Jaceuq 5:9 - Akha

⁹ Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, aqyawf maf-euq khaqmae-euq lafkhoer sarjax zif-eu jeq maqanr-aer, Aqyawf maf-euq lafkhoer-aq, lavcawv mawf-eu jeq taef-aer anr-eu mae. Aqyawf maf-euq kuqbyanq-aq, pantaq-euq lmqbymr-anr dur-awr, Aqyawf maf-euq maeqlar-aq, ja’muiq-eu janrgeuf-eu mae.

Jaceuq 5:9 Iomraidhean Croise

Eˇzaˬlaˬ 8:21

Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Jaceuq 27:11

SahˬpaˬMiˬyehˇnawˬ-euˬgaˇma, ngaˬ-ahˇnawˇtoeˬmehˬnehˬlaꞈ-awˬ. Muiˇ-eu tsawˇhaˬmyaˬ-eu miˇneh, gaˇsaˇlaw caw sheuˬgʼeh laꞈ-awˬ.

Jaceuq 51:6

Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.

Jaceuq 52:2

Aˬ cawˬ-ahˇ laˆ luˬ laˆ seˇ-eu gʼaˇ duˬ naw maꞈ shaˇ noeˬ-eu meh. Naw maꞈ-euˬ mehˬ laˇ mi cehˇ tawˆ zaˬ loꞈ-ehˇ taˆ-awˇ, jaˬ myawꞈ mehˇ shuiˇ tehꞈ-ehˇ naw maꞈ toˆ luꞈ-eu meh.

Jaceuq 62:4

Aˬ yawꞈ-euˬ myaˆ pyawˬ naˇ mehˇ-ahˇ naw maꞈ laˆ cawˆ-eu lehˇ gʼeh-eu meh. Jaˬ myawꞈ myawꞈ-eu jeˬ-ahˇ naw maꞈ laˬ kʼaˬ cehˇ-eu meh. Naw maꞈ-euˬ mehˬ boeˬ dawˬ ngehˬ gʼeh nehˬ luꞈ kʼawꞈ, nui ma laꞈ kʼoeˇ aˬ yawꞈ-ahˇ yaˬ kʼehˇ yaˬ luꞈ meh.

Jaceuq 62:9

Tsawˇ haˬ zaˬ dawˬ tawˆ luꞈ saꞈ kʼoeˬ loꞈ-ehˇ tehꞈ meh. Huiˬ zaˬ nyiˇ zaˬ dawˬ tawˆ luꞈ yawꞈ ngehꞈ meh. Aˬ yawꞈ maꞈ-ahˇ paˆ yawˬ neh saˆ haw ngeh tiˬ pawꞈ-iˬ maˬ kah-ehˇ, saꞈ kʼoeˬ naˆ maˬ tseˇ pyaˇ-eu meh.

Jaceuq 64:6

Aˬ yawꞈ maꞈ yaw haiˬ jeˬ bawˬ kʼoeˬ-awˇ, Tiˬ gʼaˬ-iˬ maˬ caw siˬ nya-aˇ lehˇ ehˇ-eu meh. Tsawˇ haˬ zaˬ-euˬ nui naꞈ-aˬ, zaꞈ taˬ-euˬ myawˬ-ahˇ duˇ-eu meh.

Jaceuq 69:19

Aˬ cawˬ ngaˬ-ahˇ ngehˬ doeˇ ehˇ doeˇ dui dui-awˇ, ngaˇ aˇ naˆ ni daˬ ya ga-eu nawˇ siˬ nya luꞈ meh. Ngaˬ-ahˇ muiˇ-eu deuˬ dawˬ tawˆ luꞈ-ahˇ nawˇ mawˇ luꞈmeh.

Dawqdaq 29:5

Yawˬ ha-euˬ cawˬ-ahˇ ja poeˬ nehˬ-eu tsawˇ haˬ-aˬ, yawˬ haˇ yawˬ ha lahˇ ju kʼmˇ gaˇ duˇ-eu meh.

Iˇsaˬyaˇ 26:7

Sahˬpaˬ Miˬyehˇ nawˇ tsawˇ muiˬ deuˬ gʼaˇ duˬ, gaˇ ma saˇ lehˆ ni shaˇ dahˇ-awˇ, juiˇ tsui ni laˆ saˆ nehˬ-eu meh.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Miˇkaˬ 6:12

Naw maꞈ-euˬ smˇ muiˬ smˇ baw deuˬ iˇ shaˬ zaˬ-ahˇ gahˇ dzaˬ-awˇ, naw maꞈ dawˬ tawˆ luꞈ jaˬ myawꞈ mehˇ shuiˇ tehꞈ meh.

Luˇkaꞈ 11:39

Kʼoeˇ ngeh, Sahˬpaˬ Yeˬsuˇ aˬ yawꞈ-ahˇ heu loꞈ-ehˇ ehˇ nehˬ-euˬ meh. “Naw maꞈ Paˬliˬsehˇ deuˬ-aˬ, naˬ bo hawˇ-eu kʼmˬ maˬ-ahˇ laꞈ nyiˇ paw joˆ shawˇ-eu meh. Ehˇ kʼawꞈ, naw maꞈ-euˬ laꞈ kʼoeˇ paw-aˬ, mehˇ juiˇ juiˇ-eu nui ma hawˇ-eu, yaw haiˬ jeˬ mˇ mawꞈ-eu nui noeˬ tiˬ byah ni ahˇ-eu meh.

Luˇkaꞈ 11:44

Naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, aˬ cawˬ maˬ siˬ nya-ehˇ nawˬ tehˬ nawˬ tehˬ-ehˇ cah luꞈ-eu lmˬ bymˇ-ahˇ duˇ-eu meh.”

Lormav 3:13

Kʼaˬ meh lmˬ bymˇ duˬ kʼahˬ pyeuꞈ-awˇ, mehˬ laˇ jaˬ myawꞈ mehˇ shuiˇ kʼmˇ-awˇ, mehˬ luˬ aˇ lawˇ doꞈ-ahˇ duˇ meh.

1 Teˇsaˬloˇni 2:5

Naw maꞈ-ahˇ nga maꞈ maˬ ja poeˬ-ehˇ, yawˬ ha gʼaˇ duˬ jiˇ jeuˬ doˆ laˇ ni maˬ ngehˬ maˬ tmˇ-euˬ gaˇ kawˆ naw maꞈ siˬ duˬ luꞈ meh. Miˬyehˇ-aˬ, nga maꞈ-euˬ saˇ kiˇ ma.