Jaceuq 50:1 - Akha

¹ Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ-awˇ, mˬ dzeˇ miˇ dzeˇ keuˆ ni keuˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Miqyaer pyeuf-eu Ya’we Miqyaer, Baoq huiq-eu ghaq, Dawq ngaeq-awr, mirtsaq-euq khoertav nanrma dovlar-eu gar nae, Nanrma ga’anr-eu gar keuvni jawr-eu tsawrhaq-anr kurgaq-euq mae.

Jaceuq 50:1 Iomraidhean Croise

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

1 Sahˬpaˬ 18:21

Tsawˇ haˬ kʼoeˇ deuˬ jawˇ gaˇ Eˇliˇyaˆ le-awˇ, “Naw maꞈ-euˬ nui ma laꞈ kʼoeˇ nyiˬ jeˬ noeˬ noeˬ-ehˇ aˇ myah keuˆ ni jawˇ-eu gʼeh te. Sahˬpaˬ Miˬyehˇ-aˬ, Miˬyehˇ pyeuꞈ-eu meh lehˇ ngeuˇ naˇ, aˬ yawꞈ-ahˇ uˬ duˬ tahˬ-awˬ. Ehˇ kʼawꞈ, Baˬlaˇ miˬ yehˇ-aˬ, Miˬyehˇ pyeuꞈ-eu meh lehˇ ngeuˇ naˇ kʼawꞈ, aˬ yawꞈ-ahˇ uˬ duˬ tahˬ-awˬ” lehˇ ehˇ kʼawꞈ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ-a.

1 Laˬsaˬbaˬ 15:17

Caˇ dawˬ nya-eu aˇ jeuˬ deuˬ laꞈ kʼoeˇ, cehˇ lehˇ bi ciˆ-eu gʼaˇ duˬ, tsawˇ haˬ heu deuˬ-ahˇ aˬ yawꞈ maꞈ tseˇ doˆ-euˬ meh. Yawˇlaˆ-euˬ aˬ li Heˬmaˬ, aˬ yawꞈ-euˬ aˬ yuiꞈ aˬ nyiˇ pyeuꞈ-eu Beˬleˬkiˇ-euˬ aˬ li Aˬsaˆ, Kuˇshaˬyaˆ-euˬ aˬ li Eˇdaˬ aˬ ha maꞈ meh. Aˬ yawꞈ maꞈ-ahˇ bi caw ba-eu gʼaˇ duˬ, deuˇ-mˬ teˇ saˇ yaw gʼahˇ jeˬ diˬ-eu Leˬbiˇ tsawˇ haˬ deuˬ-ahˇ tseˇ doˆ-euˬ meh. Zaˬkaˬliˇ, Yaˬzeˬlaˇ, Sheˬmiˇlaˬmoˇ, Yeˬheˬlaˆ, Uˇniˬ, Eˇliˇbaˆ, Mawˇseˬyaˇ, Baˬnaˇyaˬ aˬ ha maꞈ-ahˇ tseˇ doˆ-euˬ meh. Deuˇ-mˬ teˇ saˇ yaw nahˬ jeˬ diˬ-eu gʼaˇ duˬ, aˬ yawꞈ maꞈ neh tseˇ doˆ-euˬ Leˬbiˇ tsawˇ haˬ deuˬ-aˬ, Maˬtiˇdiˇ, Eˇliˇpeˬleˬhuˇ, Miˇkaˬneˬyaˆ, Aˬzaˬziˇ aˬ ha maꞈ hawˇ-eu, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ meh.

1 Laˬsaˬbaˬ 16:37

Sahˬ paˬ Daˬbiˇ-aˬ, Aˬsaˆ hawˇ-eu aˬ yawꞈ-euˬ cawˬ Leˬbiˇ tsawˇ haˬ deuˬ-ahˇ, Dawˬ ma saˇ jaˇ Bahˬ keuˆ jaˆ-eu jawˇ duˬ-ahˇ uˬ duˬ tahˬ ngeh, aˬ myah luꞈ aˬ yuiꞈ geuꞈ-awˇ sheuˬ gʼeh-eu gaˇ biꞈ nehˬ-euˬ meh. Aˬ yawꞈ maꞈ yawˬ nah na luꞈ, kʼoeˇ gaˇ yawˬ ha-euˬ gaˇ ya mˇ-eu meh.

