Jaceuq 5:10 - Akha

¹⁰ Miˬyehˇ-oˇ nawˇaˬyawꞈmaꞈ-ahˇ, yaw kʼaˆ-ehˇ kʼehˬnehˬkʼaˆnehˬ-awˬ. Aˬyawꞈmaꞈ-euˬnui gʼoꞈkʼoeˇneh, aˬyawꞈmaꞈ-ahˇ bi laˆcawˆ-awˬ. Aˬ yawꞈ maꞈ iˬ baˇ mˇ myaˬ-awˇ, nawˬ-ahˇpuiˬ-euˬ kʼoeˇbaˬda neh, nawˬ-euˬmehˬshi teh dzeh nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Miqyaer-or! Aqyawf maf-anr yawlaeq ngar-a laer yarkhaq dartsaev naeq-awr, Aqyawf maf-anr yawqha-euq maeqbawq-euq baqda’nae bicoq-ir-awq. Aqyawf maf-euq yawbanq yawlaeq myaq duidui-eu mirnae, aqyawf maf-anr taedzae naeq-awq. Aqjeq mirnae aernar-aq, aqyawfmaf, nawq-anr puiq-awr muir-euq mae.

Jaceuq 5:10 Iomraidhean Croise

2 Saˬmeuˬlaˆ 15:31

Aˬhiˇtawˇpeˬlaˆ gʼaˬ kʼawꞈ, aˬ yawꞈ-ahˇ puiˬ-awˇ Aˬbaˇsaˬloˬ nehˬ-ehˇ gm leˇ-euˬ gaˇ kawˆ Daˬbiˇ-ahˇ aˬ cawˬ ehˇ nehˬ ngeh, “Sahˬpaˬ Miˬyehˇ-oˇ, Aˬhiˇtawˇpeˬlaˆ neh biꞈ-euˬ nui noeˬ nui duˇ deuˬ gaˇ dahˇ maˬ bi tsoeˬ ni, yawꞈ ngehꞈ-ehˇ bi pyeuꞈ-iˇ jiˇ-awˬ” lehˇ, aˬ yawꞈ guiˬ lahˬ shaˇ-euˬ meh.

2 Saˬmeuˬlaˆ 17:14

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Jaceuq 10:15

Haiˬ-eu laꞈdu ngawˬkʼehꞈnehˬ-awˇ, yaw haiˬmaˬmˇnya gaˇkeuˆni, haiˬ-eu deuˬ-ahˇnawˇkʼehˬnehˬ-awˬ.

Jaceuq 107:11

Baoˬ huiˬ-eu Miˬyehˇ-euˬ dawˬ-ahˇ aˬ yawꞈ maꞈ puiˬ-awˇ, aˬ yawꞈ mehˬ nehˬ tsoˆ nehˬ gaˇ maˬ naˇ haˬ-eu miˇ neh, kʼoeˇ loꞈ-ehˇ ya daˬ-eu meh.

Jaceuq 17:13

Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

Jaceuq 31:18

Nui ma huiˬ-awˇkʼahˬsehˇjehˆ-ehˇ, yaw tsaˬyaw dawˇdeuˬ-ahˇbu-eu, jaˬmyawꞈmyawꞈ-eu mehˬluˬkʼoeˇdeuˬ, dawˬmaˬngehˬnya ni pyeuꞈluꞈ-uˇ.

Jaceuq 35:26

Ngaˇshaˬgaˇlaˬkʼaˬcehˇ-eu deuˬ, daˬga-awˇshaˬzahˬnaꞈluꞈ-uˇ. Ngaˬ-ahˇjahˇgʼeh haw-eu kʼoeˇdeuˬ, shaꞈdawˇ-eu jeˬ ya dm luꞈ-uˇ.

Jaceuq 55:15

Ngaˬ-ahˇ muiˇ-eu deuˬ aˇ yamˬ maˬ keuˆ laˇ mi naˆ-ehˇ shiˇ luꞈ-uˇ. Shiˇ-eu miˇ kʼahˬ-ahˇ yaw dehꞈ-ehˇ iˇ byoˆ gʼeh luꞈ-uˇ. Aˬ yawꞈ maꞈ-euˬ nui ma hawˇ-eu nymˇ jiˇ laꞈ kʼoeˇ, yaw haiˬ jeˬ byah luꞈ-eu meh.

