Jaceuq 61:2 - Akha

² Ngaˇ nui ma cawˆ dui dui-eu laꞈ kʼoeˇ, mˬ dzeˇ miˇ dzeˇ jawˇ-awˇ nawˬ-ahˇ kuˇ-eu ma. Ziꞈ dah ni gʼeh-eu lo guˇ-ahˇ, ngaˬ-ahˇ sheuˬ gʼeh nehˬ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq-euq nuima shaqzanq naf duidui-eu lafkhoer, Ngar mqdzer mirdzer jawr-awr nae nawq-anr gurgaq luf-eu ma; Ngar taf-aer gordzaeq-eu logur-anr, ngaq-anr sheuqghae naeqlaf-awq.

Jaceuq 61:2 Iomraidhean Croise

Jaceuq 142:3

Ngaˬ-euˬ nui ma gʼaˬ baˬ dui dui ngeh, ngaˇ aˬ joˆ-ehˇ mˇ paˬ-ehˇ gʼeh-eu aˬ yawꞈ siˬ nya-eu meh. Ngaˇ cah luꞈ-eu gaˇ ma-ahˇ, muiˇ-eu deuˬ ngaˬ-ahˇ lahˇ ju kʼmˇ taˬ-euˬ meh.

Jaceuq 143:4

Kʼoeˇ miˇ neh ngaˇ noeˬ tmˬ duˬ maˬ jaˆ-ehˇ, nui ma shaˬ zahˬ naꞈ dui dui nya.

Jaceuq 17:1

Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Jaceuq 18:2

SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

Jaceuq 18:46

SahˬpaˬMiˬyehˇ dehꞈluꞈ-eu meh. Ngaˬ-euˬlo guˇ-ahˇja ceuˬma. Ngaˬ-ahˇka kʼoꞈ-euˬMiˬyehˇ-ahˇ, ciˬhuiˬciˬmahˇ-awˇguˇ-eu ma.

Jaceuq 27:5

Guˆ-eu gaˆ-eu jeˬkeuˆle ngeh, aˬyawꞈ-euˬnymˇnymˇma laꞈkʼoeˇ, aˬyawꞈngaˬ-ahˇsheuˬpiˇtehꞈ-a. Sehˬgʼawˆnaˇshmˇbaˇzaꞈuˬmoˆ, aˬyawꞈngaˬ-ahˇsheuˬzaꞈtehꞈ-a. goˇdui dui-eu lo guˇ uˬ du, aˬyawꞈngaˬ-ahˇciˬdaˆtehꞈ-a.

Jaceuq 40:2

Shaˬzahˬguˆgaˆmyaˬdui dui-eu, lah yaˬlah shiˇkʼahˬnaꞈlaꞈkʼoeˇ, aˬyawꞈngaˬ-ahˇgʼeu doˆle-awˇ, kʼaˬlo kʼoeˇtaˆciˬdaˆlaꞈ-awˇ, ziꞈdah ni bi yawꞈlaꞈ-euˬmeh.

Jaceuq 42:6

Aˬcawˬmiˇkʼahˬ-ahˇya jawˇ-eu, nui ma cawˆdui dui-eu miˇneh, Miˬyehˇ-ahˇshaˇnoeˬluꞈ-eu ma. Ngaˬ-euˬsaꞈlaˇshaˬzahˬnaꞈni, aˬyawꞈneh bi keuˆle-euˬmeh. Heˬlaˬmoˬgawˬjawˬkʼoeˇtaˆneh, Miˇzaˬ gawˬjawˬyaw goˇ-ahˇ neh, yoeˇka leꞈ-euˬiˇcuꞈkʼoeˇdeuˬ, Yawˇdaˬiˇcuˬlawˇbaˬkʼoeˇtaˆ, tsawˬga ga ahˇleꞈ-eu loꞈ-ehˇ, nui ma-ahˇlaˆsuˬsaˬ-eu jeˬ, ngaˬ-euˬkʼoeˇtaˆkeuˆle luꞈmeh.

Jaceuq 43:5

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 55:5

Guˆ-awˇ yaw dzuˬ dzuˬ-eu jeˬ ngaˬ-ahˇ zuiˆ gʼaˬ-awˇ, laˇ baˇ-iˇ miˇ-a.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 62:6

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 77:3

Miˬyehˇ gaˇ kawˆ ngaˇ shaˇ noeˬ ngeh, saꞈ gʼawˇ daˆ laˇ miˇ-a. Ciˬ cuˇ ni jawˇ-awˇ shaˇ noeˬ ngeh, gʼaˬ baˬ dui dui nya.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 54:11

Sahˬpaˬ Miˬyehˇ ehˇ-eu, “Shaˬ zahˬ naꞈ-awˇ ngehˬ gʼeh nehˬ-eu gʼaˬ maˬ jawˇ-eu, nui saˇ maˬ oꞈ-eu Yeˬluˇsaˬlehˬ-oˇ, aˇ poeˬ kʼaˆ-eu kʼaˬ lo sehˇ deuˬ yuˇ-awˇ, nawˬ-euˬ dawˬ pehˬ ngaˇ gawˬ ziꞈ ma.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Dawˬmehˬ 4:29

Kʼoeˇ gaˇ, Sahˬpaˬ Miˬyehˇ-ahˇ naw maꞈ poˆ-awˇ, naw maꞈ-euˬ nui ma saꞈ laˇ dawˬ tawˆ luꞈ aˬ yawꞈ-ahˇ poˆ naˇ, ya mawˇ tehꞈ-a.