Jaceuq 59:16 - Akha

¹⁶ Ehˇ kʼawꞈ, nawˇ gʼaˬ huiˬ-eu gaˇ kawˆ ngaˇ caˇ ma. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu gaˇ kawˆ yawˬ shawˬ na luꞈ ngaˇ guˇ guˇ-ehˇ caˇ ma. Nawˇ ngaˬ-euˬ gʼoe duˬ lo guˇ pyeuꞈ-awˇ, shaˬ ngeh zahˬ ngeh tahˬ shaˇ duˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aerkhawf, ngar, nawq-euq baoq-euq garkawv car ma; Uqshawq paw, ngar, nawq-euq ghawqshaq gaq-eu garkawv gurgur-aer car ma. Aqjeq mirnae aernar-aq, nawr, ngaq-anr deuvpir naeqlaf-euq ghaq pyeuf-awr, Ngaq-anr gardzaq garkawv keuvle-euq arnan-anr caevzafduq pyeufnaeq laf-euq mae.

Jaceuq 59:16 Iomraidhean Croise

2 Saˬmeuˬlaˆ 22:3

Ngaˬ-euˬ Miˬyehˇ ngaˬ-euˬ lo guˇ, shaˬ zahˬ oe ngeh dzuˇ zaꞈ duˬ ma. Ngaˬ-ahˇ loꞈ piˇ-eu dehˬ daˬ duˬ, ngaˬ-ahˇ ka kʼoꞈ-eu uˬ coeˇ meh. Ngaˬ-euˬ ziꞈ duˬ hawˇ-eu gʼoe duˬ, ngaˬ-ahˇ ka kʼoꞈ-eu yaw sahˇ meh. Yaw haiˬ yaw doeˇ mˇ daˆ laˇ gaˇ, nawˇ ngaˬ-ahˇ ka kʼoꞈ laꞈ-euˬ meh.

Yawˇbaˆ 15:23

Aˬ yawꞈ shiˇ taˬ gaˇ dzaˬ-eu lehˇ, jeˬ shiˇ kʼaˬ dzeˇ deuˬ loꞈ luꞈ meh. Aˬ yawꞈ gʼaˇ duˬ zahˇ tsui ni gʼeh-eu aˇ nah keuˆ le luꞈ-eu aˬ yawꞈ siˬ nya meh.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Jaceuq 101:1

Saˇ jaˇ ziꞈ-eu jeˬ hawˇ-eu yaw tsaˬ yaw dawˇ jeˬ gaˇ kawˆ, ngaˇ caˇ-awˇ ja ceuˬ ma. Sahˬpaˬ Miˬyehˇ-oˇ, nawˬ-ahˇ ngaˇ caˇ-awˇ ja ceuˬ ma.

Jaceuq 106:8

Ehˇ kʼawꞈ aˬ yawꞈ neh saˇ jaˇ dzaˬ taˬ-euˬ loꞈ-ehˇ, aˬ yawꞈ maꞈ-ahˇ ka kʼoꞈ nehˬ-awˇ, aˬ yawꞈ-euˬ huiˬ-eu baoˬ pah mehˬ-euˬ meh.

Jaceuq 138:7

Shaˬ-eu zahˬ-eu jeˬ ngaˬ-euˬ tiˬ jawˬ keuˆ le ngeh, nawˇ ngaˬ-ahˇ dah teˬ-euˬ meh. Ngaˬ-ahˇ nui ma pehˇ-eu muiˇ-eu deuˬ-euˬ mehˬ shi nawˇ aˬ laꞈ cawˬ doˆ-awˇ, nawˬ-euˬ baoˬ neh ngaˬ-ahˇ ka kʼoꞈ-euˬ meh.

Jaceuq 143:8

Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Jaceuq 145:11

Nawˇ uˆ lahˇ-eu jeˬ baoˬ yaw shehꞈ kʼahˬ sehˇ huiˬ-eu gaˇ kawˆ aˬ yawꞈ maꞈ ja-awˇ, nawˬ-euˬ baoˬ gaˇ kawˆ ja tehꞈ-a.

