Jaceuq 51:13 - Akha

¹³ Kʼoeˇ naˇ, iˬ baˇ zaˬ deuˬ-ahˇ nawˬ-euˬ dawˬ ngaˇ mehˬ-awˇ, aˬ yawꞈ maꞈ nawˇ jawˇ gaˇ gʼoꞈ kʼoꞈ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoernar-aq, ngar, yawbanq yawlaeq jeq mr-eu deuq-anr, Nawq-euq garma maeqnaeq ngae, Iqbaxzaq noeqpov noeqpar-awr, nawr jawr-eu paw ghoflar taef-a.

Jaceuq 51:13 Iomraidhean Croise

2 Sahˬpaˬ 17:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ miˇ neh, maˬ mawˇ laˇ gaˇ teh dzeh nehˬ-awˇ, Yuˇdaˆ miˇ kʼahˬ tehꞈ-ehˇ bi dzeˇ yaꞈ-euˬ meh.

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.

2 Sahˬpaˬ 17:23

Sahˬpaˬ Miˬyehˇ-euˬ zaˬ kʼaˆ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ, Sahˬpaˬ Miˬyehˇ maˬ mawˇ gaˇ maˬ bi teh dzeh jiˇ kʼoeˇ keuˆ ni, aˬ yawꞈ maꞈ kʼoeˇ loꞈ-ehˇ iˬ baˇ mˇ-euˬ meh. Kʼoeˇ miˇ neh Iˇsaˬleˬlaˆ tsawˇ haˬ kʼoeˇ deuˬ Aˬshuˇliˆ miˇ kʼahˬ-ahˇ bi nyehꞈ byoˆ gʼeh-awˇ, kʼoeˇ gaˇ ya jawˇ byoˆ-euˬ meh.

Jaceuq 19:7

SahˬpaˬMiˬyehˇ-euˬ Zahˇdawˬ-aˬ, byah dui dui-eu Zahˇdawˬpyeuꞈ-awˇ, nui ma-ahˇgʼaˬbi ahˇ-eu meh. SahˬpaˬMiˬyehˇbiꞈ-euˬdawˬ-aˬ, jah coeˇdui dui-eu dawˬpyeuꞈ-awˇ, maˬsiˬmaˬnya-eu tsawˇhaˬ-ahˇ, zaˬsiˬtsawˇgahˇbiꞈlahˬ-eu meh.

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 25:4

SahˬpaˬMiˬyehˇnawˬ-euˬgaˇma, ngaˇsiˬnya ni mehˬnehˬlaꞈ-awˬ.

Jaceuq 25:8

Sahˬpaˬ Miˬyehˇmuiˬ-awˇjaˬ-awˇ, tsaˬdui dawˇdui dui-eu miˇneh, yaw tsaˬyaw dawˇgaˇma cah ni, Iˬbaˇzaˬ-ahˇmehˬnehˬ-eu meh.

Jaceuq 32:5

Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Yeˬlaˬmiˇ 31:18

“Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.

Maꞈtehˬ 18:3

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ nui ma paˇ-awˇ, zaˬ yaw nyiˇ tiˬ gʼaˬ loꞈ-ehˇ maˬ pyeuꞈ laˇ kʼoeˇ keuˆ ni, Mˬtaˆ Miˇkʼahˬ laꞈ kʼoeˇ naw maꞈ maˬ ya uˇ leˇ-a.

Luˇkaꞈ 22:32

Ehˇ kʼawꞈ, Siˇmoˬ nawˇ jah-eu jeˬ-ahˇ maˬ ya byehˇ dzeh ni ngaˇ guiˬ lahˬ shaˇ luꞈ-eu ma. Nawˇ noeˬ poˆ-awˇ gʼoꞈ kʼoꞈ laˇ ngeh, nawˬ-euˬ cawˬ zaˬ lahˇ deuˬ-ahˇ gʼaˬ biꞈ nehˬ-awˬ.”

Gʼaˬkʼehˇ 13:10

“Nehꞈsahˬpaˬ-euˬ zaˬ-oˇ, yaw muiˬ jeˬ dawˬ tawˆ luꞈ-ahˇ nawˇ muiˇ-eu meh. Nawˇ-aˬ, nui ma gʼoꞈ dui dui-awˇ, SahˬpaˬMiˬyehˇ-euˬ yaw tsaˬ yaw dawˇ jeˬ-ahˇ jaˬ myawꞈ mehˇ shuiˇ pyeuꞈ-iˇ jiˇ ni leh jeh luꞈ-eu meh.

Gʼaˬkʼehˇ 15:3

Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,