Jaceuq 50:3 - Akha

³ Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdui-euq Miqyaer oe taef-a, ciqcurni maq jawrbyov-ar. Aqyawf-euq maeqshi miqdzaq dofnyaev taq-awr, Aqyawf-euq tiqjawq, jaqlaer laerma yawkhav-aer baw-eu mae.

Jaceuq 50:3 Iomraidhean Croise

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Jaceuq 50:21

Naw maꞈ kʼoeˇ loꞈ-ehˇ dehꞈ doeˇ kʼawꞈ ngaˇ dawˬ maˬ tmˇ-eu miˇ neh, ngaˇ naw maꞈ-ahˇ nui kʼahˇ shiˇ meh lehˇ naw maꞈ noeˬ luꞈ meh. Ehˇ kʼawꞈ naw maꞈ maˬ muiˬ-eu gaˇ kawˆ ngaˇ ja doˆ-awˇ, naw maꞈ-euˬ yaw lehˬ bya cehˆ ni bi doˆ laˇ ma.

Jaceuq 68:20

Aˬ dui-euˬ Miˬyehˇ-aˬ, aˬ dui-ahˇ ka kʼoꞈ-eu Miˬyehˇ pyeuꞈ-awˇ, shiˇ-eu jeˬ keuˆ le ngeh aˬ dui-ahˇ sheuˬ dzeuˇ nehˬ laꞈ-eu meh.

Jaceuq 83:1

Miˬyehˇ-oˇ, ciˬ cuˇ ni taˬ jawˇ nehˬ laꞈ. Maˬ luˆ maˬ laˆ, maˬ ngehˬ maˬ tmˇ ni taˬ jawˇ nehˬ laꞈ.

Jaceuq 96:13

Sahˬpaˬ Miˬyehˇ miˇ tsaˬ-ahˇ uˆ lahˇ le ngeh, kʼoeˇ loꞈ-ehˇ guˇ tehꞈ-a. Miˇ tsaˬ zaˬ dawˬ tawˆ luꞈ-ahˇ yaw tsaˬ yaw dawˇ laꞈ kʼoeˇ uˆ lahˇ-awˇ, dawˇ coe ni yaˇ kʼaˬ daˇ nehˬ tehꞈ-a.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Iˇsaˬyaˇ 35:4

Nui ma gʼaˬ baˬ luꞈ-eu tsawˇ haˬ deuˬ-ahˇ, “Gʼaˬ byehˆ maˬ byehˆ-ehˇ maˬ guˆ ni jawˇ-awˬ. Naw maꞈ-ahˇ ka kʼoꞈ nehˬ-awˇ, muiˇ-eu deuˬ-ahˇ kʼehˬ-eu gʼaˇ duˬ, Miˬyehˇ oe luꞈ meh” lehˇ ehˇ nehˬ-awˬ.

Yeˬsaˬgeˬlaˇ 1:4

Ngaˇ haw daˆ gʼeh ngeh, laꞈ taˆ paw pyawˬ-ahˇ neh jaˬ lehˇ lehˇ ma oe luꞈ-eu mawˇ-euˬ ma. Huiˬ dui dui-eu mˬ dmˇ laꞈ kʼoeˇ mˬ myawꞈ myawꞈ luꞈ-awˇ, kʼoeˇ-euˬ tiˬ jawˬ mˬ bya cehˆ ni jaˆ luꞈ-eu meh. Mˬ myawꞈ myawꞈ-eu laꞈ kʼoeˇ, guiˬ shuiˇ loꞈ-ehˇ guiˇ nyiˬ ni tiˬ jeˬ mawˇ laˇ-eu meh.

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Uˬ duˬ 10:2

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, Sahˬpaˬ Miˬyehˇ-euˬ mehˬ shi, aˬ yawꞈ nyaꞈ-ahˇ miˬ dzaˬ puiˆ sehꞈ-euˬ meh.

Haˬbaˬkuˆ 3:5

Aˬ yawꞈ oe-eu kuiˇ toꞈ mehˬ hu, naˇ gawˇ gawˇ ma yaw jaw oe-awˇ, Aˬ yawꞈ iˇ-eu kuiˇ toꞈ mehˬ nah, shaˆ shiˇ naˇ gawˇ caw teh-eu meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Dawˬmehˬ 9:3

Aˬ yawꞈ maꞈ tsawˇ haˬ goˇ dui dui-awˇ, gʼaˬ kʼawꞈ kʼaˆ dui dui-eu meh. Aˬ yawꞈ maꞈ-aˬ, huiˬ dui goˇ dui dui-eu tsawˇ haˬ pyeuꞈ-awˇ, aˬ yawꞈ maꞈ-euˬ mehˬ shi aˬ suˇ gʼaˬ yawꞈ leˇ peuˬ ta lehˇ aˬ cawˬ ehˇ-eu naw maꞈ ya gaˬ haw-euˬ meh. Ehˇ kʼawꞈ, miˬ dzaˬ puiˆ daˆ leꞈ-eu loꞈ-ehˇ, tsawˇ haˬ kʼoeˇ deuˬ-ahˇ naw maꞈ yaw kawˇ kawˇ-ehˇ teh doˆ-awˇ laˆ luˬ laˆ seˇ nehˬ nya ni, naw maꞈ le gʼeh leꞈ-eu nehˬ-ehˇ, aˬ yawꞈ maꞈ-ahˇ Sahˬpaˬ Miˬyehˇ deuˆ gʼaˬ tehꞈ-a.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.