Jaceuq 44:7 - Akha

⁷ Ehˇkʼawꞈmuiˇ-eu deuˬdaˬga ni, nga maꞈguiˇdeuˆgʼaˬ-euˬkʼoeˇ-aˬ, nawˬneh bi gʼaˬleˇlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, nawr, nga’maf-anr muir-eu deuq-anr nae bibuq-ir naeqlaf-awr, Nga’maf-anr byae-eu deuq-anr bi shafdawr-ir-euq mae.

Jaceuq 44:7 Iomraidhean Croise

2 Saˬmeuˬlaˆ 7:10

Ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ aˬ cawˬ kʼehˬ-eu kʼaˆ-eu uˬ moˆ maˬ paˇ ya jawˇ ni, aˬ yawꞈ maꞈ gʼaˇ duˬ ngaˬ neh jawˇ duˬ tiˬ tsahˇ poˆ nehˬ-awˇ bi jawˇ-euˬ ma. Miˇ kʼahˬ heu kʼahˬ-ahˇ aˬ yawꞈ maꞈ jawˇ keuˆ laˇ-euˬ tiˬ nah neh, haiˬ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ meh. Ehˇ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ bi gʼeh ma. Muiˇ-eu deuˬ nawˬ-ahˇ maˬ ya laˆ luˬ laˆ seˇ-eu gʼaˇ duˬ maˬ ehˇ, nawˬ-euˬ zaˬ nawˬ-euˬ uˆ deuˬ bi myaˬ bi behˇ laˇ-eu gʼaˇ duˬ maˬ ehˇ, nawˬ nehˬ-ehˇ ngaˇ saˇ jaˇ dzaˬ-eu ma.

Jaceuq 132:18

Aˬ yawꞈ-ahˇ muiˇ-eu deuˬ-ahˇ ngaˇ daˬ bi ga-awˇ, aˬ yawꞈ-euˬ miˇ kʼahˬ bi baw bi za le ma.”

Jaceuq 136:24

Muiˇ-eu deuˬ-euˬ aˬ laꞈ laꞈ kʼoeˇ, aˬ dui-ahˇ aˬ yawꞈ pyehˬ nehˬ luꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 140:7

Ngaˬ-euˬ Miˬyehˇ pyeuꞈ-eu ngaˬ-ahˇ haw piˇ-eu gʼaˬ kʼaˆ-eu Sahˬpaˬ Miˬyehˇ-oˇ, guiˇ deuˆ ngeh nawˇ ngaˬ-ahˇ haw piˇ nehˬ laꞈ-euˬ meh.

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Jaceuq 40:14

Ngaˬ-euˬuˬkʼawˇpoˆ-eu kʼoeˇdeuˬ, daˬya ga-awˇ zahˬleˇluꞈ-uˇ. Ngaˇshaˬgaˇnui kʼahˇshiˇ-eu deuˬ, ya shaꞈdawˇ-awˇzeuˆpyawˇluꞈ-uˇ.

Jaceuq 53:5

Aˬ yawꞈ-euˬ tsawˇ haˬ-ahˇ muiˇ-eu deuˬ-euˬ shaˬ yoeˬ-ahˇ, Miˬyehˇ ngawˬ kʼehꞈ ngawˬ kʼoeˆ-awˇ byaˆ dzeh ngeh, tiˬ jawˇ-iˬ maˬ puˬ maˬ mawˇ haw-euˬ guˆ-eu gaˆ-eu jeˬ, aˬ yawꞈ maꞈ tahˬ puˬ-awˇ laˇ baˇ-iˇ tehꞈ-a. Aˬ yawꞈ maꞈ-ahˇ Miˬyehˇ byehˇ dzeh nehˬ-euˬ miˇ neh Iˇsaˬleˬlaˆ tsawˇ jeuˬ aˬ yawꞈ maꞈ-ahˇ nui kʼahˇ tiˬ shiˇ gʼaˬ leˇ tehꞈ-a.

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Yawˇshuˆ 11:6

Yawˇshuˆ-ahˇ Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ taˬ guˆ. Ni shawˬ nah heu yamˬ-ahˇ, Iˇsaˬleˬlaˆ tsawˇ jeuˬ gʼaˇ duˬ, aˬ yawꞈ maꞈ dawˬ tawˆ luꞈ-ahˇ ngaˇ sehꞈ ma. Naw maꞈ aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ ya keuˬ dzeh meh.”

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.

1 Saˬmeuˬlaˆ 17:47

Kʼoeˇ uˬ taꞈ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ka kʼoꞈ-eu gʼaˇ duˬ, gahˬ hawˇ-eu mi cehˇ maˬ gʼoe-eu gaˇ kawˆ, heu gaˇ jawˇ-eu tsawˇ haˬ dawˬ tawˆ luꞈ ya siˬ ya mawˇ duˬ tehꞈ-a. Aˬ yawꞈ-aˬ, gʼaˬ leˇ-eu gʼaˬ pyeuꞈ-awˇ, naw maꞈ dawˬ tawˆ luꞈ-ahˇ nga maꞈ-euˬ aˬ laꞈ laꞈ kʼoeˇ a nehˬ laꞈ tehꞈ-a”