Jaceuq 51:4 - Akha

⁴ Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, nawq-anr iqbax mrlaeq-euq mir-a, nawq-anr taef-aer mrlaeq-euq ma. Nawq-euq maeqshi yawdoer jeq mr-euq heu-aq; Nawr ngaeqlar ngae dawr-awr tsaq-eu uqtaf, Nawr yarkhaqdar ngae, aerkhar maqza nga laer ya dovlar-eu mae.

Jaceuq 51:4 Iomraidhean Croise

Aˇ dahˬ 20:6

Yuꞈ maˆ laꞈ kʼoeˇ, Aˬbiˇmaˬlehˆ-ahˇ Miˬyehˇ heu loꞈ-ehˇ paˇ ehˇ nehˬ-euˬ meh. “Ngeuˇ meh. Nawˇ nui ma shawˇ jehˆ ni taˬ-eu laꞈ kʼoeˇ, kʼoeˇ loꞈ-ehˇ mˇ-euˬ meh lehˇ ngaˇ siˬ nya ma. Kʼoeˇ miˇ neh, ngaˬ-euˬ mehˬ shi nawˇ iˬ baˇ maˬ ya mˇ ni, zaˬ miˬ zaˬ heu gʼaˬ nehˬ-ehˇ nawˬ-ahˇ ngaˇ maˬ bi jawˇ taꞈ-aˬ.

Aˇ dahˬ 38:7

Iˇlehˆ-aˬ, Sahˬpaˬ Miˬyehˇ nui ma maˬ tsaˬ-eu maˬ muiˬ maˬ jaˬ-eu jeˬ mˇ-eu miˇ neh, Sahˬpaˬ Miˬyehˇ neh aˬ yawꞈ-ahˇ bi shiˇ-euˬ meh.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Aˇ dahˬ 9:6

Tsawˇ haˬ zaˬ-ahˇ, Miˬyehˇ-ahˇ duˇ ni beh taˬ-euˬ meh. Kʼoeˇ miˇ neh, tsawˇ haˬ-ahˇ sehꞈ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ sehꞈ gaˇ paˇ ya daˬ tehꞈ-a.

2 Sahˬpaˬ 17:17

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ, lawˇ ciꞈ zaˬ-euˬ miˬyehˇ deuˬ-ahˇ lawˇ nehˬ-euˬ meh. Nyiˇ paˬ, shaˆ ma, boeˇ mawˬ deuˬ hawˇ-eu, ja maw nya-eu deuˬ-ahˇ aˬ yawꞈ maꞈ gʼoe-eu uˬ taꞈ, Sahˬpaˬ Miˬyehˇ mehˬ shi yaw lehˬ yaw ca jeˬ nui kʼahˇ tiˬ shiˇ mˇ-eu laꞈ kʼoeˇ, Sahˬpaˬ Miˬyehˇ-ahˇ nui ma laˆ pehˇ-euˬ meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

Jaceuq 50:4

Aˬ yawꞈ-euˬ tsawˇ haˬ deuˬ-ahˇ aˬ yawꞈ yaˇ kʼaˬ daˇ gaˇ, mˬ hawˇ-eu miˇ-ahˇ saˇ kiˇ bi geuꞈ-euˬ meh.

Jaceuq 50:6

Miˬyehˇ tsaˬ-eu dawˇ-eu gaˇ kawˆ hawˇ-eu, yaˇ kʼaˬ daˇ-eu gʼaˬ pyeuꞈ-eu gaˇ kawˆ, mˬ saˇ kiˇ kamˬ luꞈ-eu meh.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Uˬ duˬ 5:19

Kʼoeˇ-aˬ, aˬ yawꞈ neh Sahˬpaˬ Miˬyehˇ-ahˇ mˇ lehˬ-euˬ gʼaˇ duˬ, dziˇ dzoˆ tsoeˬ-eu lawˇ-eu jeˬ pyeuꞈ-eu meh.

