Jaceuq 45:8 - Akha

⁸ Muˇ laˬ hawˇ-eu aˇ jawˬ tsiˇ yaw saw jeˬ, nawˬ-euˬ mehˬ tsoeˬ kʼoeˇ taˆ saw luꞈ-eu meh. Ya ma juiˇ neh laˆ muiˬ taˬ-euˬ sahˬ paˬ-euˬ hawˇ nymˇ laꞈ kʼoeˇ, dawˬ caˇ caˇ-eu deuˬ nawˬ-euˬ mehˬ shi caˇ mehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawq-euq maeqtsoeq dawqtawvluf murlaq, karsiq hawr-eu arjawq tsir yawsaw nae lavsaw taq-awr; Ya’ma-euq juir nae tsovtaq-euq sanqpaq-euq nymr-anr nae, nawr laqkhaq caer-eu jeq dovle taef-a.

Jaceuq 45:8 Iomraidhean Croise

1 Sahˬpaˬ 22:39

Aˬ yawꞈ jawˇ-eu nymˇ-ahˇ ya ma juiˇ taꞈ tsoꞈ taˬ-euˬ gaˇ kawˆ hawˇ-eu, aˬ yawꞈ neh tsoˆ-euˬ meuˬ deuˬ gaˇ kawˆ ahˇ leˇ-ehˇ, sahˬ paˬ Aˬhaˆ neh kʼaˇ mˇ kʼaˇ shaˇ yaꞈ-euˬ yawˬ jeˬ na luꞈ, Iˇsaˬleˬlaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

Jaceuq 11:7

Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Jaceuq 150:4

Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 45:15

Laˬ kʼaˬ cehˇ dui dui-eu laꞈ kʼoeˇ aˬ yawꞈ maꞈ laˇ-awˇ, sahˬ paˬ-euˬ nymˇ-ahˇ uˇ leˇ-eu meh.

Dawˬ caˇ 1:13

Ngaˇ gaˬ-eu gʼaˬ ngaˬ-euˬ kʼahˬ-ahˇ kʼawˬ daˇ-awˇ yuꞈ ngeh, muˇ laˬ tsiˇ loꞈ-ehˇ saw dui dui nya.

Dawˬ caˇ 1:3

Nawˬ-euˬ gʼawˇ mawˇ tiˬ jawˬ saw dui dui-awˇ, nawˬ-euˬ tsawˇ myahˇ tsiˇ yaw saw shehˆ kʼaˇ gaˇ duˇ nya. Nawˬ-ahˇ maˬ mawꞈ-eu zaˬ miˬ zaˬ maˬ jawˇ-a.

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Dawˬ caˇ 4:6

Mˬ bya laˇ-awˇ yaw zahˇ byoˆ-iˇ ngeh keuˆ ni, muˇ laˬ gawˬ jawˬ-ahˇ ngaˇ jawˇ ma. Tsiˇ yaw saw jeˬ-euˬ gawˬ jawˬ-ahˇ jawˇ ma.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawˬ caˇ 5:13

Aˬ yawꞈ-euˬ baˬ ba-aˬ, baw duˆ hawˇ-eu yaw saw jeˬ byah-eu yaˇ kmˇ-ahˇ duˇ-eu meh. Aˬ yawꞈ-euˬ mehˬ luˬ-aˬ, muˇ laˬ tsiˇ nyiꞈ leˇ taˬ-euˬ, ka paꞈ aˇ yehˆ-ahˇ duˇ-eu meh.

Dawˬ caˇ 5:5

Aˬ yawꞈ bi uˇ laˇ law lehˇ ngaˇ lehˬ hmˬ taˬ-euˬ ma. Ngaˬ-euˬ aˬ laꞈ-ahˇ muˇ laˬ tsiˇ sawˆ-awˇ, ngaˬ-euˬ laꞈ noeˇ-ahˇ muˇ laˬ tsiˇ lehꞈ-awˇ, laˇ gʼoˆ sehˬ-ahˇ ngaˇ tuˆ tehˬ-euˬ ma.

Aˬmoˆ 3:15

Tsahˬ gaˆ yamˬ-ahˇ jawˇ-eu gʼaˇ duˬ hawˇ-eu jawˇ la yamˬ-ahˇ jawˇ-eu gʼaˇ duˬ lehˇ tsoˆ baw taˬ-euˬ nymˇ dawˬ tawˆ luꞈ-ahˇ ngaˇ laˆ cawˆ ma. Ya ma juiˇ neh laˆ muiˬ taˬ-euˬ nymˇ deuˬ coˬ pyaˆ coˬ shaˆ tehꞈ-a. Nymˇ yaw huiˬ yawˬ nymˇ na luꞈ ya cawˆ-iˇ tehꞈ-a.”

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Yoˇhaˬ 14:2

Ngaˬ Da-euˬ nymˇ-ahˇ jawˇ kʼaˇ za gahˬ meh. Ngaˇ naw maꞈ gʼaˇ duˬ jawˇ zaˇ laˆ saˆ leˇ ma. Jawˇ kʼaˇ maˬ za law nmˇ-aˬ, maˬ za-a lehˇ ngaˇ dawˇ coe ni ehˇ ma.

Yoˇhaˬ 19:39

Yaw beh Yeˬsuˇ-ahˇ uˬ ciꞈ tiˬ miˇ tahˬ puˬ leˇ haw-euˬ Niˇgawˇdeˬ kʼoeˇ gʼaˬ kʼawꞈ, muˇlaˬ hawˇ-eu aˇjawˬ keuˬ-awˇ jahˇ taˬ-euˬ mawˇ tawˆ tawˆ gaˇ zmˬ-eu tsiˇ yaw saw jeˬ nyiˬ tseˇ jawꞈ-i ehˇ gʼaˬ ni yuˇ-awˇ, Yoˇsehˆ nehˬ-ehˇ iˇ-euˬ meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.