Jaceuq 66:7

Aˬ yawꞈ-euˬ baoˬ-ahˇ gʼoe-awˇ mˬ maˬ maˬ byaˆ zaˇ ziˇ uˆ lahˇ-eu laꞈ kʼoeˇ, tsawˇ jeuˬ dawˬ tawˆ luꞈ-ahˇ myaˆ nuiˆ haw luꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ bi puiˬ-a.

Jaceuq 71:13

Ngaˬ-ahˇ laˆ coeˬ laˆ ciˆ le-eu tsawˇ haˬ deuˬ, laˆ luˬ laˆ seˇ nehˬ gaˇ ya daˬ luꞈ-uˇ. Ngaˬ-ahˇ laˆ tahˬ laˆ naˇ mawꞈ-eu deuˬ kʼoeˇ taˆ, shaꞈ dawˇ-eu jeˬ hawˇ-eu nui ma cawˆ-eu jeˬ keuˆ le luꞈ-uˇ.

Jaceuq 79:12

Sahˬpaˬ Miˬyehˇ-oˇ, aˬ cawˬ tsawˇ jeuˬ kʼoeˇ deuˬ nawˬ-ahˇ yehˬ bawˬ sehˇ lu-ehˇ gʼeh-euˬ miˇ neh, shiꞈ poˆ keuˆ ni aˬ yawꞈ maꞈ-ahˇ paˇ jahˇ kʼoꞈ nehˬ-awˬ.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 1:20

Ehˇ kʼawꞈ, ehˇ dawˬ maˬ naˇ haˬ ni puiˬ naˇ, mi cehˇ neh bi dzaˬ byoˆ tehꞈ-a lehˇ, Sahˬpaˬ Miˬyehˇ-euˬ kʼaˬ meh dawˬ ngehˬ-eu ma.”

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Ngoeˇ dawˬ 1:5

Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

1 Saˬmeuˬlaˆ 25:29

Tsawˇ haˬ tiˬ gʼaˬ na nawˬ-ahˇ guiˇ deuˆ le-awˇ, nawˬ-ahˇ sehꞈ-eu lehˇ leh jeh ngeh, aˇ poeˬ kʼaˆ-eu pyuˇ shuiˇ myawˬ gahˬ-ahˇ aˬ cawˬ haw piˇ-eu loꞈ-ehˇ, Sahˬpaˬ Miˬyehˇ nawˬ-ahˇ haw piˇ nehˬ laꞈ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kʼawꞈ, caˬ oeˬ neh bi beuˆ byoˆ gʼeh-euˬ caˬ oeˬ miˬ siˬ loꞈ-ehˇ, Sahˬpaˬ Miˬyehˇ neh bi beuˆ byoˆ tehꞈ-a.

1 Saˬmeuˬlaˆ 25:39

Naˬbaˬlaˇ shiˇ-euˬ gaˇ kawˆ Daˬbiˇ ya gaˬ ngeh, heu loꞈ-ehˇ ehˇ-eu meh. “Yaw lehˬ jeˬ maˬ ya mˇ ni ngaˬ-ahˇ ha lahˇ nehˬ laꞈ-awˇ, ngaˬ-ahˇ yehˬ bawˬ sehˇ lu-ehˇ ehˇ-eu Naˬbaˬlaˇ-ahˇ Sahˬpaˬ Miˬyehˇ laꞈ poˆ poˆ kʼoꞈ nehˬ-euˬ miˇ neh, Sahˬpaˬ Miˬyehˇ-ahˇ ngaˇ ja ceuˬ-eu ma. Naˬbaˬlaˇ yaw haiˬ jeˬ mˇ-euˬ miˇ neh, Sahˬpaˬ Miˬyehˇ neh aˬ yawꞈ-ahˇ kʼehˬ nehˬ kʼaˆ nehˬ-euˬ meh.” Kʼoeˇ naˇ, “Ngaˬ-ahˇ mˇ dzaˬ laˇ ma loˇ” lehˇ, Daˬbiˇ neh Aˬbiˇgeˬlaˆ-ahˇ bi naˇ haˬ-iˇ-euˬ meh.