Jaceuq 59:15 - Akha

¹⁵ Doe doe-ehˇ dzaˇ poˆ dzaˬ-eu aˬ kuiˬ deuˬ, dzaˇ maˬ ya dzaˬ dehˆ-ehˇ mahˇ-eu loꞈ-ehˇ, aˬ yawꞈ maꞈ mahˇ mahˇ-ehˇ cah-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawfmaf tsawqtoeq tsawqdav doedoe-aer dzaq-eu jeq povdzaq luf-eu, Aqyawfmaf maqya dzaqdaev-euq nar-aq, lmqlmq-aer can-eu mae.

Jaceuq 59:15 Iomraidhean Croise

Yawˇbaˆ 15:23

Aˬ yawꞈ shiˇ taˬ gaˇ dzaˬ-eu lehˇ, jeˬ shiˇ kʼaˬ dzeˇ deuˬ loꞈ luꞈ meh. Aˬ yawꞈ gʼaˇ duˬ zahˇ tsui ni gʼeh-eu aˇ nah keuˆ le luꞈ-eu aˬ yawꞈ siˬ nya meh.

Jaceuq 109:10

Aˬ yawꞈ-euˬ zaˬ deuˬ nymˇ jiˇ maˬ baw ni hawˬ shaˇ shaˇ shaˇ-ehˇ cah-awˇ, aˬ yawꞈ maꞈ jawˇ luꞈ-eu nymˇ nymˇ cehˇ laꞈ kʼoeˇ neh bi teh dzeh luꞈ-uˇ.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

Ngoeˇ dawˬ 5:9

Bawˇ tsahˬ-ahˇ mi cehˇ dzoeˬ luꞈ ngeh, uˬ kʼawˇ daˬ-awˇ ya poˆ dzaˬ nya.

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.