Jaceuq 53:1 - Akha

¹ Aˬ dzawˬ deuˬ-euˬ nui ma laꞈ kʼoeˇ, “Miˬyehˇ maˬ jawˇ-a” lehˇ ehˇ luꞈ meh. Aˬ yawꞈ maꞈ dehꞈ bahˬ jiˇ-awˇ, guˆ dui dui paˬ-ehˇ gʼeh-eu jeˬ mˇ luꞈ meh. Yaw tsaˬ yaw dawˇ jeˬ mˇ-eu tiˬ gʼaˬ-iˬ maˬ jawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqdzawq argan, yawqha-euq nuima-euq lafkhoer aer-eu, “Miqyaer maqjawr-a.” Aqyawfmaf daefcawv-awr, maq mrkhmq-eu yawlaeq yawca jeq mrluf-eu mae. Yawmuiq jeq mr-eu tsawrhaq tiqghaq-iq maqjawr-a.

Jaceuq 53:1 Iomraidhean Croise

1 Sahˬpaˬ 12:26

Yeˬyawˇbamˬ-aˬ, aˬ yawꞈ-euˬ nui ma laꞈ kʼoeˇ, aˬ yawˇ yawꞈ heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, miˇ kʼahˬ heu kʼahˬ Daˬbiˇ-euˬ nymˇ jiˇ-euˬ laꞈ-ahˇ ahˇ leˇ-eu lehˇ gʼeh-eu ngaˇ.

1 Sahˬpaˬ 14:24

Doeˇ dui dui-eu tiˬ jeˬ-aˬ, lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ, zaˬ miˬ zaˬ meh maˬ laˇ hawˇ-eu kʼaˬ dzeˇ zaˬ meh maˬ laˇ deuˬ kʼawꞈ jawˇ-eu kʼoeˇ hmˬ meh. Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ laꞈ kʼoeˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ, yaw beh kʼoeˇ gaˇ jawˇ-euˬ tsawˇ jeuˬ deuˬ kʼaˇ mˇ-euˬ shaꞈ dawˇ dui dui paˬ-ehˇ gʼeh-eu jeˬ dawˬ tawˆ luꞈ-ahˇ, Yuˇdaˆ miˇ kʼahˬ zaˬ deuˬ mˇ-euˬ meh.

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Yawˇbaˆ 15:16

Tsawˇ haˬ zaˬ-aˬ, yaw haiˬ jeˬ-ahˇ iˇ cuꞈ dawˇ-eu loꞈ-ehˇ dawˇ-eu meh. Ngeuˇ meh. Tsawˇ haˬ zaˬ jawꞈ dui dui-awˇ gaˇ dahˇ maˬ tsoeˬ-a.

Jaceuq 10:11

“Miˬyehˇngehˬma gʼeh nehˬle-ehˇ, myaˆhaw maˬcawˬnehˬle-aˇ”lehˇ, yaw haiˬkʼoeˇgʼaˬ noeˬluꞈ-eu meh.

Jaceuq 10:13

Haiˬ-eu deuˬyaw zeu maˬbaw-ehˇ, “Miˬyehˇngaˬ-ahˇmaˬkʼehˬ-aˇlehˇ”, aˬjeˬmiˇneh ya bi ehˇta.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 10:6

“Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

Jaceuq 88:1

Sahˬpaˬ Miˬyehˇ pyeuꞈ-eu Miˬyehˇ-oˇ, caw ba nehˬ laꞈ lehˇ nah ga-ehˇ ngaˇ guˇ-awˇ, uˬ ciꞈ paw nawˬ-euˬ mehˬ shi ngaˇ laˇ-eu ma.

Jaceuq 92:6

Maˬ gahˇ-eu tsawˇ haˬ deuˬ gaˇ kʼoeˇ deuˬ-ahˇ maˬ siˬ nya-ehˇ, aˬ dzawˬ aˇ gah deuˬ maˬ noeˬ mawˇ nya-a.

Yeˬsaˬgeˬlaˇ 16:47

Aˬ yawꞈ maꞈ-euˬ kuiˇ toꞈ-ahˇ nawˇ caw teh-awˇ, aˬ yawꞈ maꞈ loꞈ-ehˇ ya dehꞈ jawꞈ naˇ, nawˇ nui kʼahˇ shiˇ ma loˇ. Kʼoeˇ naˆ tehꞈ maˬ ngeuˇ-a siˬ. Tiˬ kʼehˇ laˇ kʼehˬ laꞈ kʼoeˇ nawˬ neh kʼaˇ mˇ kʼaˇ shaˇ-euˬ yawˬ jeˬ na luꞈ laꞈ kʼoeˇ, aˬ yawꞈ nyaꞈ naˆ maˬ tseˇ nawˇ dehꞈ doeˇ dui dui-euˬ meh.

Yeˬsaˬgeˬlaˇ 16:51

“Saˬmaˬliˆ meuˬ-aˬ, nawˬ-euˬ tiˬ paˆ naˆ ni kʼawꞈ iˬ baˇ maˬ mˇ-aˬ. Nawˇ-aˬ, aˬ yawꞈ naˆ maˬ tseˇ dehꞈ jawꞈ dui dui-euˬ meh. Nawˬ neh mˇ bahˬ-euˬ jeˬ-ahˇ shaˇ cehˆ haw naˇ, nawˬ-euˬ mehˇ nmˇ aˬ buˇ kʼoeˇ nyiˬ gʼaˬ iˬ baˇ maˬ ahˇ gaˇ duˇ-eu meh.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Eˇpeˇsu 5:12

(Aˬ yawꞈ maꞈ baˇ zaꞈ-ahˇ mˇ kʼoeˬ kʼoeˬ luꞈ-eu gaˇ kʼoeˇ deuˬ-ahˇ ja doˆ-eu tehꞈ-ehˇ kʼawꞈ shaꞈ dawˇ dui dui paˬ-ehˇ gʼeh-eu meh.)

Dawˬmehˬ 12:31

Aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ ngeh, Sahˬpaˬ Miˬyehˇ maˬ haw nahˇ-eu nui daˆ daˆ laˇ paˬ-ehˇ gʼeh-eu jeˬ aˬ yawꞈ maꞈ mˇ-eu meh. Aˬ yawꞈ maꞈ-euˬ zaˬ deuˬ-ahˇ lawˇ duˬ kʼoeˇ taˆ miˬ dzaˬ-ahˇ dzah puiˆ-awˇ lawˇ-eu jeˬ kʼawꞈ, aˬ yawꞈ maꞈ mˇ-eu meh.

1 Beˬtuˆluˆ 4:3

Miˬyehˇ-ahˇ maˬ siˬ nya-eu tsawˇ haˬ deuˬ mˇ-eu jeˬ-ahˇ , dzeuˇ laˇ ngeh naw maꞈ mˇ dehˆ shaˇ dehˆ gʼaˬ-euˬ meh. Kaˬ miˬ sheu-eu, shiˬ shaˬ jiˇ nui loˆ geuꞈ-eu, jiˇ baˬ yehꞈ-eu, byawˬ gʼaˬ mo gʼa-eu, dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, tahˬ paˬ aˬ ma mawˇ kawˇ-ahˇ uˬ duˬ tahˬ-eu, heu deuˬ laꞈ kʼoeˇ naw maꞈ dehꞈ dzeuˇ jawˇ dzeuˇ yaꞈ-euˬ meh.