Jaceuq 50:13 - Akha

¹³ Ngaˇ mawˇ neˇ shaˬ jiˇ dzaˬ ta loˇ. Ciꞈ myehꞈ-euˬ shiˬ ngaˇ dawˇ ta loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ngar, mawrner-euq shaqjir dzaq taef-a lor? Maqngeur nar-aq, ngar cifmyaef-euq shiq dawr taef-a laq?

Jaceuq 50:13 Iomraidhean Croise

Jaceuq 69:31

Jeˬ zaˬ lawˇ nehˬ-eu naˆ maˬ tseˇ kʼoeˇ loꞈ-ehˇ jahˇ gaˇ, Sahˬpaˬ Miˬyehˇ nui kʼahˇ shiˇ dzehˬ tehꞈ-a. Huiˬ loˆ laˇ-euˬ mawˇ neˇ mawˇ gaw lawˇ nehˬ-eu naˆ maˬ tseˇ nui kʼahˇ shiˇ dzehˬ tehꞈ-a.

Jaceuq 69:32

Aˬ cawˬ nawˬ dzaˬ kʼaˆ dzaˬ-eu uˬ moˆ ya jawˇ-eu tsawˇ haˬ deuˬ, kʼoeˇ gaˇ ya mawˇ ngeh nui kʼahˇ shiˇ tehꞈ-a. Miˬyehˇ-ahˇ uˬ duˬ tahˬ-eu tsawˇ haˬ deuˬ, nui ma shiˬ keuˇ ni pyeuꞈ laˇ tehꞈ-a.

Uˬ duˬ 7:12

Tsawˇ haˬ tiˬ gʼaˬ na, lawˇ-eu jeˬ heu jeˬ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-eu lawˇ-eu jeˬ lawˇ naˇ, jeˬ zaˬ hawˇ-eu dehˬ tseˬ maˬ keuˬ-eu kaˬ muˇ tiˬ kawˆ loꞈ-ehˇ ya lawˇ meh. Cehˇ meu hawˇ-eu saˬ loˬ tsiˇ keuˬ-awˇ jahˇ-euˬ tuˇ jawˬ ni gʼeh-eu kaˬ muˇ maˬ ehˇ, saˬ loˬ tsiˇ lehꞈ-euˬ kaˬ muˇ aˇ yaˆ yaˆ zaˬ deuˬ maˬ ehˇ, cehˇ meu hawˇ-eu saˬ loˬ tsiˇ keuˬ-awˇ jahˇ taˬ-euˬ kaˬ muˇ aˇ kʼoˇ deuˬ maˬ ehˇ, tiˬ jeˬ paˬ ya lawˇ meh.

Yoˇhaˬ 4:24

Miˬyehˇ-aˬ, Yaw sahˇ meh. Aˬ yawꞈ-euˬ Yaw sahˇ-euˬ baoˬ baˬ da neh tehꞈ-ehˇ, aˬ yawꞈ-ahˇ siˬ duˬ-awˇ uˬ duˬ tahˬ nya-eu meh.”

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Dawˬmehˬ 32:38

‘Muiˬ-eu lawˇ dzaˇ tsiˇ byuˬ lawˇ-awˇ, aˬ gaꞈ dzaˇ uiˇ lawˇ nehˬ-euˬ-aˬ, nymˬ-mˇ cehˆ coeˬ bi coeˬ leꞈ-awˇ, naw maꞈ-ahˇ bi ka kʼoꞈ-awˬ tawˇ.

Dawˬmehˬ 33:19

Aˬ nyaꞈ nmˇ-euˬ gawˬ jawˬ kʼoeˇ taˆ, aˬ cawˬ tsawˇ jeuˬ deuˬ kuˇ daˆ-awˇ, yaw tsaˬ yaw dawˇ jeˬ lawˇ luꞈ-uˇ. Iˬ ma laˆ shaˆ gʼahˇ ceh hawˇ-eu, laˆ shaˆ lawˇ dzeˇ kʼaˇ shuiꞈ deh-ahˇ, yawꞈ maꞈ pyuˇ shuiˇ poˆ za-euˬ meh.”