Jaceuq 60:1 - Akha

¹ Miˬyehˇ-oˇ, nawˇ nga maꞈ-ahˇ byehˇ dzeh-awˇ, nga maꞈ-euˬ taˆ bi byaˆ-iˇ-euˬ meh. Nawˇ nga maꞈ-ahˇ nui ma pehˇ-eu meh. Ehˇ kʼawꞈ nymˬ-mˇ nga maꞈ-ahˇ haw cawˬ nehˬ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer-or! Nawr, nga’maf-anr nuikhanr maqshir-aer; Nawr, nga’maf-anr daepyavdzae naeqlaf-awr; Nawr, nga’maf-anr taedzae naeqlaf-euq mae. Or-oq, nga’maf-anr tiq pov lavmuiqkhof naeqlaf-awq.

Jaceuq 60:1 Iomraidhean Croise

2 Saˬmeuˬlaˆ 10:16

Sahˬ paˬ Haˬdaˬdeˬzaˬ neh tsawˇ haˬ pyehˬ gʼeh-awˇ, Uˇpaˬlaˇ lawˇ baˬ nahˇ ma doˆ kʼehˬ paw jawˇ-eu Suˇliˆ tsawˇ haˬ deuˬ-ahˇ bi kuˇ laˬ leˇ ngeh, Heˬlamˬ meuˬ-ahˇ aˬ yawꞈ maꞈ oe-awˇ, Zoˇbaˬ meuˬ-ahˇ jawˇ-eu sahˬ paˬ Haˬdaˬdeˬzaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Shoˇbaˆ aˬ yuiꞈ geuꞈ-eu uˬ moˆ, aˬ yawꞈ-euˬ guiˇ maꞈ nehˬ-ehˇ gawꞈ leˇ-euˬ meh.

2 Saˬmeuˬlaˆ 5:20

Kʼoeˇ naˇ, Baˬlaˇpeˬlaˬzmˬ-ahˇ Daˬbiˇ iˇ-awˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. “Ngaˬ-ahˇ muiˇ-eu deuˬ-ahˇ Sahˬpaˬ Miˬyehˇ neh iˇ jeuˬ jeuˬ-eu loꞈ-ehˇ tahˬ paˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.

2 Saˬmeuˬlaˆ 8:14

Eˬdoˬ miˇ kʼahˬ doe ni taˆ tsoˆ-awˇ, aˬ yawꞈ-euˬ yehˇ deuˬ-ahˇ bi jawˇ-awˇ, kʼoeˇ gaˇ jawˇ-eu miˇ kʼahˬ zaˬ deuˬ-ahˇ aˬ yawꞈ uˆ lahˇ-euˬ meh. Sahˬ paˬ Miˬyehˇ neh Daˬbiˇ-ahˇ yawˬ gaˇ na luꞈ guiˇ bi deuˆ gʼaˬ-euˬ meh.

2 Saˬmeuˬlaˆ 8:3

Suˇliˆ miˇ kʼahˬ Zoˇbaˬ sahˬ paˬ Leˬhawˇbaˆ-euˬ aˬ li Maˬdaˬdeˬzaˬ-aˬ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ deuˆ geuꞈ le-eu lehˇ oe gaˇ, Daˬbiˇ neh bi deuˆ gʼaˬ-euˬ meh.

2 Sahˬpaˬ 14:7

Saˬdeuꞈ deh kʼawꞈ lehˇ kuˇ-eu tsahˇ-ahˇ, Eˬdoˬ tsawˇ haˬ tiˬ muiˇ gʼaˬ-ahˇ Aˬmaˬziˇ neh sehꞈ-euˬ meh. Seˇlaˇ meuˬ-ahˇ aˬ yawꞈ deuˆ za-awˇ, Yawˇkaˬdeˬlaˇ meuˬ lehˇ myahˇ paˇ nehˬ-euˬ loꞈ-ehˇ, iˬ nah keuˆ ni kʼoeˇ loꞈ-ehˇ kuˇ luꞈ-eu meh.

