Jaceuq 51:11 - Akha

¹¹ Nawˬ nehˬ-ehˇ maˬ bi jawˇ ni taˬ sheuˬ dzeh nehˬ laꞈ muiˬ-eu shawˇ-eu nawˬ-euˬ yaw sahˇ ngaˬ-ahˇ taˬ bi byehˇ dzeh nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nawq-euq maeqshi nae ngaq-anr taq taedzae naeqlaf. Nawq-euq Yawshawr Saflar, ngaq-anr nae taq yurkhof naeqlaf.

Jaceuq 51:11 Iomraidhean Croise

Aˇ dahˬ 4:14

Miˇ kʼahˬ heu kʼahˬ-ahˇ neh nawˬ-euˬ myaˆ pyawˬ maˬ ya mawˇ-eu jawˇ duˬ-ahˇ, nawˇ ngaˬ-ahˇ teh dzeh nehˬ laꞈ-euˬ meh. Ngaˇ tiˬ gaˇ-iˬ jawˇ duˬ dah leˇ kʼaˇ maˬ za ni, miˇ kʼahˬ doe doe-ehˇ cah cah-ehˇ ya jawˇ naˇ, kʼaˇ puˬ kʼaˇ mawˇ le-eu tsawˇ haˬ deuˬ ngaˬ-ahˇ sehꞈ laˇ tehꞈ-a.”

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

2 Saˬmeuˬlaˆ 7:15

Ehˇ kʼawꞈ, nawˇ sahˬ paˬ pyeuꞈ laˇ ni Sawˇluˆ-ahˇ ngaˬ neh byehˇ dzeh-euˬ loꞈ-ehˇ, aˬ yawꞈ-ahˇ ngaˇ maˬ byehˇ dzeh.

2 Sahˬpaˬ 13:23

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ-eu laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh dzaˬ taˬ-euˬ dawˬ ma saˇ jaˇ baˬ da neh, aˬ yawꞈ-euˬ tsawˇ jeuˬ-ahˇ aˬ yawꞈ maˬ ngehˇ leˇ coeˇ-ehˇ, cawˆ-iˇ jiˇ gaˇ maˬ bi keuˆ ni caw ba nehˬ-euˬ meh.

2 Sahˬpaˬ 23:27

“Iˇsaˬleˬlaˆ miˇ kʼahˬ-ahˇ ngaˬ neh jahˇ nehˬ-euˬ loꞈ-ehˇ, Yuˇdaˆ miˇ kʼahˬ-ahˇ kʼawꞈ jahˇ nehˬ ma. Yuˇdaˆ miˇ kʼahˬ zaˬ deuˬ-ahˇ, ngaˇ maˬ mawˇ gaˇ bi iˇ byoˆ jiˇ-awˇ, ngaˬ neh tseˇ doˆ-euˬ Yeˬluˇsaˬlehˬ meuˬ hawˇ-eu, ngaˬ-ahˇ uˬ duˬ ya tahˬ-eu jawˇ duˬ meh lehˇ ngaˬ neh ehˇ taˬ-euˬ Uˬ duˬ tahˬ nymˇ nymˇ ma-ahˇ kʼawꞈ, ngaˇ byehˇ dzeh nehˬ ma” lehˇ, Sahˬpaˬ Miˬyehˇ ehˇ-eu meh.

2 Sahˬpaˬ 24:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu, Yuˇdaˆ miˇ kʼahˬ zaˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ taˬ-euˬ miˇ neh, aˬ yawꞈ maˬ mawˇ gaˇ bi iˇ byoˆ gʼeh-euˬ meh.

Jaceuq 43:2

Nawˬ-ahˇtehꞈ-ehˇngaˇgʼoe-eu ma. Aˬjeˬmiˇneh byehˇdzeh laꞈte. Muiˇ-eu deuˬngaˬ-ahˇkʼehˬlaˇgaˇ, aˬjeˬmiˇneh bi daˬlaꞈte.

Jaceuq 71:18

Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Jaceuq 71:9

Nymˬ-mˇ ngaˇ mawˬ laˇ-euˬ miˇ neh taˬ byehˇ dzeh nehˬ laꞈ. Ngaˇ gʼaˬ baˬ le-euˬ miˇ neh myaˆ haw maˬ cawˬ-ehˇ taˬ gʼeh nehˬ laꞈ.

