Jaceuq 59:3 - Akha

³ Haw sheˇ, ngaˇ mˇ lehˬ-euˬ maˬ jaˆ gaˇ, ngaˬ-ahˇ sehꞈ-eu lehˇ aˬ yawꞈ maꞈ loꞈ luꞈ meh. Guˆ laˇ paˬ-ehˇ gʼeh-eu tsawˇ haˬ deuˬ uiˬ leˇ-awˇ, ngaˬ-ahˇ laˆ cawˆ-eu lehˇ gʼeh luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawfmaf, ngaq-euq daefzir yur-eu laer dzurzaf taq-euq mae. Ghaq khav-eu deuq gmler-awr ngaq-anr caelar luf-eu mae. Ya’we Miqyaer-or! Hawsher-eq, khoer-aq, ngaq-euq iqbax hawr-eu yawlaeq yawca-euq baqda’nae maqngeur-a.

Jaceuq 59:3 Iomraidhean Croise

Jaceuq 140:2

Aˬ yawꞈ maꞈ aˬ myah luꞈ yaw haiˬ jeˬ mˇ-eu gaˇ kawˆ kawˆ-awˇ, iˬ dehˬ iˬ ceh laˆ doˆ-eu meh.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Jaceuq 38:12

Ngaˬ-ahˇsehꞈmawꞈ-eu tsawˇhaˬdeuˬ, ngaˬ-euˬmehˬshi lahˇju kʼmˇ-awˇ, ngaˬ-ahˇcoeˬmawꞈciˆmawꞈ-eu deuˬ, dawˬkʼaˆngehˬ-awˇlmˬ-eu laꞈkʼoeˇ, ngaˬ-ahˇlaˆshaˬ-eu lehˇjawˬ-eu, jawˇnaˬmˇ-eu maˬdah-iˬ-a.

Jaceuq 56:6

Aˬ yawꞈ maꞈ tiˬ kawˆ loꞈ-ehˇ lehˬ hmˬ-eu laꞈ kʼoeˇ, ngaˇ kʼaˇ mˇ kʼaˇ shaˇ-eu jeˬ-ahˇ kʼoeˬ sho haw luꞈ meh.

Jaceuq 69:4

Gaˇ kawˆ maˬ jaˆ gaˇ ngaˬ-ahˇ bye-eu tsawˇ haˬ deuˬ, ngaˬ-euˬ uˬ duˬ tsehˇ kahˇ myaˆ maˬ tseˇ myaˬ-eu meh. Ngaˬ-ahˇ muiˇ-eu deuˬ ngaˬ-euˬ gaˇ kawˆ jaˬ myawꞈ myawꞈ-awˇ, aˬ yawꞈ maꞈ gʼaˬ kʼaˆ-eu miˇ neh ngaˬ-ahˇ sehꞈ mawꞈ-eu meh. Ngaˬ neh maˬ kʼoeˬ-euˬ jeˬ, ngaˬ-ahˇ bi tsoeˬ laꞈ-euˬ meh.

Dawqdaq 12:6

Haiˬ-eu tsawˇ haˬ-euˬ dawˬ aˬ cawˬ-ahˇ shiˬ laˆ doˆ-awˇ, yaw tsaˬ yaw dawˇ deuˬ-euˬ kʼaˬ meh aˬ cawˬ-ahˇ ka kʼoꞈ-eu meh.

Dawqdaq 24:15

Yaw sui yaw dawˇ tsawˇ haˬ-ahˇ tahˇ joe joe-awˇ, nymˇ nymˇ lah-ehˇ ceh geuꞈ-eu lehˇ gʼeh-eu nui ma maˬ dawˇ-eu tsawˇ haˬ loꞈ-ehˇ taˬ gʼeh.

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Yoˇhaˬ 15:25

Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Gʼaˬkʼehˇ 23:21

Ehˇ kʼawꞈ, aˬ yawꞈ maꞈ ehˇ gaˇ taˬ naˇ haˬ. Aˬ jeˬ miˇ neh ehˇ naˇ, tsawˇ haˬ oeˬ tseˇ gʼaˬ dzehˬ ni dzuˇ zaꞈ-awˇ loꞈ luꞈ-eu meh. Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ aˬ yawꞈ maꞈ saˇ jaˇ dzaˬ tsehˆ taˬ-euˬ meh. Nymˬ-mˇ aˬ yawꞈ maꞈ lehˬ hmˬ dah jiˇ taˬ-awˇ nawˬ neh ngehˬ tsehˆ ehˇ tsehˆ-euˬ dawˬ-ahˇ loꞈ luꞈ-eu tehꞈ meh.”

1 Saˬmeuˬlaˆ 19:1

Sawˇluˆ-aˬ, aˬ yawꞈ-euˬ aˬ li Yawˇnaˆshaˬ hawˇ-eu aˬ yawꞈ-eu gaˇ mˇ-eu yaw huiˬ yaw mahˇ deuˬ-ahˇ, Daˬbiˇ-ahˇ aˬ yawꞈ sehꞈ-eu lehˇ lehˬ hmˬ luꞈ-eu gaˇ kawˆ ehˇ mehˬ nehˬ-euˬ meh. Ehˇ kʼawꞈ, Yawˇnaˆshaˬ gʼaˬ Daˬbiˇ-ahˇ gʼoeˇ dui dui-eu meh.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

1 Saˬmeuˬlaˆ 24:17

Kʼoeˇ naˇ, Daˬbiˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, ngaˇ naˆ maˬ tseˇ tsaˬ-eu dawˇ-eu tsawˇ haˬ pyeuꞈ-eu meh. Nawˬ-ahˇ ngaˇ yaw doeˇ mˇ nehˬ-euˬ kʼawꞈ, nawˇ ngaˬ-ahˇ yaw muiˬ jeˬ mˇ kʼoꞈ nehˬ laꞈ-euˬ meh.

1 Saˬmeuˬlaˆ 26:18

Daˬbiˇ ehˇ-eu, “Sahˬ paˬ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ, aˬ jeˬ miˇ neh iˬ nah keuˆ ni teh luꞈ te.