Jaceuq 45:9 - Akha

⁹ Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Sanqpaq deuq-euq zaqmiq deuq khawf, taqhuiq taqmanr paq-aer ghae-eu zaqmiq aqbur deuq-euq lafkhoer jawr-awr; Nawq-euq armar paw-aq, sanqpaq-euq miqzaq, Opir meuq-euq shuir-euq myawqgur geuf-awr yawfluf-eu mae.

Jaceuq 45:9 Iomraidhean Croise

1 Sahˬpaˬ 10:11

(Awˇpiˇlaˆ miˇ kʼahˬ-ahˇ neh shuiˇ tawˬ kʼoꞈ laꞈ-euˬ Hiˇlamˬ-euˬ saˇ baoˬ aˇ maꞈ kʼoeˇ maꞈ-aˬ, Aˬlaˬgmˬ lehˇ kuˇ-eu miˬ shuˬ daˇ kawˬ tiˬ jeˬ hawˇ-eu, aˇ poeˬ kʼaˆ-eu kʼaˬ lo sehˇ deuˬ gʼawˬ mya ni tawˬ kʼoꞈ laꞈ-euˬ meh.

1 Sahˬpaˬ 2:19

Kʼoeˇ naˇ, Aˬdawˇniˇyaˆ-euˬ dah zaˇ sahˬ paˬ-ahˇ dawˬ ngehˬ cawˬ leˇ-eu lehˇ, Baˬsheˬba le-euˬ meh. Sahˬpaˬ tsawˬ tuˇ laˇ-awˇ, aˬ yawꞈ-euˬ aˬ ma-ahˇ ha-awˇ, aˬ yawꞈ aˬ ma-euˬ mehˬ shi awˆ byaˆ-eu laꞈ kʼoeˇ yaw zeu baw nehˬ-euˬ meh. Kʼoeˇ naˇ, dzoeˬ dzaˬ nuiˇ mahˬ-ahˇ aˬ yawꞈ paˇ nuiˇ-awˇ, nuiˇ mahˬ yawˬ hmˬ yawˬ paˇ bi baꞈ laꞈ-awˇ, aˬ yawꞈ aˬ ma-ahˇ aˬ yawꞈ-euˬ aˇ maˇ paw bi nuiˇ-euˬ meh.

1 Sahˬpaˬ 2:9

Aˬ yawꞈ-ahˇ nawˇ maˬ kʼehˬ nehˬ ni taˬ byehˇ. Aˬ joˆ-ehˇ ya jahˇ nehˬ-eu gaˇ kawˆ nawˇ siˬ nya meh. Aˬ yawꞈ shiˇ ni nawˇ ya jahˇ meh.”

1 Laˬsaˬbaˬ 1:23

Awˇpiˇlaˆ, Haˬbiˇlaˬ, Yawˇbehˆ heu deuˬ meh.

Yawˇbaˆ 22:24

Nawˬ-euˬ shuiˇ biˬ dzeh-awˬ. Muiˬ dui dui-eu nawˬ-euˬ shuiˇ deuˬ-ahˇ gui coˇ ni gʼeh-eu lawˇ baˬ dawˬ dah tahˬ dzeh-awˬ.

Jaceuq 45:13

Sahˬ paˬ-euˬ miˬ shuiꞈ gʼaˬ sahˬ paˬ-euˬ nymˇ-ahˇ jawˇ luꞈ meh. Aˬ yawꞈ aˇ naˆ ni muiˬ gaˇ haw sheˇ. Aˬ yawꞈ-euˬ pehˇ kʼahˬ pehˇ mahˇ shuiˇ neh zaꞈ taˬ-euˬ meh.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Dawqdaq 7:17

Muˇ laˬ, aˬ loˬ, siˬ naˬ moˬ tsiˇ yaw saw deuˬ, yuꞈ zaˇ kʼoeˇ taˆ byaˆ shehˬ taˬ-euˬ ma.

