Jaceuq 48:3 - Akha

³ Meuˬ laꞈ kʼoeˇ ziꞈ dah ni jaˆ-euˬ aˬ yawꞈ-euˬ nymˇ laꞈ kʼoeˇ, guˆ-eu gaˆ-eu jeˬ-ahˇ dzeuˇ-eu gaˇ kawˆ, Miˬyehˇ bi siˬ bi mawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Miqyaer-aq, meuq-euq lafkhoer jav-eu sanqpaq-euq nymr-anr jawrluf-awr; Aqyawf-aq, meuq heumeuq-euq caevzafduq-a laer bi siqtaq-euq mae.

Jaceuq 48:3 Iomraidhean Croise

2 Saˬmeuˬlaˆ 5:7

Ehˇ kʼawꞈ, ziꞈ dah ni tsoˆ taˬ-euˬ Ziˇoˬ taˆ-ahˇ Daˬbiˇ neh deuˆ gʼaˬ-awˇ, jawˇ duˬ kʼoeˇ tsahˇ Daˬbiˇ-euˬ meuˬ lehˇ tsawˇ myahˇ doˆ-euˬ meh.

2 Laˬsaˬbaˬ 12:7

Tsawˇ haˬ kʼoeˇ deuˬ yawˬ ha-euˬ iˬ baˇ-ahˇ yawˬ ha noeˬ siˬ-euˬ gaˇ Sahˬpaˬ Miˬyehˇ ya mawˇ ngeh, Sheˬmaˇyaˬ-ahˇ heu loꞈ-ehˇ paˇ ehˇ nehˬ-euˬ meh. “Aˬ yawꞈ maꞈ-euˬ iˬ baˇ-ahˇ aˬ yawꞈ maꞈ noeˬ siˬ gʼaˬ-euˬ miˇ neh, aˬ yawꞈ maꞈ-ahˇ ngaˇ maˬ paˇ laˆ cawˆ nehˬ ma. Ehˇ kʼawꞈ, Shiˇshehˆ aˬ yawꞈ maꞈ-ahˇ deuˆ laˇ ngeh, aˬ yawꞈ maꞈ shaˬ maˬ ciꞈ-ehˇ ya buˬ-iˇ tehꞈ-a. Yeˬluˇsaˬlehˬ meuˬ-aˬ, ngaˇ nui ma pehˇ-eu jeˬ-ahˇ tiˬ byah tiˬ loꞈ maˬ ya daˬ-aˇ.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 135:21

Ziˇoˬ gawˬ jawˬ kʼoeˇ taˆ aˬ yawꞈ-ahˇ ja ceuˬ-awˬ. Aˬ yawꞈ-euˬ nymˇ pyeuꞈ-eu Yeˬluˇsaˬlehˬ meuˬ laꞈ kʼoeˇ, aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Dawˬ caˇ 6:4

Ngaˬ-euˬ zaˬ kʼaˬ-oˇ, nawˇ-aˬ Yeˬluˇsaˬlehˬ meuˬ loꞈ-ehˇ aˇ gʼehˇ muiˬ-awˇ, Teuˇzaˬ meuˬ loꞈ-ehˇ mawꞈ leˇ paˬ-ehˇ gʼeh-eu uˬ taꞈ, paˇ loˬ paˇ lehˇ baꞈ-awˇ cah-eu guiˇ guiˇ maꞈ loꞈ-ehˇ, maˬ haw dehˆ coeˇ ni gʼeh-eu meh.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.