Jaceuq 52:1 - Akha

¹ Baoˬ yaw shehꞈ kʼahˬ sehˇ jaˆ-eu tsawˇ haˬ deuˬ-oˇ, naw maꞈ-euˬ haiˬ-eu gaˇ-ahˇ gʼoe-awˇ, aˬ jeˬ miˇ neh kʼahˬ sehˇ jehˆ te. Miˬyehˇ-euˬ gʼoeˇ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Baoq huiq-eu tsawrhaq-or! Nawr aqjeq ghae-eu yawdoer jeq-anr khanqsaer jaev-eu le? Miqyaer-euq yawmuiq-aq, li-eu maqbawni zif-eu mae.

Jaceuq 52:1 Iomraidhean Croise

Jaceuq 10:7

Yaˬkʼehˇyaˬ-awˇ jaˬmyawꞈmyawꞈ-eu, aˬcawˬ-ahˇlmˬguˆnehˬ-eu jeˬ, mehˬboeˬ-ahˇpaꞈtawꞈtaˬ-euˬmeh. aˬcawˬ-ahˇbye-eu jeˬ ehˇ-awˇ, dawˬdoeˇngehˬ-eu kawˇdui dui meh.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 107:1

Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ aˬ dui kʼoeˇ taˆ muiˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 54:3

Biˇ siˇ siˇ-eu tsawˇ haˬ deuˬ ngaˬ-ahˇ ceh le-eu lehˇ oe luꞈ meh. Gʼawˬ shaˬ gaˬ-eu maˬ siˬ nya-eu, Miˬyehˇ-ahˇ yaw zeu maˬ baw-eu tsawˇ haˬ deuˬ, ngaˬ-ahˇ sehꞈ-eu lehˇ oe luꞈ meh.

Jaceuq 59:7

Aˬ yawꞈ maꞈ yaˬ kʼehˇ yaˬ yaˬ-ehˇ lmˬ luꞈ gaˇ naˇ haˬ sheˇ. Aˬ yawꞈ maꞈ-euˬ mehˬ laˇ-aˬ, kʼaˬ meh laꞈ kʼoeˇ ahˇ-eu mi cehˇ-ahˇ duˇ kʼawꞈ, aˬ yawꞈ maꞈ dawˬ ngehˬ gaˇ aˬ cawˬ maˬ gaˬ nya-aˇ lehˇ noeˬ-eu meh.

Jaceuq 7:14

Haiˬ-eu kʼoeˇdeuˬ doeˇgaˇhaw sheˇ. Aˬcawˬ-ahˇ laˆ shaˬ-eu toˆ-awˇ, laˆdzaˬgahˇdzaˬ-eu jawˬ-eu meh.

Jaceuq 94:4

Yaw haiˬ jeˬ mˇ-eu tsawˇ haˬ deuˬ aˇ myah keuˆ ni nui ma huiˬ-awˇ ya dehꞈ nmˇ. Aˇ myah keuˆ ni aˬ yawꞈ maꞈ neh mˇ-euˬ haiˬ-eu gaˇ-ahˇ, kʼahˬ sehˇ jehˆ jehˆ-ehˇ ya jawˇ nmˇ.

Doˆ-iˇ 22:9

“Mawˇ neˇ, mahˬ tahˬ laˆ, yawˇ, dm gʼaˬ dm lmˇ hawˇ-eu, nui jeˬ aˬ geu jeˬ maˬ kaˬ, byoˆ-iˇ-euˬ paˇ mawˇ kʼoꞈ ngeh, tsawˇ haˬ nyiˬ gʼaˬ yaw kaˬ yaw sahˇ tawˬ-awˇ tsawˇ pyehˇ pyehˇ-eu laꞈ kʼoeˇ, dawˬ ja doˆ laˇ naˇ, uˬ duˬ tahˬ-eu jawˇ duˬ-ahˇ aˬ yawꞈ nyaꞈ-ahˇ ya sheuˬ gʼeh-eu meh. Iˬ baˇ ahˇ-eu meh lehˇ Miˬyehˇ neh laꞈ noeˇ bi toeˬ-euˬ gʼaˬ-aˬ, yawˬ gʼaˬ yawˬ-ahˇ nyiˬ bymˇ paˇ ya tsoeˬ kʼoꞈ nehˬ meh.

Dawqdaq 6:14

nui ma laꞈ gʼoꞈ-ahˇ yaw haiˬ jeˬ shaˇ sawˇ luꞈ-awˇ, iˬ dehˬ iˬ ceh poˆ-eu maˬ naˬ leˇ-a.

Dawqdaq 6:18

maˬ muiˬ-eu jeˬ shaˇ sawˇ-eu nui ma tiˬ jeˬ, yaw haiˬ mˇ-eu kawˇ-eu aˬ kuiˇ tiˬ jeˬ,

Iˇsaˬyaˇ 59:4

Naw maꞈ yaˇ kʼaˬ daˇ duˬ-ahˇ le-eu kʼawꞈ, yaw tsaˬ yaw dawˇ jeˬ naw maꞈ jawˇ paw maˬ pyawˬ-ehˇ, jaˬ myawꞈ myawꞈ-awˇ gʼaˬ leˇ ni leh jeh-eu laꞈ kʼoeˇ, aˬ cawˬ-ahˇ coeˬ leˇ-eu jeˬ toˆ-eu meh.

Yeˬlaˬmiˇ 41:4

Yawˬ nah yawˬ, Geˬdaˬliˇ bi sehꞈ-euˬ gaˇ kawˆ tsawˇ haˬ tiˬ gʼaˬ-iˬ maˬ siˬ nya dah mi naˆ-ehˇ,

Yeˬlaˬmiˇ 9:8

Aˬ yawꞈ maꞈ-euˬ mehˬ laˇ shaˆ shiˇ kaˆ myaˬ, jaˬ myawꞈ mehˇ shuiˇ mˇ-eu maˬ naˬ leˇ-a. Yawˬ gʼaˬ na luꞈ dawˬ muiˬ ngehˬ gaˇ duˇ kʼawꞈ, nui ma laꞈ kʼoeˇ lahˇ ju kʼmˇ luꞈ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Lormav 1:30

Tiˬ gʼaˬ tiˇ gʼaˬ ja bu ja doeˇ-eu, Miˬyehˇ-ahˇ muiˇ-eu, aˬ cawˬ-ahˇ ngehˬ coeˬ ehˇ coeˬ-eu, yawˬ haˇ yawˬ ha taˬ huiˬ-eu, kʼahˬ sehˇ jehˆ-eu, yaw haiˬ jeˬ mˇ-eu gʼaˇ duˬ kʼaˆ kʼaˆ ni shaˇ noeˬ-eu, aˬ da aˬ ma ehˇ dawˬ maˬ naˇ haˬ-eu, heu deuˬ kʼawꞈ ahˇ-eu meh.

2 Tiˆmoˇseˬ 3:2

Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,

1 Saˬmeuˬlaˆ 21:7

Kʼoeˇ ngeh nah, Sawˇluˆ-euˬ yawˇ bo-eu paw aˬ yuiꞈ geuꞈ-eu gʼaˬ pyeuꞈ-eu Eˬdoˬ tsawˇ jeuˬ Doˇgaˆ lehˇ myahˇ-euˬ gʼaˬ kʼawꞈ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ mˇ paˬ-ehˇ gʼeh-eu jeˬ jaˆ-eu miˇ neh, kʼoeˇ gaˇ laˇ taˬ-awˇ jawˇ-eu meh.