Jaceuq 55:3 - Akha

³ Muiˇ-eu deuˬ laˆ guˆ laˇ-eu miˇ neh, nui saˇ tiˬ pawꞈ-iˬ maˬ oꞈ nya. Haiˬ-eu tsawˇ haˬ deuˬ kʼehˬ nehˬ kʼaˆ nehˬ laꞈ-eu miˇ neh, shaˬ zahˬ naꞈ dui dui miˇ-a. Aˬ yawꞈ maꞈ ngaˬ-ahˇ laˆ shaˬ laˆ zahˬ nehˬ laꞈ-eu meh. Ngaˬ-ahˇ nui ma pehˇ-awˇ bye-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqjeq mirnae aernar-aq, muir-eu tsawrhaq-euq tersar gaqlar-awr, Tsawrcawv nyaefsuflar luf-eu mae. Aqyawfmaf, ngaq-anr byae-awr nuima paer-eu lafkhoer, Ngaq-euq khoertav gardzaq garkawv bi keuvle luf-eu mae.

Jaceuq 55:3 Iomraidhean Croise

2 Saˬmeuˬlaˆ 15:3

Kʼoeˇ ngeh, Aˬbaˇsaˬloˬ heu loꞈ-ehˇ ehˇ-eu meh. “Nawˇ ehˇ-eu loꞈ-ehˇ ngeuˇ naˇ, nawˬ-euˬ paw tsaˬ dzehˬ miˇ-a. Ehˇ kʼawꞈ, nawˇ ehˇ gaˇ naˇ haˬ-awˇ yaw tsaˬ yaw dawˇ dawˇ-ehˇ yaˇ kʼaˬ daˇ nehˬ-eu gʼaˇ duˬ, sahˬpa neh kʼehˇ taˬ-euˬ yaˇ kʼaˬ daˇ-eu tsawˇ haˬ maˬ jawˇ-a.”

2 Saˬmeuˬlaˆ 19:19

“Sahˬ paˬ-oˇ, Yeˬluˇsaˬlehˬ meuˬ-ahˇ neh nawˇ doˆ-iˇ ngeh nah, ngaˬ neh nawˬ-ahˇ mˇ lehˬ-eu iˬ baˇ pyehˬ nehˬ laꞈ-awˬ. Iˬ baˇ kʼoeˇ ngaˬ-euˬ kʼoeˇ taˆ maˬ bi jaˆ ni byehˇ nehˬ laꞈ-awˬ.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 17:9

Yaw haiˬdeuˬngaˬ-ahˇkʼehˬle-awˇ, muiˇ-eu deuˬjawˬlahˇle-euˬmeh.

Jaceuq 27:12

Ngaˬ-ahˇnawˬdzaˬkʼaˆdzaˬle-eu, muiˇ-eu deuˬ-euˬaˬlaꞈlaꞈkʼoeˇ, nawˇngaˬ-ahˇtaˬ a dzeh nehˬlaꞈ.

Jaceuq 35:11

Haiˬ-eu tsawˇhaˬsaˇkiˇgeuꞈ-awˇ, maˬngeuˇgaˇkeuˆdehˬlehꞈ-eu meh.

Jaceuq 54:3

Biˇ siˇ siˇ-eu tsawˇ haˬ deuˬ ngaˬ-ahˇ ceh le-eu lehˇ oe luꞈ meh. Gʼawˬ shaˬ gaˬ-eu maˬ siˬ nya-eu, Miˬyehˇ-ahˇ yaw zeu maˬ baw-eu tsawˇ haˬ deuˬ, ngaˬ-ahˇ sehꞈ-eu lehˇ oe luꞈ meh.

Jaceuq 71:11

Aˬ yawꞈ maꞈ ngaˬ-euˬ gaˇ kawˆ heu loꞈ-ehˇ ja luꞈ meh. “Miˬyehˇ aˬ yawꞈ-ahˇ byehˇ dzeh-euˬ miˇ neh, aˬ dui maꞈ aˬ yawꞈ-ahˇ nyehꞈ-iˇ kaˇ beuˇ. Aˬ yawꞈ-ahˇ ngehˬ gʼeh-eu tiˬ gʼaˬ-iˬ maˬ paˇ jawˇ meh.”

Jaceuq 73:8

Aˬ cawˬ-ahˇ aˬ yawꞈ maꞈ uiˇ-awˇ dawˬ kʼaˆ ngehˬ-eu meh. Aˬ yawꞈ maꞈ nui ma huiˬ-eu mahˇ-eu laꞈ kʼoeˇ, smˇ kʼaˆ kʼaˆ dzaˬ-eu gaˇ kawˆ kawˆ luꞈ-eu meh.

Maꞈtehˬ 26:59

Piˇ ma aˬ yuiꞈ deuˬ hawˇ-eu, Baꞈ dzah aˇ muˇ muˇ lah-ehˇ, Yeˬsuˇ-ahˇ yaw lehˬ poˆ doˆ-awˇ sehꞈ-eu lehˇ leh jeh-eu meh.