꞈ-ahˇka kʼoꞈnehˬlaꞈ-awˬ.

Jaceuq 59:11

Miˬyehˇ-oˇ, aˬ yawꞈ maꞈ-ahˇ ngaˬ-euˬ tsawˇ haˬ deuˬ maˬ bi ngehˇ-eu gʼaˇ duˬ aˬ yawꞈ maꞈ-ahˇ nawˇ taˬ sehꞈ dzeh. Nga maꞈ-ahˇ haw piˇ-eu Sahˬpaˬ Miˬyehˇ-oˇ, nawˬ-euˬ gʼaˬ neh aˬ yawꞈ maꞈ-ahˇ miˇ kʼahˬ doe ni teh byaˆ-awˇ, guiˇ deuˆ gʼaˬ nehˬ-awˬ.

Jaceuq 68:14

Zaˬlaˬmoˬ gawˬ jawˬ-ahˇ jawˇ-eu sahˬ paˬ deuˬ-ahˇ, Baoˬ huiˬ-eu Miˬyehˇ teh byaˆ nehˬ ngeh, kʼoeˇ gaˇ neh bi ga le-euˬ meh.

Jaceuq 68:30

Aˇ toꞈ yaˇ-ahˇ uˇ-eu haiˬ-eu bawˇ tsahˬ jeˬ zaˬ-ahˇ duˇ-eu, Iˇjiˇtuˆ miˇ kʼahˬ-ahˇ nawˇ sawˇ dzeh-awˬ. Mawˇ neˇ mawˇ zaˬ sheuˬ-awˇ cah-eu mawˇ gaw deuˬ-ahˇ duˇ-eu tsawˇ jeuˬ kʼoeˇ deuˬ-ahˇ kʼawꞈ nawˇ sawˇ dzeh-awˬ. Aˬ cawˬ tsawˇ jeuˬ kʼoeˇ taˆ kawˬ taꞈ dzaˬ mawꞈ-eu deuˬ-ahˇ nawˇ nawˬ pahˬ-awˇ, guiˇ deuˆ mawꞈ-eu nui ma ahˇ-eu deuˬ-ahˇ teh byaˆ nehˬ-awˬ.

Jaceuq 89:10

Iˬ ma laˆ shaˆ byaˆ yahˬ Laˬhaˇ-ahˇ nawˇ nawˬ pyehˆ-awˇ sehꞈ-euˬ meh. Nawˬ-euˬ baoˬ huiˬ-eu gʼaˬ-ahˇ gʼoe-awˇ, muiˇ-eu deuˬ-ahˇ nawˇ deuˆ gʼaˬ-euˬ meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Iˇsaˬyaˇ 33:3

Mˬ jeˬ tsawˬ tehˆ tehˆ gaˇ duˇ-eu nawˬ-euˬ teˇ saˇ gaˬ ngeh, tsawˇ haˬ zaˬ cehˆ byoˆ-awˇ, nawˇ tsawˬ tuˇ laˇ gaˇ ya mawˇ ngeh, aˬ cawˬ tsawˇ jeuˬ deuˬ cehˆ byoˆ jiˇ-eu meh.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Daˬyeˬlaˇ 2:35

Ja pyuˬ ni, shuiˇ, miˇ tsaˬ, guiˬ shuiˇ, pyuˇ hawˇ-eu shuiˇ kʼoeˇ deuˬ dawˬ tawˆ luꞈ meuˇ-iˇ loeˇ-iˇ jiˇ-awˇ, jawˇ la yamˬ-ahˇ cehˇ bymˇ saˬ kʼawꞈ-ahˇ ga-eu kʼaˬ lehˇ loꞈ-ehˇ pyeuꞈ jiˇ-euˬ meh. Jaˬ lehˇ neh bi baw byoˆ jiˇ-awˇ iˇ zaˇ laˇ zaˇ maˬ siˬ ni pyeuꞈ-iˇ-euˬ meh. Ehˇ kʼawꞈ, kʼaˬ lo kʼoeˇ siˬ gawˬ jawˬ jawˬ ma pyeuꞈ laˇ-awˇ, miˇ tsaˬ tahˬ kʼawˇ-ahˇ huiˬ byah-euˬ meh.

Bawˇtsahˬ 10:35

Dawˬ ma saˇ jaˇ Bahˬ keuˆkʼoeˇ kʼaˇ baꞈ luˆ gʼeh ngeh, “Sahˬpaˬ Miˬyehˇ-oˇ, tuˇ-awˬ. Nawˬ-ahˇ muiˇ-eu deuˬ-ahˇ teh byaˆ-awˇ, nawˬ-ahˇ bye-eu deuˬ bi cehˆ byoˆ jiˇ-awˬ” lehˇ Moˇseˬ ehˇ-eu meh.

Dawˬmehˬ 7:10

Ehˇ kʼawꞈ, aˬ yawꞈ-ahˇ bye-eu tsawˇ haˬ-ahˇ aˬ yawꞈ maˬ nyi naˬ ni kʼehˬ nehˬ kʼaˆ nehˬ tehꞈ-a.