Dawˬ caˇ 7:1

Sahˬ paˬ zaˬ miˬ-oˇ, sehˬ nawˆ nawˬ luꞈ-eu nawˬ-euˬ aˬ kuiˇ aˇ naˆ ni haw muiˬ-eu nga. Lah joˆ ni gʼeh-eu nawˬ-euˬ shaˬ pyaˬ-aˬ, nya dui dui-eu myawˬ guˇ tehˆ-eu gʼaˬ neh tehˆ-euˬ, aˇ poeˬ kʼaˆ-eu myawˬ guˇ loꞈ-ehˇ haw muiˬ-eu meh.

Iˇsaˬyaˇ 49:23

Sahˬ paˬ deuˬ nawˬ-euˬ gʼaˇ duˬ aˬ da-ahˇ duˇ-awˇ, sahˬ paˬ ma deuˬ aˬ ma-ahˇ duˇ tehꞈ-a. Aˬ yawꞈ maꞈ nawˬ-euˬ mehˬ shi awˆ byaˆ-awˇ, nawˬ-ahˇ taˬ huiˬ taˬ mahˇ tehꞈ-a. Aˬ yawꞈ maꞈ nui ma nahˬ yu ni taˬ-eu laꞈ kʼoeˇ, nawˬ-ahˇ yaw zeu baw nehˬ tehꞈ-a. Kʼoeˇ naˇ, ngaˇ Sahˬpaˬ Miˬyehˇ pyeuꞈ-eu nawˇ ya siˬ tehꞈ-a. Ngaˇ caw ba nehˬ laꞈ gaˇ dawˬ-eu tsawˇ haˬ, daˬ maˬ ya ga-eu nawˇ siˬ duˬ tehꞈ-a.”

Yoˇhaˬ 3:29

Smˇ miˇ iˇ-eu zaˬ miˬ-aˬ, miˬ zaˬ laˬ-eu zaˬ yo-ahˇ oꞈ-eu meh. Miˬ zaˬ sheuˬ-eu gʼaˬ-euˬ dawˬ peh yawꞈ caw nehˬ-awˇ naˇ haˬ luꞈ-eu aˬ yawꞈ-euˬ cawˬ kʼoeˇ gʼaˬ-aˬ, miˬ zaˬ sheuˬ-eu gʼaˬ-euˬ dawˬ-ahˇ ya gaˬ ngeh, laˬ kʼaˬ cehˇ-eu meh. Kʼoeˇ gaˇ duˇ ni, nymˬ-mˇ ngaˇ laˬ kʼaˬ cehˇ-eu jeˬ byah miˇ-a.

Panmaeq 19:7

Aˬyawꞈ huiˬ dui mahˇ dui dui gaˇ, laˬ kʼaˬ cehˇ-awˇ ja ceuˬ kaˇ-euˇ. Aˬ jeˬ miˇ neh ehˇ naˇ, Yawˇ zaˬ oeˇ mˇ baˇ-eu gʼeh-awˇ, zaˬ miˬ lehˬ hmˬ dah taˬ-euˬ meh.

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.

Panmaeq 21:24

Miˇ tsaˬ zaˬ deuˬ kʼoeˇ-euˬ yaw shehꞈ-ahˇ gʼoe-awˇ cah tehꞈ-a. Miˇ kʼahˬ sahˬ paˬ deuˬ-aˬ, meuˬ kʼoeˇ meuˬ-ahˇ aˬ yawꞈ maꞈ-euˬ pyuˇ shuiˇ myawˬ gahˬ sha ahˇ tehꞈ-a.

Panmaeq 21:9

Mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, aˇ saˬ saˬ-eu kʼehˬ-eu kʼaˆ-eu jeˬ tiˬ byah ni ahˇ-eu naˬ bo shiꞈ bo yuˇ luꞈ-eu gʼaˬ ngaˇ jawˇ gaˇ oe-awˇ ehˇ-eu, “Laˇ-awˬ. Yawˇzaˬ-euˬ zaˬ miˬ pyeuꞈ-eu miˬ shuiꞈ kʼoeˇ gʼaˬ ngaˇ nawˬ-ahˇ mehˬ nehˬ nyaˇ.”