Jaceuq 57:5 - Akha

⁵ Miˬyehˇ-oˇ, nawˇ huiˬ-eu mahˇ-eu gaˇ kawˆ mˬ kʼoeˇ taˆ pah mehˬ-awˇ, nawˬ-euˬ yaw shehꞈ kʼahˬ sehˇ miˇ kʼahˬ doe ni bi bya le-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Miqyaer-or! Nawq-anr mq taf-aer ciqpoeq ciqgor ma; Nawq-euq yawshaef khanqsaer mirtsaq tanqkhawr doeni bi byale-awq.

Jaceuq 57:5 Iomraidhean Croise

1 Laˬsaˬbaˬ 29:1

Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.

Jaceuq 148:13

Aˬ yawꞈ maꞈ dawˬ tawˆ luꞈ Sahˬpaˬ Miˬyehˇ-ahˇ ja ceuˬ luꞈ-uˇ. Tsawˇ myahˇ dawˬ tawˆ luꞈ kʼoeˇ taˆ aˬ yawꞈ-euˬ tsawˇ myahˇ huiˬ dzehˬ-awˇ, mˬ hawˇ-eu miˇ tsaˬ naˆ maˬ tseˇ, aˬ yawꞈ-euˬ yaw shehꞈ kʼahˬ sehˇ goˇ dzehˬ-eu meh.

Jaceuq 21:13

SahˬpaˬMiˬyehˇ-oˇ, nawˇgʼaˬkʼaˆgaˇja ceuˬ-eu ma. Huiˬdui dui-eu nawˬ-euˬbaoˬ-ahˇ, nga maꞈcaˇ-awˇja ceuˬ-eu ma.

Jaceuq 57:11

Miˬyehˇ-oˇ, nawˇ huiˬ-eu mahˇ-eu gaˇ kawˆ mˬ kʼoeˇ taˆ pah mehˬ-awˇ, nawˬ-euˬ yaw shehꞈ kʼahˬ sehˇ miˇ kʼahˬ doe ni bi bya le-awˬ.

Jaceuq 59:8

Ehˇ kʼawꞈ Sahˬpaˬ Miˬyehˇ nawˇ aˬ yawꞈ maꞈ-ahˇ uiˇ yoeˇ-eu meh. Miˬyehˇ maˬ baw-eu tsawˇ haˬ deuˬ-ahˇ nawˇ nui daˆ daˆ-eu meh.

Jaceuq 64:4

Maˬ lehˬ maˬ ca-eu tsawˇ haˬ deuˬ-ahˇ, aˬ yawꞈ maꞈ dzuˇ zaꞈ-awˇ beuˆ-eu meh. Guˆ-eu nui ma tiˬ pawꞈ-iˬ maˬ ahˇ ni, ja tawˆ ni deuˆ-eu meh.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Jaceuq 8:1

SahˬpaˬMiˬyehˇ-oˇ, Nga maꞈ-euˬSahˬpaˬ Miˬyehˇ-oˇ. miˇtsaˬheu dawˬtawˆluꞈkʼoeˇtaˆ, nawˬ-euˬtsawˇmyahˇ aˇnaˆmuiˬnga. Nawˬ-ahˇciˬhuiˬciˬmahˇ-eu dawˬ, mˬ-ahˇgaˬkeuˆleˇngeh keuˆni,

Dawqdaq 12:18

Dawˬ doeˇ ngehˬ-eu mi cehˇ coeˇ gaˇ duˇ-awˇ, tsawˇ gahˇ ahˇ-eu dawˬ muiˬ, jaˆ gʼaˬ-ahˇ duˇ-eu meh.

Dawqdaq 30:14

Shaˬ zaˬ zahˬ zaˬ-ahˇ gʼawˬ shaˬ maˬ gaˬ ni, smˇ kʼaˆ kʼaˆ-awˇ dehꞈ dzaˬ-eu tsawˇ haˬ jawˇ-eu meh.

Iˇsaˬyaˇ 12:4

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ bi ngehˬ gʼeh le-eu gʼaˇ duˬ kuˇ-awˬ. Aˬ yawꞈ neh mˇ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ. Aˬ yawꞈ huiˬ dui mahˇ dui dui-eu gaˇ kawˆ, aˬ yawꞈ maꞈ-ahˇ dzawˇ mehˬ nehˬ-awˬ.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Haˬbaˬkuˆ 2:14

Sahˬpaˬ Miˬyehˇ yaw shehꞈ kʼahˬ sehˇ, huiˬ-eu meh lehˇ siˬ nya-eu jeˬ, laˆ shaˆ iˇ cuꞈ byah-eu loꞈ-ehˇ, miˇ tsaˬ kʼoeˇ taˆ byah-iˇ tehꞈ-a.

Haˬbaˬkuˆ 3:3

Eˬdoˬ paw neh Miˬyehˇ oe meh. Muiˬ-eu shawˇ-eu aˬ dui Miˬyehˇ, Paˬlaˬ gawˬ jawˬ paw neh oe meh. Mˬ-ahˇ yaw shehꞈ kʼahˬ sehˇ byah-awˇ, miˇ tsa ja ceuˬ-eu dawˬ byah meh.

Bawˇtsahˬ 14:21

Ehˇ kʼawꞈ, ngaˇ dehꞈ luꞈ-eu jeˬ hawˇ-eu miˇ tsaˬ kʼoeˇ taˆ ngaˬ-euˬ yaw shehꞈ kʼahˬ sehˇ byah-eu jeˬ yaw duˬ baw-eu loꞈ-ehˇ,