Jaceuq 55:19 - Akha

¹⁹ Aˬ yawꞈ maꞈ nui ma maˬ paˇ-ehˇ, Miˬyehˇ-ahˇ maˬ guˆ-eu miˇ neh, mˬ hawˇ-eu miˇ maˬ bymˬ mi naˆ-ehˇ uˆ lahˇ luꞈ-eu Miˬyehˇ, ngaˬ-euˬ shaˇ dawˬ naˇ haˬ-awˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqyawfmaf, Miqyaer-anr maqguv-aer maq parlar-eu mirnae, Arhu nae daefluf jawrluf-eu Miqyaer narhaq-awr, Aqyawf maf-anr khaeqnaeq khavnaeq taef-a.

Jaceuq 55:19 Iomraidhean Croise

Jaceuq 143:12

Nawˇ ngaˬ-ahˇ gaˬ-euˬ baˬ da neh, ngaˬ-ahˇ muiˇ-eu deuˬ-ahˇ sehꞈ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu baˬ da neh, ngaˬ-ahˇ kʼehˬ-eu deuˬ-ahˇ laˆ luˬ laˆ seˇ nehˬ laꞈ.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Dawˬ tsoˆ 8:11

Aˬ jeˬ miˇ neh tsawˇ haˬ zaˬ yaw haiˬ jeˬ tiˬ kʼehˬ maˬ taˬ ni mˇ ta. Aˬ jeˬ miˇ neh ehˇ naˇ, mˇ bahˬ-euˬ deuˬ-ahˇ yaw kawˇ-ehˇ maˬ kʼehˬ nehˬ-eu miˇ neh meh.

Iˇsaˬyaˇ 36:20

Saˬmaˬliˆ meuˬ-ahˇ ka kʼoꞈ nehˬ-euˬ gʼaˬ jawˇ meh loˇ. Nga maꞈ miˇ kʼahˬ uˆ lahˇ-eu uˬ moˆ maˬ ya jawˇ ni, miˇ kʼahˬ heu deuˬ-ahˇ aˬ yawꞈ maꞈ-euˬ miˬ yehˇ neh ka kʼoꞈ doˆ nehˬ-euˬ aˇ myaˆ poˆ jaˆ ta. Toˆ-ehˇ ngeuˇ naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ ka kʼoꞈ tehꞈ-a lehˇ naw maꞈ aˬ joˆ-ehˇ noeˬ tmˬ peuˬ-eu nya.”

Yeˬlaˬmiˇ 48:11

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-aˬ, dzeuˇ laˇ ngeh tiˬ gaˇ-iˬ guˆ kʼaˇ maˬ za ni dehꞈ-awˇ, aˬ cawˬ miˇ kʼahˬ-ahˇ maˬ bi nyehꞈ gʼeh haw-aˬ siˬ. Mawˇbaˆ miˇ kʼahˬ-aˬ, ciˬ cuˇ yawˬ siˬ yawˬ-ahˇ maˬ kʼaˇ paˇ ahˇ haw-euˬ aˬ gaꞈ dzaˇ uiˇ-ahˇ duˇ-eu meh. Aˬ yawꞈ-euˬ yaw kuiˇ kui-eu jeˬ maˬ byoˆ-iˇ ni jaˆ luꞈ gaˇ duˇ-eu meh.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Gawˇlawˇsehˇ 1:17

Tiˬ jeˬ-iˬ maˬ beh mi naˆ-ehˇ Ka li dehꞈ luꞈ jawˇ luꞈ-awˇ, yawˬ jeˬ na luꞈ aˬ yawꞈ-euˬ laꞈ kʼoeˇ jawˇ duˬ dah-eu meh.