Jaceuq 6:2 - Akha

² SahˬpaˬMiˬyehˇ-oˇ, gʼaˬ doeˇ doeˇ-awˇ gʼaˬ baˬluꞈnya. Gʼawˬshaˬgaˬ-awˇ gʼaˬbiꞈlahˬlaꞈ. Ngaˬ-ahˇ nui ma cawˆdui dui nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ya’we Miqyaer-or! Ngar, ghaq baqluf-eu mirnae, ngaq-anr ghawqshaq gaqnaeq laf-awq. Ya’we Miqyaer-or! Ngaq-euq shaqyoeq gan’gan-aer ghaeluf-eu mirnae, ngaq-anr lavsavtaq naeqlaf-awq.

Jaceuq 6:2 Iomraidhean Croise

Aˇ dahˬ 20:17

Aˬbyaˬhaˬ-euˬ miˬ zaˬ Saˬlaˇ kʼoeˇ taˆ kʼoeˇ loꞈ-ehˇ keuˆ le-euˬ baˬ da neh, Aˬbiˇmaˬlehˆ-euˬ nymˇ laꞈ kʼoeˇ kʼaˇ jawˇ-eu zaˬ mi zaˬ dawˬ tawˆ luꞈ, maˬ baw aˬ ma pyeuꞈ jiˇ ni Sahˬpaˬ Miˬyehˇ jahˇ nehˬ-euˬ meh. Kʼoeˇ ngeh, Aˬbiˇmaˬlehˆ-euˬ gʼaˇ duˬ Aˬbyaˬhaˬ guiˬ lahˬ shaˇ nehˬ-awˇ, Aˬbiˇmaˬlehˆ-ahˇ Miˬyehˇ laˆ taˬ nehˬ-euˬ meh. Aˬbiˇmaˬlehˆ-euˬ miˬ zaˬ hawˇ-eu zaˬ miˬ zaˬ zaˬ kʼaˆ deuˬ kʼawꞈ zaˬ paˇ jawˇ le nya ni, Miˬyehˇ neh laˆ saˆ muiˬ kʼoꞈ nehˬ-euˬ meh.

Yawˇbaˆ 19:21

Naw maꞈ ngaˬ-euˬ cawˬ ma. Gʼawˬ shaˬ gaˬ nehˬ laꞈ-awˬ. Miˬyehˇ-euˬ aˬ laꞈ ngaˬ-ahˇ dehˬ coˬ-euˬ meh.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Jaceuq 30:2

Ngaˬ-euˬ Sahˬpaˬ Miˬyehˇ-oˇ, caw ba nehˬlaꞈlehˇ ngaˇguˇngeh, nawˇ naˇgawˇlaˆtaˬlaꞈ-euˬmeh.

Jaceuq 31:10

Shaˬzahˬbaˬda ziˇnym le-awˇ, ngoeˇ-euˬbaˬda ziˇteˬle nya. Nui noeˬshaˬ-eu gʼaˬjiˇle-awˇ, shaˬyoeˬshaˬlaꞈdzaˬjiˇ-euˬnya.

Jaceuq 32:3

Iˬbaˇ maˬja doˆni zaꞈngeh, nah ga-ehˇngoeˇsehꞈleꞈ-euˬma.

Jaceuq 38:2

Nawˬ-euˬkaˆmyaˬbeuˆcoˆlaꞈ-awˇ, naw-euˬaˬlaꞈneh zuiˆ-euˬnya.

Jaceuq 38:3

Nawˇnui ma pehˇ-eu baˬda neh, geuꞈ-eu jeˬmaˬpaˇahˇmiˇ-a. Ngaˬneh mˇ-euˬ iˬbaˇbaˬda, yoeˬtsuiꞈyoeˬlaꞈgawˇdui dui nya.

Jaceuq 38:7

Joꞈ-ahˇyaw piˇyaw lahˇlahˇ-awˇ, mawˇdo naˇ-eu maˬkamˬcoeˇnya.

Jaceuq 51:8

Ngaˬ-euˬ shaˬ yoeˬ-ahˇ nawˬ neh ngawˬ kʼehꞈ ngawˬ kʼoeˆ jiˇ-euˬ kʼawꞈ, ngaˇ laˬ kʼaˬ paˇ cehˇ laˇ nya ni, laˬ kʼaˬ cehˇ-eu dawˬ kawˬ deuˬ ngaˬ-ahˇ bi gaˬ laꞈ-awˬ.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Yeˬlaˬmiˇ 10:24

Sahˬpaˬ Miˬyehˇ-oˇ, nawˬ-euˬ tsawˇ jeuˬ-ahˇ mehˬ nehˬ tsoˆ nehˬ laꞈ-awˬ. Ehˇ kʼawꞈ, aˇ dzehˬ taˬ dzeuˇ nehˬ laꞈ. Nga maꞈ-ahˇ nawˇ nui ma pehˇ-awˇ kʼehˬ ngeh, aˇ saˬ saˬ-eu jeˬ taˬ bi keuˆ le laꞈ.

Yeˬlaˬmiˇ 17:14

Sahˬpaˬ Miˬyehˇ-oˇ, ngaˬ-euˬ naˇ gawˇ-ahˇ laˆ saˆ nehˬ laꞈ-awˬ. Nawˇ laˆ saˆ nehˬ laꞈ naˇ, ngaˬ-euˬ naˇ gawˇ taˬ leˇ tehꞈ-a. Ngaˬ-ahˇ ka kʼoꞈ nehˬ laꞈ-awˬ. Nawˇ ka kʼoꞈ nehˬ laꞈ naˇ, ngaˇ ya buˬ ya law-iˇ tehꞈ-a. Nawˬ-euˬ guiˬ lahˬ-ahˇ ngaˇ ja ceuˬ-eu ma.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Bawˇtsahˬ 12:13

Kʼoeˇ ngeh, “Miˬyehˇ-oˇ, aˬ yawꞈ-euˬ naˇ gawˇ bi taˬ leˇ nehˬ laꞈ-awˬ” lehˇ, Sahˬpaˬ Miˬyehˇ-ahˇ Moˇseˬ guˇ-euˬ meh.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.