Jaceuq 66:13 - Akha

¹³ Miˬ dzaˬ-ahˇ dzah puiˆ-awˇ lawˇ-eu jeˬ, nawˬ-euˬ nymˇ-ahˇ ngaˇ yuˇ laꞈ-awˇ, ngaˬ neh saˇ jaˇ dzaˬ taˬ-euˬ loꞈ-ehˇ lawˇ nehˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ngar, nawq-euq nymr-anr le-awr dzanpuiv-awr lawr-eu jeq yurlaf-awr, Ngar, nawq-anr kamqtaq-euq lof-aer mrbyan ma.

Jaceuq 66:13 Iomraidhean Croise

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Jaceuq 100:4

Aˬ yawꞈ-euˬ guiˬ lahˬ-ahˇ noeˬ keuˆ-eu laꞈ kʼoeˇ, aˬ yawꞈ-euˬ gʼoˆ kʼehˬ-ahˇ uˇ leˇ-awˬ. Aˬ yawꞈ-ahˇ ja ceuˬ-eu laꞈ kʼoeˇ, aˬ yawꞈ-euˬ nymˇ-ahˇ uˇ leˇ-awˬ. Aˬ yawꞈ-euˬ guiˬ lahˬ-ahˇ noeˬ keuˆ-awˇ ja ceuˬ-awˬ.

Jaceuq 116:14

Aˬ yawꞈ-euˬ tsawˇ haˬ deuˬ uiˬ leˇ taˬ-euˬ mehˬ shi, ngaˬ neh saˇ jaˇ dzaˬ taˬ-euˬ jeˬ aˬ yawꞈ-ahˇ ngaˇ damˬ ma.

Jaceuq 118:19

Ngaˬ-ahˇ Uˬ duˬ tahˬ nymˇ nymˇ ma laˇ gʼoˆ pah nehˬ laꞈ. Ngaˇ uˇ leˇ-awˇ Sahˬpaˬ Miˬyehˇ-euˬ guiˬ lahˬ-ahˇ ja ceuˬ ma.

Jaceuq 118:27

Sahˬpaˬ Miˬyehˇ-aˬ, Miˬyehˇ pyeuꞈ-eu meh. Aˬ dui-ahˇ aˬ yawꞈ yaw shehꞈ biꞈ laꞈ-euˬ meh. Naw maꞈ-euˬ aˬ laꞈ-ahˇ aˇ bawˇ uˬ pyaˬ tuˆ tehˬ-eu laꞈ kʼoeˇ, bawˬ-iˬ gʼeh-eu aˇ dahˬ beh-awˇ, lawˇ duˬ jawˬ jawˬ-ehˇ cah-awˬ.

Jaceuq 22:25

Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Dawˬ tsoˆ 5:4

Kʼoeˇ miˇ neh, Miˬyehˇ-ahˇ nawˇ saˇ jaˇ dzaˬ gʼaˬ naˇ, yaw kawˇ-ehˇ mˇ byah-awˬ. Aˬ jeˬ miˇ neh ehˇ naˇ, aˬ dzawˬ aˇ gah-ahˇ aˬ yawꞈ nui ma maˬ tsaˬ-a. Nawˬ neh saˇ jaˇ kʼaˇ dzaˬ taˬ-euˬ loꞈ-ehˇ mˇ-awˬ.

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Dawˬmehˬ 23:22

Sahˬpaˬ Miˬyehˇ-ahˇ saˇ jaˇ maˬ dzaˬ-ehˇ jawˇ-eu jeˬ-aˬ, iˬ baˇ maˬ ngeuˇ-a.

Dawˬmehˬ 23:23

Ehˇ kʼawꞈ, yawˬ ha nui ma keuˆ-eu laꞈ kʼoeˇ saˇ jaˇ dzaˬ naˇ, maˬ byehˇ ni ya mˇ byah meh.

Dawˬmehˬ 23:24

“Aˬ cawˬ-euˬ aˬ gaꞈ yaˇ kmˇ-ahˇ nawˇ cah tsehˆ ngeh, nawˇ kʼaˇ dzaˬ mawꞈ-eu myaˆ ni aˬ gaꞈ aˇ siˬ pyaˆ dzaˬ nya meh. Ehˇ kʼawꞈ, tiˬ gaˇ paw pyaˆ ahˇ-awˇ, iˇ kahˇ-ahˇ maˬ ya yuˇ kʼoꞈ gʼeh-a.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

Yaˇ kʼaˬ daˇ 11:35

Aˬ yawꞈ-euˬ aˬ buˇ-ahˇ aˬ yawꞈ ya mawˇ ngeh, noeˬ shaˬ dui dui-eu laꞈ kʼoeˇ yawˬ ha-euˬ meh tsoeˬ cehˬ pyaˬ-awˇ ehˇ-eu, “Ngaˬ buˇ-oˇ, ngaˬ-eu nui ma tsawˬ paˆ-iˇ ni nawˇ jahˇ-euˬ nga. Nawˇ-aˬ, ngaˇ shaˬ zahˬ naꞈ ni jahˇ nehˬ laꞈ-eu tsawˇ haˬ tiˬ gʼaˬ law hawˇ nga. Sahˬpaˬ Miˬyehˇ-ahˇ ngaˇ saˇ jaˇ ziꞈ dah ni dzaˬ gʼaˬ taˬ-euˬ miˇ neh, maˬ paˇ noeˬ paˇ nya meh.”