1 Laˬsaˬbaˬ 18:3

Kʼoeˇ naˇ, Suˇliˆ miˇ kʼahˬ laꞈ kʼoeˇ ahˇ-eu Zoˇbaˬ miˇ kʼahˬ-ahˇ uˆ lahˇ-eu sahˬ paˬ Haˬdaˬdeˬzaˬ-ahˇ, Haˬmaˆ miˇ kʼahˬ dawˬ peh Daˬbiˇ guiˇ deuˆ-euˬ meh. Aˬ jeˬ miˇ neh ehˇ naˇ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ-ahˇ uˆ lahˇ-eu lehˇ, Haˬdaˬdeˬzaˬ leh jeh luꞈ-eu meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

2 Laˬsaˬbaˬ 25:11

Aˬmaˬziˇ nui ma kʼaˬ duˬ ni taˬ-awˇ, aˬ yawꞈ-euˬ guiˇ maꞈ-ahˇ, Saˬdeuꞈ deh kʼawꞈ-ahˇ sheuˬ gʼeh-euˬ meh. Kʼoeˇ gaˇ aˬ yawꞈ maꞈ guiˇ deuˆ-awˇ, Eˬdoˬ yehˇ tiˬ muiˇ gʼaˬ-ahˇ deuˆ sehꞈ-euˬ meh.

Jaceuq 108:11

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.

Jaceuq 44:9

Ehˇkʼawꞈnymˬ-mˇnawˇnga maꞈ-ahˇ, byehˇdzeh-awˇbi shaˬ-eu laꞈkʼoeˇ, aˬcawˬneh bi gʼaˬleˇ-euˬmeh. Guiˇmaꞈdeh uiˬ-awˇdoˆ-iˇngeh, nga maꞈnehˬ-ehˇnawˇmaˬjawˇ-a.

Jaceuq 59:1

Ngaˬ-euˬ Miˬyehˇ-oˇ, muiˇ-eu deuˬ-euˬ aˬ laꞈ laꞈ kʼoeˇ ngaˬ-ahˇ ka kʼoꞈ nehˬ laꞈ. Dawꞈ le ceh le-eu deuˬ-euˬ laꞈ-ahˇ, ngaˬ-ahˇ haw piˇ nehˬ laꞈ.

Jaceuq 59:11

Miˬyehˇ-oˇ, aˬ yawꞈ maꞈ-ahˇ ngaˬ-euˬ tsawˇ haˬ deuˬ maˬ bi ngehˇ-eu gʼaˇ duˬ aˬ yawꞈ maꞈ-ahˇ nawˇ taˬ sehꞈ dzeh. Nga maꞈ-ahˇ haw piˇ-eu Sahˬpaˬ Miˬyehˇ-oˇ, nawˬ-euˬ gʼaˬ neh aˬ yawꞈ maꞈ-ahˇ miˇ kʼahˬ doe ni teh byaˆ-awˇ, guiˇ deuˆ gʼaˬ nehˬ-awˬ.

Jaceuq 60:10

Nawˇ nga maꞈ-ahˇ aˬ diˇ aˬ maˇ byehˇ dzeh-euˬ ma loˇ. Nga maꞈ-euˬ guiˇ maꞈ nehˬ-ehˇ guiˇ deuˆ gaˇ nawˇ maˬ paˇ iˇ ma loˇ.

Jaceuq 74:1

Miˬyehˇ-oˇ, aˬ jeˬ miˇ neh nga maꞈ-ahˇ heu loꞈ-ehˇ byehˇ dzeh nehˬ laꞈ te. Nawˬ-euˬ tsawˇ jeuˬ-ahˇ mˬ maˬ maˬ byaˆ zaˇ ziˇ nawˇ nui ma pehˇ-eu gʼeh te loˇ.

Jaceuq 79:5

Sahˬpaˬ Miˬyehˇ-oˇ, nga maꞈ-ahˇ mˬ maˬ maˬ byaˆ zaˇ ziˇ nui ma pehˇ-eu gʼeh te loˇ. Nawˇ nui ma pehˇ-eu jeˬ miˬ dzaˬ doꞈ-eu loꞈ-ehˇ, aˬ myah luꞈ doꞈ doꞈ-ehˇ bi jaˆ-eu gʼeh te loˇ.

Jaceuq 79:9

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ caw ba nehˬ laꞈ. Nawˬ-euˬ myaˆ pyawˬ naˇ mehˇ gʼaˇ duˬ nga maꞈ-ahˇ ka kʼoꞈ-awˇ, iˬ baˇ pyehˬ nehˬ laꞈ.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Jaceuq 80:3

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Jaceuq 89:19

Aˇ hu ba yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, nawˬ-ahˇ saˇ jaˇ ziꞈ-eu zaˬ kʼaˆ-ahˇ nawˇ heu loꞈ-ehˇ ehˇ-euˬ meh. “Tsawˇ myahˇ doˆ-eu yehˇ tiˬ gʼaˬ-ahˇ ngaˇ caw ba nehˬ-euˬ ma. Ngaˬ neh tseˇ doˆ-euˬ gʼaˬ-ahˇ sahˬ paˬ-euˬ nuiˇ mahˬ kʼoeˇ taˆ bi nuiˇ-euˬ ma.