1 Laˬsaˬbaˬ 25:2

Aˬsaˆ-euˬ aˬ li oeˬ li pyeuꞈ-eu Zaˬkuˬlaˇ, Yoˇsehˆ, Neˬdaˬniˇ, Aˬsaˬheˬlaˇ aˬ ha mehˇ nmˇ-aˬ, Aˬsaˆ neh mehˬ nehˬ tsoˆ nehˬ-euˬ loꞈ-ehˇ gaˇ ya mˇ-awˇ, sahˬ paˬ kʼaˇ kʼehˇ laˇ ngeh, Miˬyehˇ-euˬ dawˬ aˬ cawˬ-ahˇ ya dzawˇ mehˬ nehˬ-euˬ meh.

1 Laˬsaˬbaˬ 25:6

Aˬ yawꞈ-euˬ aˬ li heu deuˬ dawˬ tawˆ luꞈ, aˬ da gʼaˬ neh mehˬ nehˬ tsoˆ nehˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, deuˇ-mˬ diˬ-awˇ cehˇ lehˇ ciˆ-euˬ meh. Kʼoeˇ naˇ, Aˬsaˆ, Yeˬduˇdoˬ, Heˬmaˬ aˬ ha smˇ gʼaˬ-aˬ, sahˬ paˬ neh kʼaˇ kʼehˇ-euˬ loꞈ-ehˇ ya mˇ-eu meh.

1 Laˬsaˬbaˬ 6:24

Taˬhaˇ, Uˇleˬlaˇ, Awˇziˇ, Shawˇlaˆ lehˇ meh.

2 Laˬsaˬbaˬ 29:30

Kʼoeˇ naˇ, sahˬ paˬ hawˇ-eu miˇ kʼahˬ-ahˇ aˬ yuiꞈ aˬ tsu geuꞈ-eu deuˬ, Leˬbiˇ tsawˇ haˬ deuˬ-ahˇ, “Daˬbiˇ hawˇ-eu Miˬyehˇ gʼaˇ duˬ ngehˬ dah-eu Aˬsaˆ neh boꞈ-euˬ, Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˬ” lehˇ ehˇ nehˬ-euˬ meh. Kʼoeˇ ngeh, tsawˇ haˬ yawˬ gʼaˬ na luꞈ laˬ kʼaˬ cehˇ taˆ ni caˇ dawˬ caˇ-eu laꞈ kʼoeˇ, pawˬ tsuiꞈ pawˬ dmˬ dmˬ-awˇ Miˬyehˇ-ahˇ uˬ duˬ tahˬ-euˬ meh.

Neˬhaˬmiˇ 9:32

Miˬyehˇ-oˇ, Nga maꞈ-euˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Aˇ naˆ ni guˆ laˇ paˬ-ehˇ gʼeh-awˇ, aˇ naˆ ni baoˬ huiˬ-eu nga. Nawˬ-euˬ dawˬ ma saˇ jaˇ-ahˇ nawˇ ziꞈ-eu meh. Aˬshuˇliˆ sahˬ paˬ deuˬ nga maꞈ-ahˇ kʼehˬ ngeh neh iˬ nah keuˆ ni, nga maꞈ aˇ naˆ ni ya shaˬ ya zahˬ-euˬ nga. Nga maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, Miˬyehˇ gʼaˇ duˬ ngehˬ dah-eu deuˬ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-euˬ tsawˇ haˬ dawˬ tawˆ luꞈ maˬ ehˇ, ya shaˬ ya zahˬ-euˬ ma. Nga maꞈ aˇ naˆ ni ya daˬ-euˬ gaˇ noeˬ keuˆ nehˬ laꞈ-awˬ.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Jaceuq 113:3

Nahˇ ma doˆ kʼehˬ ga kʼehˬ doe ni, Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ.

Jaceuq 73:1

Miˬyehˇ-aˬ, Iˇsaˬleˬlaˆ tsawˇ jeuˬ kʼoeˇ taˆ aˬ diˇ aˬ maˇ muiˬ-eu meh. Nui ma shawˇ jehˆ ni gʼeh-eu tsawˇ haˬ deuˬ kʼoeˇ taˆ muiˬ-eu meh.

