Jaceuq 46:9 - Akha

⁹ Miˇ tsaˬ kʼoeˇ taˆ guiˇ kʼaˇ deuˆ gaˇ aˬ yawꞈ laˆ naˬ-eu meh. Kaˆ hawˇ-eu gahˬ-ahˇ aˬ yawꞈ ngawˬ kʼehꞈ ngawˬ kʼoeˆ-awˇ, dehˬ daˬ duˬ-ahˇ miˬ dzaˬ dzah dzeh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Miqyaer, mqdzer mirdzer-anr keuvni, guirdeuv deuv-eu lavnaq-awr; Aqyawf, kav ngawqkhaef-awr, ganq nyiq tsaev-aer deuvtsaev-euq uqtaf; Manq lavlawq, miqdzaq-anr dzanpuiv-euq mae.

Jaceuq 46:9 Iomraidhean Croise

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Iˇsaˬyaˇ 10:23

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ maꞈ-euˬ miˇ kʼahˬ doe ni luˬ-iˇ seˇ-iˇ-eu jeˬ bi keuˆ le-euˬ meh.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Iˇsaˬyaˇ 2:4

Miˇ kʼahˬ tsawˇ jeuˬ yaw kaˬ-ahˇ aˬ yawꞈ yaˇ kʼaˬ daˇ-awˇ, miˇ tsaˬ zaˬ-ahˇ aˬ yawꞈ laˆ tsaˬ laˆ tsahˇ nehˬ tehꞈ-a. Guiˇ deuˆ-eu mi cehˇ-ahˇ aˬ yawꞈ maꞈ nyoˬ tsehˬ tehˆ pyeuꞈ-awˇ, guiˇ deuˆ-eu gahˬ-ahˇ yehˬ kʼoꞈ tehˆ pyeuꞈ tehꞈ-a. Tsawˇ jeuˬ tiˬ jeuˬ tiˇ jeuˬ guiˇ maˬ paˇ deuˆ-ehˇ, guiˇ deuˆ-eu gaˇ kawˆ maˬ mehˬ maˬ sawˇ ni byehˇ tehꞈ-a.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Yeˬsaˬgeˬlaˇ 39:3

Aˬ yawꞈ-euˬ aˇ caˇ laꞈ-ahˇ tuˆ tehˬ luꞈ-eu kaˆ ngaˇ deh dzeh-awˇ, aˇ maˇ laꞈ-ahˇ tuˆ tehꞈ taˬ-euˬ kaˆ myaˬ deuˬ ngaˇ tehˆ dzeh jiˇ ma.

Miˇkaˬ 5:10

Sahˬpaˬ Miˬyehˇ ehˇ-eu, “Aˇ yamˬ kʼoeˇ yamˬ keuˆ le ngeh, naw maꞈ-euˬ mahˬ deuˬ-ahˇ ngaˇ tsahˇ byoˆ gʼeh-awˇ, mahˬ laˆ lawˬ deuˬ-ahˇ ngaˇ laˆ cawˆ jiˇ ma.

Yawˇshuˆ 11:6

Yawˇshuˆ-ahˇ Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ taˬ guˆ. Ni shawˬ nah heu yamˬ-ahˇ, Iˇsaˬleˬlaˆ tsawˇ jeuˬ gʼaˇ duˬ, aˬ yawꞈ maꞈ dawˬ tawˆ luꞈ-ahˇ ngaˇ sehꞈ ma. Naw maꞈ aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ ya keuˬ dzeh meh.”

Yawˇshuˆ 11:9

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ kʼoeˇ deuˬ-ahˇ Yawˇshuˆ jahˇ nehˬ-euˬ meh. Aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ keuˬ puiˆ dzeh-euˬ meh.

1 Saˬmeuˬlaˆ 2:4

Gʼaˬ kʼaˆ-eu yehˇ deuˬ-euˬ kaˆ poˆ, kʼehꞈ-iˇ kʼoeˆ-iˇ jiˇ gaˇ keuˆ-awˇ, gʼaˬ baˬ-euˬ deuˬ gʼaˬ kʼaˆ laˇ meh.