Jaceuq 50:15 - Akha

¹⁵ Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Gardzaq garkawv keuvle ngae nan, ngaq-anr kur-awq. Ngar, nawq-anr bibuq-ir-awr, nawr, ngaq-anr jaceuq taef-a.”

Jaceuq 50:15 Iomraidhean Croise

2 Sahˬpaˬ 20:2

Kʼoeˇ ngeh, Heˬsaˬgiˇ kaˇ pyawˇ-ahˇ myaˆ pyawˬ ciˬ daˬ-awˇ, heu loꞈ-ehˇ guiˬ lahˬ shaˇ-euˬ meh.

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Jaceuq 107:19

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 107:28

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 120:1

Shaˬ-eu zahˬ-eu jeˬ-ahˇ ngaˇ ya tahˬ puˬ-awˇ, Sahˬpaˬ Miˬyehˇ-ahˇ kuˇ ngeh, ngaˬ-euˬ kuˇ dawˬ-ahˇ aˬ yawꞈ naˇ haˬ-eu meh.

Jaceuq 22:23

SahˬpaˬMiˬyehˇ-ahˇguˆ-eu deuˬ, yawꞈ-ahˇcaˇ-awˇja ceuˬkaˇ-euˇ. Yaˬkoˆ-euˬzaˬdeuˬuˆdeuˬ-oˇ, yawꞈ-ahˇciˬhuiˬciˬmahˇnehˬ-awˬ. Iˇsaˬleˬlaˆtsawˇhaˬdeuˬ-oˇ, aˬyawꞈ-ahˇuˬduˬtahˬkaˇ-euˇ.

Jaceuq 34:5

Shaˬzaˬzahˬzaˬyawꞈ-ahˇhaw ngeh, myaˆpyawˬbya cehˆni bya laˇ-awˇ, tiˬjawˇ-iˬmaˬya shaꞈdawˇ-a.

Jaceuq 34:7

Yawꞈ-ahˇzeu-eu deuˬ-euˬtiˬjawˬ, mˬtaˆgʼaˬkʼehˇloꞈpiˇle-awˇ, guˆgaˆlaꞈkʼoeˇka kʼoꞈ-eu meh.

Jaceuq 4:2

Tsawˇhaˬ zaˬdeuˬ, aˇmyah keuˆni, ngaˬ-ahˇ ja bu-eu lehˇ gʼeh te. Gaˇdahˇmaˬtsoeˬleˇ-eu jeˬ-ahˇ, aˇmyah keuˆni naw maꞈgaˬ-awˇ, Maˬtsaˬmaˬdawˇ-eu jeˬ mehˬnah, aˇmyah keuˆni cah-eu gʼeh te.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Jaceuq 77:3

Miˬyehˇ gaˇ kawˆ ngaˇ shaˇ noeˬ ngeh, saꞈ gʼawˇ daˆ laˇ miˇ-a. Ciˬ cuˇ ni jawˇ-awˇ shaˇ noeˬ ngeh, gʼaˬ baˬ dui dui nya.

Jaceuq 81:7

Nawˇ guˆ-eu gaˆ-eu jeˬ tahˬ puˬ-awˇ ngaˬ-ahˇ kuˇ ngeh, nawˬ-ahˇ ngaˇ ka kʼoꞈ nehˬ-euˬ ma. Ngaˬ-euˬ dzuˇ yaꞈ duˬ pyeuꞈ-eu mˬ jeˬ jaˬ lehˇ laꞈ kʼoeˇ jawˇ-awˇ, nawˬ-euˬ shaˇ dawˬ-ahˇ ngaˇ naˇ haˬ-euˬ ma. Meˬliˇbaˬ lawˇ gawˆ dawˬ peh, nawˬ-ahˇ ngaˇ lawˬ haw-euˬ ma.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Jaceuq 86:7

Ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh, shaˬ ngeh zahˬ ngeh nawˬ-ahˇ ngaˇ kuˇ-eu ma.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Yeˬlaˬmiˇ 39:17

Ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ nawˬ-ahˇ haw piˇ-awˇ, nawˇ guˆ luꞈ-eu tsawˇ haˬ deuˬ-euˬ laꞈ-ahˇ, nawˬ-ahˇ maˬ bi ahˇ leˇ.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Maꞈtehˬ 5:16

Kʼoeˇ gaˇ duˇ ni, naw maꞈ neh mˇ-euˬ yaw muiˬ jeˬ-ahˇ aˬ cawˬ mawˇ-awˇ, mˬ kʼoeˇ taˆ jawˇ-eu naw maꞈ-euˬ Aˬda-ahˇ ja ceuˬ ni, aˬ cawˬ mehˬ shi naw maꞈ-euˬ yaw shehꞈ yaw kʼaˆ-ehˇ bi bya-awˬ.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Yoˇhaˬ 15:8

Naw maꞈ aˇ siˬ siˬ dui dui le gaˇ haw-awˇ, ngaˬ Da-euˬ yaw shehꞈ kʼahˬ sehˇ-ahˇ aˬ cawˬ ya mawˇ tehꞈ-a. Kʼoeˇ ngeh jawˇ, naw maꞈ ngaˬ-euˬ zaˬ lahˇ pyeuꞈ laˇ-euˬ meh lehˇ ehˇ nya meh.

Gʼaˬkʼehˇ 16:25

Sehˇ gʼahˇ ceh laˇ ngeh, Pawˇluˆ hawˇ-eu Siˬlaˆ aˬ nyaꞈ guiˬ lahˬ shaˇ shaˇ-ehˇ Miˬyehˇ-ahˇ ja ceuˬ-eu caˇ dawˬ caˇ luꞈ-awˇ, tawˬ-ahˇ uˇ-eu tsawˇ haˬ deuˬ naˇ haˬ luꞈ-eu meh.

Yaˬkoˆ 5:13

Naw maꞈ laꞈ kʼoeˇ, tsawˇ haˬ ti gʼaˬ na shaˬ dui zahˬ dui dui-eu jeˬ-ahˇ ya daˬ luꞈ ta loˇ. Aˬ yawꞈ guiˬ lahˬ shaˇ-eu tsaˬ meh. Tiˬ gʼaˬ na laˬ kʼaˬ cehˇ luꞈ ta loˇ. Aˬ yawꞈ Miˬyehˇ-ahˇ ja ceuˬ-awˇ caˇ-eu tsaˬ meh.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ

1 Beˬtuˆluˆ 4:14

Naw maꞈ Ka li-euˬ mehˬ nah caw teh-eu baˬ da neh aˬ cawˬ naw maꞈ-ahˇ ja bu ja doeˇ naˇ, naw maꞈ guiˬ lahˬ huiˬ-eu meh. Aˬ cawˬ kʼoeˇ loꞈ-ehˇ ehˇ laˇ-eu kʼoeˇ-aˬ, Miˬyehˇ-euˬ Yaw sahˇ pyeuꞈ-eu yaw shehꞈ kʼahˬ sehˇ huiˬ-eu Yaw sahˇ Miˬyehˇ naw maꞈ kʼoeˇ taˆ jawˇ luꞈ-eu saˇ kiˇ meh.

Yaˇ kʼaˬ daˇ 15:19

Kʼoeˇ ngeh, Leˬhiˇ meuˬ miˇ tsaˬ-ahˇ Miˬyehˇ maˇ byoe bi dahˇ laˇ-awˇ, kʼoeˇ gaˇ neh iˇ cuꞈ bi doˆ laˇ-euˬ meh. Iˇ cuꞈ kʼoeˇ Saˬsoˬ dawˇ-awˇ, gʼaˬ paˇ kʼoꞈ laˇ-euˬ meh. Kʼoeˇ miˇ neh, iˇ cuꞈ iˇ beuˆ kʼoeˇ beuˆ-ahˇ, Haˬkawˇleˬ lehˇ kuˇ-euˬ meh. Iˇ cuꞈ iˇ beuˆ kʼoeˇ beuˆ iˬ nah keuˆ ni kʼoeˇ gaˇ jaˆ-eu meh.