Jaceuq 74:1

Miˬyehˇ-oˇ, aˬ jeˬ miˇ neh nga maꞈ-ahˇ heu loꞈ-ehˇ byehˇ dzeh nehˬ laꞈ te. Nawˬ-euˬ tsawˇ jeuˬ-ahˇ mˬ maˬ maˬ byaˆ zaˇ ziˇ nawˇ nui ma pehˇ-eu gʼeh te loˇ.

Jaceuq 75:1

Miˬyehˇ-oˇ, nawˬ-ahˇ nga maꞈ ja ceuˬ-eu ma. Nawˬ-euˬ guiˬ lahˬ-ahˇ ja ceuˬ-eu ma. Nawˇ huiˬ dui mahˇ dui dui-eu gaˇ kawˆ nga maꞈ ja-awˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ kawˆ deuˬ nga maꞈ ja gaˬ ma.

Jaceuq 76:1

Yuˇdaˆ miˇ kʼahˬ Miˬyehˇ-ahˇ siˬ nya-awˇ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ tsawˇ myahˇ huiˬ-eu meh.

Jaceuq 77:1

Miˬyehˇ-ahˇ ngaˇ yaw kʼaˆ-ehˇ kuˇ-euˬ ma. Ngaˇ guˇ-awˇ kuˇ ngeh, aˬ yawꞈ naˇ haˬ nehˬ laꞈ-euˬ meh.

Jaceuq 78:1

Ngaˬ-euˬ tsawˇ haˬ deuˬ-oˇ, ngaˇ mehˬ nehˬ tsoˆ nehˬ laꞈ gaˇ naˬ bawˇ ciˬ kʼmˇ-awˇ, ngaˇ ngehˬ-euˬ dawˬ-ahˇ yaw muiˬ paˬ-ehˇ naˇ haˬ-awˬ.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Jaceuq 81:1

Aˬ dui-ahˇ haw piˇ-eu Miˬyehˇ-ahˇ laˬ kʼaˬ cehˇ-awˇ guˇ-awˬ. Yaˬkoˆ-euˬ Miˬyehˇ-ahˇ caˇ-awˇ ja ceuˬ-awˬ.

Jaceuq 82:1

Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

Jaceuq 83:1

Miˬyehˇ-oˇ, ciˬ cuˇ ni taˬ jawˇ nehˬ laꞈ. Maˬ luˆ maˬ laˆ, maˬ ngehˬ maˬ tmˇ ni taˬ jawˇ nehˬ laꞈ.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 37:20

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ ya siˬ ni, Aˬshuˇliˆ tsawˇ jeuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ nehˬ laꞈ-awˬ.”

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 10:6

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ-aˬ, baoˬ huiˬ-eu meh. Nawˬ-euˬ tsawˇ myahˇ baoˬ yaw shehꞈ kʼahˬ sehˇ huiˬ-eu meh.

Aˬmoˆ 3:8

Aˇ laˬ jaˬ shiˇ joeˬ laˇ ngeh, aˬ suˇ gʼaˬ maˬ guˆ ni jawˇ tehˬ coeˇ ta. Baoˬ huiˬ-eu Sahˬpaˬ Miˬyehˇ dawˬ ngehˬ ngeh, aˬ yawꞈ-euˬ dawˬ maˬ tsaꞈ gaˬ-iˇ ni aˬ suˇ gʼaˬ jawˇ tehˬ coeˇ ta.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 25:32

Miˇ tsaˬ tsawˇ jeuˬ tsawˇ ca dawˬ tawˆ luꞈ aˬ yawꞈ-euˬ mehˬ shi uiˬ laˇ tehꞈ-a. Yawˇ bo-eu tsawˇ haˬ yawˇ hawˇ-eu ciꞈ myehꞈ biˇ paˆ-eu loꞈ-ehˇ, tsawˇ haˬ kʼoeˇ deuˬ-ahˇ aˬ yawꞈ nyiˬ muˇ biˇ paˆ tehꞈ-a.

Yawˇshuˆ 22:22

“Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Nga maꞈ aˬ jeˬ baˬ da neh heu loꞈ-ehˇ jahˇ-eu aˬ yawꞈ siˬ nya meh. Naw maꞈ-ahˇ kʼawꞈ gaˇ kawˆ heu bi siˬ mawꞈ-eu ma. Nga maꞈ Sahˬpaˬ Miˬyehˇ-ahˇ maˬ jah ni puiˬ-euˬ jeˬ ngeuˇ naˇ, nga maꞈ-ahˇ taˬ paˇ bi dehꞈ laꞈ.