Jaceuq 59:9 - Akha

⁹ Miˬyehˇ-oˇ, nawˬ-euˬ gʼaˬ-ahˇ ngaˇ gʼoe-eu ma. Nawˇ-aˬ, ngaˬ-euˬ ziꞈ duˬ lo guˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngaq-euq ghaq pyeuf-eu ghaq-or! Ngar, nawq-anr dawq ma; Aqjeq mirnae aernar-aq, Miqyaer-aq, ngaq-anr deuvpir naeqlaf-eu ghaq mae.

Jaceuq 59:9 Iomraidhean Croise

Jaceuq 2:4

Aˬyawꞈmaˬ-euˬ bawˬtoˆkʼoeˇ-ahˇ, mˬtaˆ dzoeˬdzaˬnuiˇmahˬdziˬ-eu, Sahˬpaˬ Miˬyehˇ uiˇyoeˇ-eu meh.

Jaceuq 20:1

Nawˬ-euˬkʼoeˇtaˆshaˬzahˬoe ngeh, SahˬpaˬMiˬyehˇhaw cawˬluꞈ-uˇ. Yaˬkoˆ-euˬ Miˬyehˇ-euˬtsawˇmyahˇ, nawˬ-ahˇngehˬgʼeh dah teˬluꞈ-uˇ.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 59:17

Ngaˬ-ahˇ haw piˇ-eu gʼaˬ-oˇ, nawˬ-ahˇ ngaˇ ja ceuˬ ma. Miˬyehˇ-oˇ, nawˇ ngaˬ-euˬ gʼoe duˬ pyeuꞈ-awˇ, ngaˬ-ahˇ maˬ tsehˆ leˇ ni gaˬ-eu Miˬyehˇ meh.

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 9:9

Bi kʼehˬbi kʼaˆ-euˬdeuˬgʼaˇduˬ, SahˬpaˬMiˬyehˇgʼoe duˬpyeuꞈ-awˇ, shaˬ-eu zahˬ-eu jeˬ keuˆ le ngeh, nui saˇbi oꞈ-eu lo guˇ meh.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Iˇsaˬyaˇ 58:14

ngaˬ-euˬ nui kʼahˇ poˆ-eu miˇ neh za-eu, laˬ kʼaˬ cehˇ-eu jeˬ naw maꞈ za tehꞈ-a. Miˇ tsaˬ kʼoeˇ taˆ yawˬ gaˇ na luꞈ, aˬ cawˬ naw maꞈ-ahˇ taˬ huiˬ ni ngaˇ caw ba-awˇ, naw maꞈ-euˬ aˬ poeˬ Yaˬkoˆ-ahˇ ngaˇ biꞈ taˬ-euˬ miˇ kʼahˬ laꞈ kʼoeˇ, naw maꞈ laˬ kʼaˬ tiˬ cehˇ ya jawˇ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬbaˬkuˆ 3:19

Sahˬpaˬ Miˬyehˇ ngaˬ-euˬ Miˬyehˇ, ngaˬ-euˬ gʼaˬ kʼaˆ duˬ pyeuꞈ-eu ma. Kʼaˬ tsehˆ loꞈ-ehˇ kuiˇ toꞈ ziꞈ-awˇ, yaw goˇ-ahˇ daˆ keuˆ leˇ nya ni, aˬ yawꞈ ngaˬ-ahˇ gʼaˬ biꞈ-eu meh.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’