Jaceuq 89:3

Nawˬ neh ehˇ taˬ-euˬ dawˬ heu loꞈ-ehˇ jaˆ meh. “Ngaˬ neh tseˇ doˆ-euˬ gʼaˬ nehˬ-ehˇ ngaˇ dawˬ ma saˇ jaˇ dzaˬ taˬ-euˬ ma. Ngaˬ-euˬ zaˬ kʼaˆ Daˬbiˇ-ahˇ ngaˇ heu loꞈ-ehˇ saˇ jaˇ dzaˬ-euˬ ma.

Jaceuq 89:38

Ehˇ kʼawꞈ nawˬ neh tseˇ doˆ-euˬ sahˬ paˬ-ahˇ nawˇ nui ma pehˇ-eu meh. Aˬ yawꞈ-ahˇ nawˇ byehˇ dzeh nehˬ-euˬ meh.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Jaceuq 90:13

Nawˬ-euˬ nui pehˇ aˇ myah ni bi gmˬ-eu gʼeh te. Sahˬpaˬ Miˬyehˇ-oˇ, nawˬ-euˬ zaˬ kʼaˆ deuˬ-ahˇ gʼawˬ shaˬ gaˬ nehˬ laꞈ-awˬ.

Zaˬkaˬliˇ 10:6

Yuˇdaˆ nymˇ jiˇ gʼaˬ bi kʼaˆ-awˇ, Yoˇsehˆ nymˇ jiˇ ngaˇ ka kʼoꞈ ma. Aˬ yawꞈ maꞈ-ahˇ gʼawˬ shaˬ gaˬ-awˇ, iˇ kahˇ sheuˬ kʼoꞈ keuˆ jiˇ nehˬ ma. Ngaˬ neh maˬ byehˇ dzeh-euˬ loꞈ-ehˇ, aˬ yawꞈ maꞈ paˇ bi dehꞈ poˆ ma. Sahˬpaˬ Miˬyehˇ pyeuꞈ-eu ngaˇ-aˬ, aˬ yawꞈ maꞈ-euˬ Miˬyehˇ ngeuˇ ma. Aˬ yawꞈ maꞈ neh shaˇ-euˬ shaˇ dawˬ, maˬ byehˇ ni ngaˇ naˇ haˬ nehˬ ma.

1 Saˬmeuˬlaˆ 13:11

Saˬmeuˬlaˆ-ahˇ Sawˇluˆ ha laˬ-iˇ-awˇ, yaw zeu baw nehˬ-euˬ meh. Ehˇ kʼawꞈ, “Nawˇ aˬ jeˬ jahˇ luꞈ te” lehˇ, Sawˇluˆ-ahˇ Saˬmeuˬlaˆ naˇ haˬ-euˬ meh. Sawˇluˆ ehˇ-eu, “Nawˬ neh ehˇ taˬ-euˬ aˇ yamˬ-ahˇ nawˇ maˬ laˇ keuˆ-ehˇ tsawˇ haˬ heu deuˬ kʼawꞈ ngaˬ-ahˇ byehˇ dzeh-awˇ doˆ-iˇ luꞈ-eu meh. Kʼoeˇ uˬ taꞈ, Piˇliˇtiˆ tsawˇ haˬ deuˬ Miˇkaˬmaˆ meuˬ-ahˇ uiˬ leˇ jiˇ taˬ-euˬ meh.

1 Saˬmeuˬlaˆ 4:17

Tsawˇ haˬ kʼoeˇ gʼaˬ ehˇ-eu, “Iˇsaˬleˬlaˆ tsawˇ haˬ deuˬ Piˇliˇtiˆ tsawˇ haˬ deuˬ neh guiˇ bi deuˆ gʼaˬ-awˇ, cehˆ byaˆ luꞈ meh. Heu-aˬ, aˬ dui gʼaˇ duˬ guˆ dui dui laˇ paˬ-ehˇ gʼeh-eu smˬ-eu jeˬ pyeuꞈ-eu meh. Kʼoeˇ uˬ taꞈ, nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nmˇ kʼawꞈ bi sehꞈ-awˇ, Miˬyehˇ-euˬ Dawˬ ma saˇ jaˇ Bahˬ keuˆ kʼawꞈ, aˬ cawˬ neh bi deuˆ za geuꞈ-euˬ meh.”