Jaceuq 60:2 - Akha

² Miˇ kʼahˬ luˆ laˇ nyeh laˇ ni nawˇ jahˇ-awˇ, miˇ tsaˬ bi tsawˬ paˆ jiˇ-euˬ meh. Miˇ kʼahˬ byaˆ-iˇ luꞈ-eu miˇ neh, nymˬ-mˇ paˇ laˆ muiˬ kʼoꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawr, mirtsaq tanqkhawr ngawqnyae-awr, Mirtsaq bi tsawqpav lar-euq mae; Mirtsaq nyaenyae-aer javluf-eu mirnae, Tsawqpav taq-euq lavmuiqkhof naeqlaf-awq.

Jaceuq 60:2 Iomraidhean Croise

2 Saˬmeuˬlaˆ 22:8

Aˬ yawꞈ nui ma pehˇ-eu miˇ neh, miˇ tsaˬ tahˬ kʼawˇ nyeh jiˇ laˇ-awˇ, mˬ-euˬ dawˬ pehˬ yaˇ laˇ-euˬ meh.

2 Saˬmeuˬlaˆ 8:1

Aˇ yamˬ ui cuiˆ myahˇ laˇ ngeh jawˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ deuˆ-iˇ-euˬ meh. Piˇliˇtiˆ tsawˇ haˬ-ahˇ aˬ yawꞈ deuˆ gʼaˬ-awˇ, miˇ kʼahˬ kʼoeˇ kʼahˬ-ahˇ aˬ yawꞈ uˆ lahˇ-euˬ meh.

1 Laˬsaˬbaˬ 18:12

Zeˬluˇyaˆ-euˬ aˬ li Aˬbiˇshaiˇ-aˬ, Saˬdeuꞈ deh kʼawꞈ-ahˇ Eˬdoˬ tsawˇ haˬ deuˬ-ahˇ guiˇ deuˆ gʼaˬ-awˇ, tiˬ muiˇ yehꞈ heˇ gʼaˬ deuˆ sehꞈ nehˬ-euˬ meh.

1 Laˬsaˬbaˬ 18:3

Kʼoeˇ naˇ, Suˇliˆ miˇ kʼahˬ laꞈ kʼoeˇ ahˇ-eu Zoˇbaˬ miˇ kʼahˬ-ahˇ uˆ lahˇ-eu sahˬ paˬ Haˬdaˬdeˬzaˬ-ahˇ, Haˬmaˆ miˇ kʼahˬ dawˬ peh Daˬbiˇ guiˇ deuˆ-euˬ meh. Aˬ jeˬ miˇ neh ehˇ naˇ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ-ahˇ uˆ lahˇ-eu lehˇ, Haˬdaˬdeˬzaˬ leh jeh luꞈ-eu meh.

1 Laˬsaˬbaˬ 18:5

Sahˬ paˬ Haˬdaˬdeˬzaˬ-ahˇ bi caw ba le-eu lehˇ, Daˬmaˬsehˇ meuˬ-ahˇ jawˇ-eu Suˇliˆ tsawˇ haˬ deuˬ neh pyehˬ gʼeh leꞈ-euˬ guiˇ maꞈ deuˬ-ahˇ Daˬbiˇ deuˆ ceh ceh-awˇ, nyiˬ muiˇ nyiˬ heˇ gʼaˬ deuˆ sehꞈ nehˬ-euˬ meh.

2 Laˬsaˬbaˬ 7:14

aˬ yawꞈ maꞈ ngaˬ-ahˇ guiˬ lahˬ shaˇ-eu laꞈ kʼoeˇ, aˬ yawꞈ maꞈ neh mˇ-euˬ yaw haiˬ jeˬ-ahˇ noeˬ poˆ-awˇ byehˇ dzeh naˇ, aˬ yawꞈ maꞈ-euˬ shaˇ dawˬ-ahˇ mˬ kʼoeˇ taˆ ngaˇ naˇ haˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ paˇ bi baw paˇ bi za le ma.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Yawˇbaˆ 9:6

Aˬ yawꞈ miˇ luˆ bi luˆ-awˇ miˇ tsaˬ-ahˇ sheu nyeh-eu meh. Miˇ tsaˬ-ahˇ toˆ tehˬ taˬ-euˬ kʼawˇ zeuˇ-ahˇ aˬ yawꞈ ngawˬ nyeh-eu meh.

Jaceuq 104:32

Miˇ tsaˬ tahˬ kʼawˇ-ahˇ aˬ yawꞈ haw ka gʼeh ngeh, miˇ tsaˬ tahˬ kʼawˇ yaw dzuˬ dzuˬ-eu meh. gawˬ jawˬ-ahˇ aˬ yawꞈ toeˬ ciˆ ngeh, uˬ kʼoeˬ tahˬ doˆ laꞈ-eu meh.

Jaceuq 114:7

Miˇ tsaˬ tahˬ kʼawˇ-oˇ, Sahˬpaˬ Miˬyehˇ oe ngeh yaw dzuˬ dzuˬ-awˬ. Yaˬkoˆ-euˬ Miˬyehˇ mehˬ shi yaw dzuˬ dzuˬ-awˬ.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 89:40

Aˬ yawꞈ-euˬ meuˬ lahˇ-ahˇ nawˇ laˆ byaˆ-awˇ, aˬ yawꞈ-euˬ taˆ-ahˇ laˆ cawˆ nehˬ-euˬ meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Iˇsaˬyaˇ 7:8

Suˇliˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Daˬmaˬsehˇ meuˬ taꞈ-ehˇ maˬ paˇ kʼaˆ dzehˬ-ehˇ, Daˬmaˬsehˇ meuˬ kʼawꞈ, sahˬ paˬ Leˬzeˬ aˬ yawꞈ-eu mawˇ do taꞈ-ehˇ maˬ paˇ kʼaˆ dzehˬ-aˇ. Iˇsaˬleˬlaˆ miˇ kʼahˬ-aˬ, mehˬ hu paw koꞈ tseˇ ngaˬ kʼoꞈ laꞈ kʼoeˇ, miˇ kʼahˬ tiˬ kʼahˬ maˬ paˇ pyeuꞈ ni pyaˆ-iˇ shaˆ-iˇ jiˇ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬlaˬmiˇ 48:38

Nymˇ mˬ kʼoeˇ taˆ hawˇ-eu pu kaˬ-ahˇ kʼaˇ jawˇ-eu tsawˇ haˬ dawˬ tawˆ luꞈ, tsawˇ ngoeˇ ngoeˇ-eu jeˬ oꞈ-eu tehꞈ meh. Aˬ jeˬ miˇ neh ehˇ naˇ, tiˬ gʼaˬ-iˬ maˬ geuꞈ mawꞈ-eu miˇ tsaˬ oeˬ lahˬ-ahˇ diˬ paˆ-eu loꞈ-ehˇ, ngaˇ Mawˇbaˆ tsawˇ haˬ-ahˇ laˆ cawˆ jiˇ-euˬ ma.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Aˬmoˆ 8:8

Naw maꞈ kʼoeˇ loꞈ-ehˇ yaw haiˬ jeˬ mˇ-euˬ baˬ da neh miˇ luˆ luˆ laˇ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ guˆ dui dui tehꞈ-a. Miˇ kʼahˬ heu kʼahˬ kʼahˬ lah ni bi sheu nyeh-awˇ, Niˬlaˇ lawˇ baˬ -ahˇ iˇ cuꞈ dahˬ daˆ laˇ-awˇ paˇ dahˬ ka-iˇ-eu loꞈ-ehˇ jaˆ tehꞈ-a.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.