Jaceuq 60:5 - Akha

⁵ Nawˇ gaˬ-eu tsawˇ haˬ deuˬ ya buˬ ya law-iˇ ni, nga maꞈ-euˬ shaˇ dawˬ naˇ haˬ nehˬ laꞈ-awˇ nawˬ-euˬ baoˬ neh nga maꞈ-ahˇ ka kʼoꞈ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nawr gaq-eu tsawrhaq yabuq-ir ni, Nga’maf-euq shardawq-anr narhaq naeqlaf-awr, Nawq-euq armar laf nae nga’maf-anr kakhof naeqlaf-awq.

Jaceuq 60:5 Iomraidhean Croise

Jaceuq 127:2

Uˬ shawˬ yaw naꞈ-ehˇ tuˇ-awˇ uˬ ciꞈ zahˇ le ngeh keuˆ ni, yaw dehꞈ dehꞈ dzaˬ-eu gʼaˇ duˬ mˇ sehꞈ leꞈ kʼawꞈ tiˬ jeˬ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ gaˬ-eu tsawˇ haˬ deuˬ-ahˇ, yuꞈ kʼaˆ luꞈ ngeh aˬ yawꞈ dzaˬ tuiˆ dawˇ tuiˆ biꞈ nehˬ-eu meh.

Jaceuq 17:7

Zahˬleˇdui dui paˬ-ehˇgʼeh-eu, nawˇgaˬ-eu jeˬbi mawˇlaꞈ-awˇ, ngaˬ-ahˇka kʼoꞈle nehˬlaꞈ-awˬ. Nawˇjawˇpaw ngaˇpyawˬngeh, muiˇ-eu deuˬ-ahˇguˆkʼaˇmaˬza.

Jaceuq 18:35

Nawˬ-euˬka kʼoꞈ-eu dehˬdaˬduˬ, nawˬneh ngaˬ-ahˇbiꞈlaꞈ-euˬmeh. aˇmaˇlaꞈneh caw ba laꞈ-awˇ, baoˬneh haw piˇnehˬlaꞈ-euˬmeh.

Jaceuq 20:6

SahˬpaˬMiˬyehˇneh tsiˇlehꞈ-euˬ, aˬyawꞈ-euˬdzoeˬdzaˬsahˬpaˬ-ahˇ, gʼaˬleˇ-eu baoˬ biꞈnehˬmeh lehˇ. nymˬ-mˇngaˇsiˬduˬtaˬ-euˬma. Muiˬ-eu shawˇ-eu mˬtaˆjawˇ-awˇ, shaˇdawˬnaˇhaˬnehˬ-eu laꞈkʼoeˇ, aˇmaˇlaꞈ-euˬbaoˬ-ahˇgʼoe-awˇ, gʼaˬleˇ-eu jeˬbiꞈnehˬ-eu meh.

Jaceuq 22:8

“SahˬpaˬMiˬyehˇ-ahˇnawˇgʼoe-euˬ, maˬhaw ni bi shaˬlaꞈtaˬloˇ. SahˬpaˬMiˬyehˇnawˬ-ahˇgaˬnaˇ, aˬjeˬmiˇneh ngehˬmaˬgʼeh-ehˇ, maˬka kʼoꞈni byehˇcoeˇta”lehˇ, yawꞈmaꞈcehꞈlehꞈka haw-eu meh.

Jaceuq 60:12

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Jaceuq 74:11

Aˬ jeˬ miˇ neh nawˇ nga maꞈ-ahˇ maˬ caw ba le ni jawˇ te. Aˬ jeˬ miˇ neh nawˬ-euˬ aˬ laꞈ naˇ kʼah paw cawˬ zaꞈ te.

Jaceuq 75:9

Ehˇ kʼawꞈ, Yaˬkoˆ-euˬ Miˬyehˇ gaˇ kawˆ maˬ naˬ leˇ ni ngaˇ ja-awˇ, maˬ tsehˆ leˇ ni caˇ-awˇ ja ceuˬ ma.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Yeˬlaˬmiˇ 11:15

Sahˬpaˬ Miˬyehˇ ehˇ-eu, “Ngaˇ gaˬ-eu tsawˇ haˬ deuˬ yaw haiˬ jeˬ mˇ luꞈ meh. Aˬ yawꞈ maꞈ ngaˬ-euˬ Uˬ duˬ tahˬ nymˇ nymˇ ma-ahˇ aˬ jeˬ taꞈ ta. Saˇ jaˇ dzaˬ-awˇ jeˬ zaˬ lawˇ-eu shehˇ-eu laꞈ kʼoeˇ, guˆ-eu gaˆ-eu jeˬ maˬ bi keuˆ le ni aˬ yawꞈ maꞈ jahˇ nya ma lehˇ noeˬ ta loˇ. Kʼoeˇ baˬ da neh aˬ yawꞈ maꞈ nui saˇ za ta loˇ.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Dawˬmehˬ 33:12

Beˬyaˬmiˬ-euˬ gaˇ kawˆ ehˇ-eu, “Sahˬpaˬ Miˬyehˇ gaˬ-eu tsawˇ jeuˬ, aˬ yawꞈ neh haw piˇ-euˬ tsawˇ jeuˬ, aˬ yawꞈ maꞈ gʼahˇ ceh jawˇ-eu meh.”

Dawˬmehˬ 33:3

Aˬ yawꞈ-euˬ tsawˇ haˬ heu deuˬ-ahˇ, Sahˬpaˬ Miˬyehˇ gaˬ-eu miˇ neh, ngehˬ gʼeh dah teˬ haw piˇ-eu meh. Aˬ kuiˇ uˬ moˆ tah uˇ leˇ-awˇ, yawꞈ-euˬ ehˇ dawˬ aˬ dui geuꞈ ma.