Yeˬlaˬmiˇ 7:15

Naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-ahˇ ngaˬ neh teh dzeh nehˬ-euˬ loꞈ-ehˇ, naw maꞈ-ahˇ kʼawꞈ maˬ mawˇ laˇ gaˇ ngaˇ teh dzeh ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Yoˇhaˬ 14:26

Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Lormav 1:4

Miˬyehˇ-ahˇ taꞈ-eu paw neh sawˇ leꞈ naˇ, aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu gaˇ kawˆ, huiˬ dui dui-eu baoˬ laꞈ kʼoeˇ aˬ dui-ahˇ bi mawˇ laꞈ-euˬ meh. Aˬ yawꞈ shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-eu laꞈ kʼoeˇ bi mawˇ laꞈ-euˬ meh.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

Yaˇ kʼaˬ daˇ 13:25

Zoˇlahˬ hawˇ-eu Eˇshaˬtawˇlaˆ meuˬ-euˬ yaw kaˬ-ahˇ jaˆ-eu Daˬ-euˬ taˆ-ahˇ aˬ yawꞈ jawˇ luꞈ ngeh, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ biꞈ lahˬ-euˬ meh.

Yaˇ kʼaˬ daˇ 15:14

Leˬhiˇ meuˬ-ahˇ aˬ yawꞈ iˇ keuˆ ngeh, Piˇliˇtiˆ tsawˇ haˬ deuˬ guˇ guˇ-ehˇ aˬ yawꞈ jawˇ gaˇ cehˆ gʼeh leꞈ-euˬ meh. Ja pyuˬ ni, Sahˬpaˬ Miˬyehˇ-euˬ baoˬ aˬ yawꞈ-ahˇ gʼaˬ bi kʼaˆ laˇ-awˇ, saˬ kahˇ-ahˇ miˬ dzaˬ puiˆ tsehˆ-eu loꞈ-ehˇ, aˬ yawꞈ-euˬ aˬ laꞈ-ahˇ paꞈ taˬ-euˬ aˇ caˆ-ahˇ aˬ yawꞈ behˇ tsehˆ-euˬ meh.

Yaˇ kʼaˬ daˇ 16:20

“Saˬsoˬ-oˇ, Piˇliˇtiˆ tsawˇ haˬ deuˬ laˇ luꞈ meh” lehˇ Deˬliˇlaˆ kuˇ ngeh, aˬ yawꞈ noeˬ laˇ-awˇ, “Aˬ myah myah loꞈ-ehˇ teuˆ puiˇ-awˇ doˆ-iˇ ma” lehˇ aˬ yawꞈ noeˬ-euˬ meh. Sahˬpaˬ Miˬyehˇ aˬ yawꞈ-ahˇ byehˇ dzeh-euˬ gaˇ kawˆ aˬ yawꞈ maꞈ siˬ nya-a.

1 Saˬmeuˬlaˆ 10:10

Sawˇluˆ hawˇ-eu aˬ yawꞈ-euˬ zaˬ kʼaˆ Giˇbyoˬ meuˬ-ahˇ le keuˆ ngeh, Miˬyehˇ gʼaˇ duˬ ngehˬ dah-eu deuˬ-ahˇ tahˬ puˬ-euˬ meh. Miˬyehˇ-euˬ yaw sahˇ Sawˇluˆ-ahˇ ja pyuˬ ni uˆ lahˇ le-awˇ, aˬ yawꞈ maꞈ nehˬ-ehˇ aˬ yawꞈ cehˆ gawꞈ leˇ-awˇ, gaˇ nyeh nyeh-awˇ guˇ-euˬ meh.

1 Saˬmeuˬlaˆ 16:14

Sahˬpaˬ Miˬyehˇ-euˬ yaw sahˇ Sawˇ luˆ-ahˇ byehˇ dzeh yaꞈ-awˇ, Sahˬpaˬ Miˬyehˇ neh bi oe-euˬ haiˬ-eu yaw sahˇ aˬ yawꞈ-ahˇ laˆ suˬ saˬ-euˬ meh.