Luˇkaꞈ 15:21

Aˬ li kʼoeˇ gʼaˬ aˬ da-ahˇ ehˇ nehˬ-eu, ‘Aˬ da-oˇ, Miˬyehˇ mehˬ shi hawˇ-eu nawˬ-euˬ mehˬ shi ngaˇ iˬ baˇ mˇ-euˬ ma. Ngaˬ-ahˇ nawˬ li lehˇ bi kuˇ-eu maˬ paˇ geuˇ miˇ-a.’

Luˇkaꞈ 7:29

Tsawˇ haˬ dawˬ tawˆ luꞈ, Yoˇhaˬ dawˬ mehˬ mehˬ gaˇ ya gaˬ-euˬ meh. Aˬ yawꞈ maꞈ hawˇ-eu kawˬ taꞈ-eu tsawˇ haˬ deuˬ-aˬ, Miˬyehˇ neh dawˬ biꞈ taˬ-euˬ yaw tsaˬ yaw dawˇ jeˬ-ahˇ ha geuꞈ-awˇ, Yoˇhaˬ neh iˇ cuꞈ bi shawˇ-euˬ meh.

Gʼaˬkʼehˇ 17:31

Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”

Lormav 2:5

Ehˇ kʼawꞈ, nawˇ nui ma gʼahˇ dui dui-awˇ, naˬ bawˇ tuˇ-eu miˇ neh, Miˬyehˇ nui ma pehˇ-eu jeˬ hawˇ-eu dawˇ coe ni yaˇ kʼaˬ daˇ-eu jeˬ pah mehˬ le ngeh Nah, kʼoeˇ naˆ maˬ tseˇ gʼeh-eu kʼehˬ-eu kʼaˆ-eu jeˬ nawˬ-euˬ kʼoeˇ taˆ keuˆ le ni yawˬ haˇ yawˬ ha mˇ luꞈ gaˇ duˇ-eu meh.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

Yaˬkoˆ 2:11

Aˬ jeˬ miˇ neh ehˇ naˇ, “Aˬ cawˬ-euˬ miˬ sawˇ yo zaˬ-ahˇ maˬ ya bahˬ maˬ ya muˆ-a” lehˇ ehˇ-eu hawˇ-eu, “Tsawˇ haˬ-ahˇ maˬ ya sehꞈ-a” lehˇ ehˇ-eu kʼoeˇ-aˬ, aˬ yawꞈ tiˬ gʼaˬ neh ehˇ-euˬ dawˬ meh. Aˬ cawˬ-euˬ miˬ sawˇ yo zaˬ-ahˇ nawˇ maˬ bahˬ maˬ muˆ-euˬ kʼawꞈ, tsawˇ haˬ sehꞈ naˇ, zahˇ dawˬ kʼoꞈ dawˬ-ahˇ mˇ bahˬ-euˬ meh.

Yaˬkoˆ 2:9

Ehˇ kʼawꞈ, naw maꞈ kʼoeˇ taˆ paw tehꞈ-ehˇ haw-awˇ myaˆ pyawˬ huiˬ nyiˇ tseˇ naˇ, ‘Iˬ baˇ mˇ-eu jeˬ pyeuꞈ-awˇ, zahˇ dawˬ kʼoꞈ dawˬ-ahˇ bahˬ-eu tsawˇ haˬ pyeuꞈ-eu meh’ lehˇ, Zahˇ dawꞈ kʼoꞈ dawˬ laꞈ kʼoeˇ pah mehˬ taˬ-euˬ meh.

Panmaeq 16:5

Kʼoeˇ ngeh, iˇ cuꞈ-ahˇ haw-eu pyaˆ-eu mˬ taˆ gʼaˬ kʼehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Aˇhu neh nymˬ-mˇ keuˆ dehꞈ-eu, Muiˬ dui shawˇ dui dui-eu gʼaˬ-oˇ, nawˬ neh yaˇ kʼaˬ daˇ-euˬ tsaˬ meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.