Jaceuq 55:18 - Akha

¹⁸ Myaˬ dui dui-eu muiˇ-eu deuˬ-ahˇ ngaˇ guiˇ deuˆ gaˇ, luˬ-iˇ seˇ-iˇ-eu jeˬ maˬ bi keuˆ le ni, aˬ yawꞈ ngaˬ-ahˇ sheuˬ kʼoꞈ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngaq-anr caelar-euq deuq ghawqmya’ni myaq-eu mirnae, Aqyawf, ngaq-anr guirdeuv deuvlar-eu gar nae, nuisar of-eu lafkhoer, Ngaq-euq nuima saflar-anr kakhof naeqlaf-euq mae.

Jaceuq 55:18 Iomraidhean Croise

2 Saˬmeuˬlaˆ 18:28

Aˬhiˇmaˆ-aˬ, sahˬ paˬ-ahˇ dawˬ cawˬ puˬ nehˬ-awˇ, sahˬ paˬ-euˬ meh shi miˇ tsa awˆ byaˆ-awˇ, “Sahˬ paˬ-oˇ, nawˬ-ahˇ puiˬ-eu tsawˇ haˬ deuˬ-ahˇ bi gʼaˬ leˇ nehˬ laꞈ-euˬ, nawˬ-eu Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ ehˇ-eu meh.

2 Saˬmeuˬlaˆ 22:1

Sawˇluˆ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ Daˬbiˇ-ahˇ Sahˬpaˬ Miˬyehˇ ka kʼoꞈ nehˬ ngeh, Sahˬpaˬ Miˬyehˇ-ahˇ caˇ dawˬ heu bymˇ Daˬbiˇ caˇ nehˬ-euˬ meh.

2 Sahˬpaˬ 6:16

“Taˬ guˆ. Aˬ dui jawˇ paw jawˇ-eu deuˬ aˬ yawꞈ maꞈ myaˆ maˬ tseˇ myaˬ ma” lehˇ Eˇliˇshehˇ ehˇ-eu meh.

Jaceuq 17:1

Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Jaceuq 56:2

Muiˇ-eu deuˬ nah ga-ehˇ ngaˬ-ahˇ tsawˬ nawˬ nawˬ-awˇ, ngaˬ-ahˇ dawꞈ laˇ-eu tsawˇ haˬ myaˬ dui dui meh.

Jaceuq 57:3

Mˬ kʼoeˇ taˆ jawˇ-awˇ ngaˬ-ahˇ ka kʼoꞈ le-eu laꞈ kʼoeˇ, ngaˬ-ahˇ kʼehˬ-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ bi keuˆ le tehꞈ-a. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ, ngaˬ-euˬ kʼoeˇ taˆ aˬ yawꞈ bi keuˆ le tehꞈ-a.

Ngoeˇ dawˬ 3:56

Caw ba nehˬ laꞈ lehˇ ngaˇ shaˇ gaˇ, nawˬ-euˬ naˬ bawˇ ciˬ kʼmˇ-euˬ meh.

Maꞈtehˬ 26:53

Ngaˬ-ahˇ bi caw ba le-eu gʼaˇ duˬ, ngaˬ Da-ahˇ ngaˇ kuˇ gaˬ nya-awˇ, mˬ taˆ gʼaˬ kʼehˇ guiˇ maꞈ tseˇ nyiꞈ maꞈ dzehˬ ni, ngaˇ jawˇ gaˇ aˬ yawꞈ tiˬ poˆ tehꞈ-ehˇ pyehˬ leꞈ nya meh lehˇ, nawˇ maˬ siˬ nya te loˇ.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.