Jaceuq 5:7 - Akha

⁷ Ehˇkʼawꞈ huiˬdui myaˬdui dui-eu, nawˬ-euˬgʼoeˇ-eu gaˬ-eu baˬda, nawˬ-euˬnymˇ-ahˇngaˇlaˇnya-awˇ, Uˬduˬtahˬnymˇnymˇshawˇlaꞈkʼoeˇ, nawˬ-ahˇyaw zeu baw nehˬlaˇ-awˇ, awˆbyaˆ-awˇ uˬduˬtahˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, ngar-aq, myaq duidui-eu, nawq-euq ghawqshaq gaq-eu jeq-euq baqda’nae, Ngar, nawq-euq nymr-euq lafkhoer urlar ma. Ngar, nawq-anr guv-eu lafkhoer, nawq-euq shawr-eu uqduq tanqnymr nymrma-euq maeqshi, awbyav-awr uqduqtanq ma.

Jaceuq 5:7 Iomraidhean Croise

1 Sahˬpaˬ 8:35

“Nawˬ-euˬ tsawˇ haˬ deuˬ nawˬ-ahˇ mˇ lehˬ-euˬ miˇ neh, nawˇ uˬ yehˇ maˬ bi yehˇ le-ehˇ byehˇ ngeh, aˬ yawꞈ maꞈ nui ma paˇ laˇ-awˇ, Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ, nui ma nahˬ yu ni taˬ-eu laꞈ kʼoeˇ iˬ baˇ pyehˬ nehˬ laꞈ lehˇ shaˇ ngeh,

1 Sahˬpaˬ 8:38

aˬ yawꞈ maꞈ-euˬ guiˬ lahˬ shaˇ dawˬ-ahˇ naˇ haˬ nehˬ-awˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ tiˬ gʼaˬ na noeˬ shaˬ noeˬ zahˬ dui dui-eu laꞈ kʼoeˇ, Uˬ duˬ tahˬ nymˇ nymˇ ma heu nymˇ jaˆ-eu paw aˬ laꞈ cawˬ ja-awˇ guiˬ lahˬ shaˇ ngeh,

Jaceuq 101:7

Jaˬ myawꞈ myawꞈ-eu deuˬ-ahˇ ngaˬ-euˬ nymˇ nymˇ ma laꞈ kʼoeˇ maˬ bi jawˇ-ehˇ, mehˇ shuiˇ shuiˇ-eu tsawˇ haˬ deuˬ-ahˇ ngaˬ-euˬ mehˬ shi maˬ taˬ.

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Jaceuq 132:7

“Sahˬpaˬ Miˬyehˇ-euˬ nymˇ-ahˇ aˬ dui le kaˇ-euˇ. Aˬ yawꞈ-euˬ nuiˇ mahˬ mehˬ shi uˬ duˬ tahˬ leˇ kaˇ-euˇ” lehˇ aˬ dui ehˇ-euˬ ma.

Jaceuq 138:2

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu nawˬ-euˬ saˇ jaˇ ziꞈ-eu jeˬ baˬ da neh, nawˬ-euˬ tsawˇ myahˇ hawˇ-eu nawˬ-eu zahˇ dawˬ kʼoꞈ dawˬ deuˬ dawˬ tawˆ luꞈ kʼoeˇ taˆ huiˬ-eu nawˇ bi siˬ laꞈ-euˬ baˬ da neh, nawˬ-euˬ Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ awˆ byaˆ-eu laꞈ kʼoeˇ, nawˬ-euˬ tsawˇ myahˇ-ahˇ ja ceuˬ-eu ma.

Jaceuq 28:2

Caw ba nehˬlaꞈlehˇngaˇguˇ-awˇ, nawˬ-euˬ muiˬ-eu shawˇ-eu nymˇpaw, aˬlaꞈ cawˬ ja-awˇngaˇshaˇngeh, ngaˬ-euˬshaˇdawˬnaˇhaˬnehˬlaꞈ.

Jaceuq 34:17

Tsawˇmuiˬdeuˬguˇ-eu teˇsaˇ-ahˇ, SahˬpaˬMiˬyehˇnaˇhaˬnehˬ-awˇ, shaˬzahˬdzeuˇni ka kʼoꞈ-eu meh.

Jaceuq 51:1

Miˬyehˇ-oˇ, aˬ myah luꞈ maˬ tsehˆ leˇ ni gaˬ-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-ahˇ gʼawˬ shaˬ gaˬ nehˬ laꞈ-awˬ. Huiˬ dui dui-eu gʼawˬ shaˬ gaˬ nya-eu jeˬ baˬ da neh, ngaˬ-euˬ iˬ baˇ tsiˬ shawˇ nehˬ laꞈ-awˬ.

Jaceuq 52:8

Ehˇ kʼawꞈ ngaˇ-aˬ, Miˬyehˇ-euˬ nymˇ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ, mˬ maˬ maˬ byaˆ zaˇ ziˇ gʼoe-eu ma.

Jaceuq 55:16

Ehˇ kʼawꞈ, Sahˬpaˬ Miˬyehˇ pyeuꞈ-eu Miˬyehˇ-ahˇ, caw ba le-awˬ lehˇ ngaˇ shaˇ ngeh, aˬ yawꞈ ngaˬ-ahˇ ka kʼoꞈ le tehꞈ-a.

Jaceuq 69:13

Ehˇ kʼawꞈ, Sahˬpaˬ Miˬyehˇ-oˇ, ngaˇ nawˬ-ahˇ guiˬ lahˬ shaˇ-eu ma. Miˬyehˇ-oˇ, nawˇ naˇ haˬ mawꞈ-eu aˇ yamˬ-ahˇ, ngaˬ-euˬ shaˇ dawˬ naˇ haˬ nehˬ laꞈ-awˬ. Nawˇ-aˬ, gʼoeˇ-eu gaˬ-eu jeˬ huiˬ dui dui-awˇ, ka kʼoꞈ-eu gʼaˇ duˬ dzaˬ taˬ-euˬ nawˬ-euˬ dawˬ ma saˇ jaˇ-ahˇ nawˇ ziꞈ-eu miˇ neh, ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ.

Jaceuq 69:16

Sahˬpaˬ Miˬyehˇ-oˇ, maˬ tsehˆ leˇ nya-eu muiˬ dui dui-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Huiˬ dui dui-eu nawˬ-euˬ gʼawˬ shaˬ gaˬ-eu jeˬ baˬ da neh, ngaˬ-ahˇ haw cawˬ nehˬ laꞈ.

Dawqdaq 6:16

Sahˬpaˬ Miˬyehˇ bye-eu koꞈ jeˬ jaˆ-awˇ, aˬ yawꞈ nui daˆ daˆ-eu shiꞈ jeˬ jaˆ meh.

Dawqdaq 6:17

Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 64:11

Nga maꞈ-euˬ aˬ poeˬ aˬ bawˇ deuˬ nawˬ-ahˇ ja ceuˬ-euˬ jawˇ duˬ, muiˬ-eu shawˇ-eu Uˬ duˬ tahˬ nymˇ nymˇ ma kʼoeˇ nymˇ, miˬ dzaˬ neh bi puiˆ byoˆ-euˬ meh. Nga maꞈ nui ma saˇ-eu jawˇ duˬ dawˬ tawˆ, luˬ-iˇ seˇ-iˇ jiˇ taˬ-euˬ meh.

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”