Jaceuq 63:5 - Akha

⁵ Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngaq-euq nuima saflar, shaqtsur hawr-eu purnmf dzaqdaev-euq lof-aer, Tmqjawvni ghae-awr, laqkhaq caer-eu maeqluq nae, Ngaq-euq khaqmae, nawq-anr jaceuq ma.

Jaceuq 63:5 Iomraidhean Croise

Jaceuq 104:33

Ngaˬ-euˬ tiˬ ziˇ Sahˬpaˬ Miˬyehˇ-ahˇ caˇ-awˇ ja ceuˬ ma. Ngaˇ saꞈ kʼaˇ gʼawˇ kʼoeˇ keuˆ ni, ngaˬ-euˬ Miˬyehˇ-ahˇ caˇ-awˇ ja ceuˬ ma.

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Jaceuq 134:2

Uˬ duˬ tahˬ nymˇ nymˇ ma-ahˇ aˬ laꞈ baꞈ diˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

Jaceuq 135:3

Sahˬpaˬ Miˬyehˇ muiˬ-eu jaˬ-eu miˇ neh, aˬ yawꞈ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya-eu miˇ neh, aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

Jaceuq 43:4

Nawˬ-euˬlawˇduˬ-ahˇngaˇle ma. Ngaˬ-euˬlaˬkʼaˬcehˇduˬnawˇma. Ngaˬ-euˬMiˬyehˇpyeuꞈ-eu nawˬ-ahˇ, deuˇ-mˬdiˬ-awˇngaˇja ceuˬma.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Jaceuq 71:23

Nawˬ-ahˇ ngaˇ caˇ-awˇ ja ceuˬ ngeh, ngaˇ laˬ kʼaˬ cehˇ-awˇ guˇ ma. Nawˇ ngaˬ-ahˇ ka kʼoꞈ nehˬ laꞈ-eu miˇ neh, nui ma gʼawˇ mawˇ dawˬ tawˆ luꞈ caˇ-awˇ ja ceuˬ ma.

Jaceuq 96:6

Baoˬ yaw shehꞈ kʼahˬ sehˇ aˬ yawꞈ-euˬ tiˬ jawˬ jaˆ-awˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, baoˬ hawˇ-eu haw muiˬ-eu jeˬ byah luꞈ-eu meh.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.