Jaceuq 21:13

SahˬpaˬMiˬyehˇ-oˇ, nawˇgʼaˬkʼaˆgaˇja ceuˬ-eu ma. Huiˬdui dui-eu nawˬ-euˬbaoˬ-ahˇ, nga maꞈcaˇ-awˇja ceuˬ-eu ma.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 31:7

Nawˇmaˬtsehˆleˇni gaˬ-eu gaˇ, ngaˇlaˬkʼaˬcehˇ nui saˇza ma. Ngaˇya daˬ-eu jeˬnawˇmawˇ-awˇ, ngaˬ-euˬshaˬzahˬnawˇsiˬnya-awˇ,

Jaceuq 36:5

SahˬpaˬMiˬyehˇnawˇgaˬ-eu jeˬ, mˬ-ahˇkeuˆni huiˬ-awˇmahˇ-awˇ, nawˬ-euˬ saˇjaˇziꞈ-eu jeˬ-aˬ, maˬtaˆmˬdmˇ-ahˇtuˆ-eu meh.

Jaceuq 4:1

Ngaˬ-euˬ gʼoe duˬ Miˬyehˇ-oˇ, ngaˇguiˬlahˬshaˇ ngeh naˇhaˬlaꞈ. Shaˬzahˬ ngaˬ-ahˇ ciˬtehˬle ngeh, nawˇcaw ba dzeuˇnehˬlaꞈ-euˬmeh. Nymˬ-mˇ ngaˬ-ahˇ gʼawˬ shaˬ gaˬ-awˇ, ngaˬ-euˬshaˇdawˬ naˇhaˬnehˬlaꞈ.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Jaceuq 5:3

Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Jaceuq 86:13

Nawˇ ngaˬ-ahˇ maˬ tsehˆ leˇ ni gaˬ-eu jeˬ huiˬ dui dui meh. Lmˬ bymˇ laꞈ kʼoeˇ ngaˬ-ahˇ nawˇ ka kʼoꞈ doˆ nehˬ laꞈ-euˬ meh.

Jaceuq 88:13

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ kuˇ-eu ma. Yawˬ shawˬ na luꞈ ngaˇ nawˬ-ahˇ guiˬ lahˬ shaˇ-eu ma.

Jaceuq 89:1

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Lormav 15:9

Kʼoeˇ tehꞈ-ehˇ maˬ ngeuˇ ni, Miˬyehˇ gʼawˬ shaˬ gaˬ-eu jeˬ baˬ da neh Yuˇdaˆ tsawˇ haˬ maˬ ngeuˇ-eu deuˬ kʼawꞈ Miˬyehˇ-ahˇ ja ceuˬ nya laˇ ni mˇ le-euˬ jeˬ kʼawꞈ pyeuꞈ-eu meh. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Kʼoeˇ miˇ neh nawˬ-euˬ tsawˇ myahˇ-ahˇ, aˬ cawˬ tsawˇ jeuˬ tsahˬ-ahˇ jawˇ-awˇ, ja ceuˬ-eu caˇ dawˬ ngaˇ caˇ ma.”

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

1 Saˬmeuˬlaˆ 17:37

Aˇ laˬ jaˬ shiˇ hawˇ-eu kʼaˬ hmˇ deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ ngaˬ-ahˇ ka kʼoꞈ-euˬ meh. Kʼoeˇ gaˇ duˇ ni, Piˇliˇtiˆ tsawˇ haˬ kʼoeˇ gʼaˬ-euˬ aˬ laꞈ laꞈ kʼoeˇ kʼawꞈ, aˬ yawꞈ ngaˬ-ahˇ ka kʼoꞈ nehˬ laꞈ tehꞈ-a.” Sawˇluˆ gʼeh, “Toˆ-ehˇ ngeuˇ naˇ, iˇ-awˬ. Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ” lehˇ ehˇ nehˬ-euˬ meh.