Jaceuq 47:5 - Akha

⁵ Miˬyehˇ aˬ yawꞈ-euˬ nuiˇ mahˬ-ahˇ gʼoꞈ daˆ leˇ-eu meh. Sahˬpaˬ Miˬyehˇ gʼoꞈ daˆ leˇ-eu nehˬ-ehˇ, laˬ kʼaˬ cehˇ-awˇ guˇ-eu teˇ saˇ hawˇ-eu, daˇ heh baw-eu teˇ saˇ mahˇ laˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Miqyaer, gur-eu tersar naeq-aer davler-awr, Ya’we Miqyaer, darhae baw-eu tersar naeq-aer davler-eu mae.

Jaceuq 47:5 Iomraidhean Croise

2 Saˬmeuˬlaˆ 6:15

Kʼoeˇ loꞈ-ehˇ, Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ, daˇ heh baw-awˇ guˇ guˇ-ehˇ, Dawˬ ma saˇ jaˇBahˬ keuˆ kʼoeˇ Yeˬluˇsaˬlehˬ meuˬ-ahˇ baꞈ gʼeh-euˬ meh.

1 Laˬsaˬbaˬ 15:28

Iˇsaˬleˬlaˆ tsawˇ haˬ dawˬ tawˆ luꞈ, daˇ heh baw, coiˇ doi baw, cehˇ lehˇ ciˆ-awˇ deuˇ-mˬ diˬ-euˬ laꞈ kʼoeˇ, laˬ kʼaˬ cehˇ-awˇ guˇ guˇ-ehˇ, Dawˬ ma saˇ jaˇ Bahˬ keuˆ mehˬ nah caw teh-euˬ meh.

1 Laˬsaˬbaˬ 16:42

Heˬmaˬ hawˇ-eu Yeˬduˇdoˬ aˬ nyaꞈ-aˬ, ja ceuˬ-eu caˇ dawˬ caˇ gaˇ zmˬ-eu keu ka deuˬ pyeuꞈ-eu, daˇ heh, cehˇ lehˇ hawˇ-eu, keu ka nui deuˬ-ahˇ ya haw ya pyaˆ-eu meh. Yeˬduˇdoˬ-euˬ aˇ jeuˬ aˇ ca deuˬ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

Jaceuq 150:3

Daˇ heh baw-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, laˬ jeˬ baw-awˇ ja ceuˬ-awˬ.

Jaceuq 68:33

Aˇ hu ba neh mˬ kʼoeˇ taˆ cah luꞈ-eu gʼaˬ-ahˇ, ja ceuˬ-eu caˇ dawˬ caˇ-awˬ. Mˬ jeˬ jeˬ gaˇ duˇ-eu aˬ yawꞈ-euˬ teˇ saˇ-ahˇ, yawˬ gʼaˬ na luꞈ naˇ haˬ geuꞈ-awˬ.

Jaceuq 78:65

Aˇ saˬ saˬ laˇ ngeh uˬ noeˬ beuˇ laˇ-euˬ loꞈ-ehˇ Miˬyehˇ luˆ laˇ-awˇ, aˬ gaꞈ dzaˇ uiˇ dawˇ beuˇ-euˬ gʼaˬ kʼaˆ dui dui-eu tsawˇ haˬ loꞈ-ehˇ tuˇ laˇ-euˬ meh.

Jaceuq 81:3

La shuiꞈ tsehˬ ngeh hawˇ-eu la loˆ loˆ ngeh, daˇ heh baw-awˇ bawˬ-iˬ gʼeh-awˬ.

Jaceuq 98:6

Daˇ heh hawˇ-eu coiˇ doi baw-eu laꞈ kʼoeˇ, aˬ dui-euˬ sahˬ paˬ pyeuꞈ-eu Sahˬpaˬ Miˬyehˇ-ahˇ, laˬ kʼaˬ tiˬ cehˇ guˇ-awˇ ja ceuˬ-awˬ.

Yeˬsaˬgeˬlaˇ 20:6

Kʼoeˇ ngeh jawˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-awˇ, aˬ yawꞈ maꞈ gʼaˇ duˬ ngaˬ neh tseˇ doˆ taˬ-euˬ miˇ kʼahˬ-ahˇ sheuˬ gʼeh nehˬ ma lehˇ, ngaˇ saˇ jaˇ dzaˬ-euˬ ma. Miˇ kʼahˬ kʼoeˇ kʼahˬ-aˬ, miˇ tsaˬ miˇ muiˬ muiˬ dui dui-awˇ, baw le za le-eu miˇ kʼahˬ pyeuꞈ-eu miˇ neh, miˇ kʼahˬ dawˬ tawˆ luꞈ naˆ maˬ tseˇ muiˬ dzehˬ-eu meh.

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Maˬlaˬkiˇ 2:3

Naw maꞈ-euˬ zaˬ deuˬ-ahˇ ngaˇ yaˬ kʼehˇ yaˬ-awˇ, naw maꞈ neh lawˇ-euˬ shehˇ-euˬ jeˬ zaˬ deuˬ-euˬ keˬ neh, naw maꞈ-euˬ baˬ ba-ahˇ ngaˇ sawˆ lehꞈ nehˬ-awˇ, keˬ-euˬ gawˬ jawˬ-ahˇ bi sheuˬ gʼeh ma.

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

1 Gawˇliˬtu 15:52

Aˇ saˬ saˬ-eu daˇ heh teˇ saˇ mahˇ laˇ ngeh, tiˬ kʼehˇ laˇ kʼehˬ myaˆ nuiˆ kʼoˆ tehˆ tiˬ tehˆ laꞈ kʼoeˇ aˬ dui paˇ laˇ jiˇ tehꞈ-a. Aˬ jeˬ miˇ neh ehˇ naˇ, daˇ heh teˇ saˇ mahˇ laˇ ngeh, shiˇ-euˬ tsawˇ haˬ deuˬ-ahˇ tiˬ jawˇ-iˬ maˬ paˇ bi shiˇ-eu gʼaˇ duˬ bi gʼoꞈ dehꞈ laˇ-awˇ, aˬ dui dawˬ tawˆ luꞈ yaw shuiꞈ paˇ laˇ jiˇ tehꞈ-a.

1 Teˇsaˬloˇni 4:16

Miˬyehˇ guˇ-awˇ dawˬ biꞈ-eu teˇ saˇ maˬ ehˇ, mˬ taˆ gʼaˬ kʼehˇ yaw huiˬ gʼaˬ-euˬ teˇ saˇ maˬ ehˇ, Miˬyehˇ-euˬ daˇ heh teˇ saˇ maˬ ehˇ, ya gaˬ-awˇ, Sahˬpaˬ Yeˬsuˇ mˬ-ahˇ neh zaꞈ le tehꞈ-a. Kʼoeˇ ngeh, Ka li-ahˇ jah jah-ehˇ shiˇ-euˬ tsawˇ haˬ deuˬ aˬ hu gʼoꞈ dehꞈ laˇ tehꞈ-a.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Yawˇshuˆ 6:5

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”