Jaceuq 44:3 - Akha

³ Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawfmaf, yawqha-euq micaer nae mirtsaq deuvza-euq maqngeur-a. Yawqha-euq lafdu nae ghaqler-euq khawf maqngeur-a. Aerkhawf, nawr, aqyawf maf-anr ghoer mr-eu nawq-euq myavpyawq-euq yawshaef hawr-eu, Nawq-euq armar laf-euq lafdu-euq baqda’nae mae.

Jaceuq 44:3 Iomraidhean Croise

2 Saˬmeuˬlaˆ 7:23

Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, aˬ cawˬ tsawˇ jeuˬ-euˬ zaˬ kʼaˆ geuꞈ luꞈ ngeh nawˬ neh ka kʼoꞈ nehˬ laꞈ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ tiˬ jeuˬ-iˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ, huiˬ dui dui-eu gaˇ deuˬ hawˇ-eu, zahˬ leˇ paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˬ-euˬ tsawˇ myahˇ doˆ luꞈ meh. Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ nawˬ neh ka kʼoꞈ doˆ laꞈ-euˬ tsawˇ haˬ deuˬ mehˬ hu paw laˇ luꞈ ngeh, aˬ cawˬ tsawˇ jeuˬ hawˇ-eu aˬ yawꞈ maꞈ-euˬ miˬyehˇ deuˬ-ahˇ nawˇ teh dzeh-euˬ meh.

2 Laˬsaˬbaˬ 20:7

Nawˇ-aˬ, nga maꞈ-euˬ Miˬyehˇ ma. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ miˇ kʼahˬ heu kʼahˬ-ahˇ uˇ laˇ ngeh, heu gaˇ jawˇ luꞈ-eu tsawˇ haˬ deuˬ-ahˇ nawˇ teh dzeh-awˇ, nawˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-ahˇ miˇ kʼahˬ heu kʼahˬ nawˇ biꞈ tsehˆ nehˬ-euˬ meh.

Jaceuq 111:6

Aˬ cawˬ tsawˇ jeuˬ-euˬ miˇ kʼahˬ biꞈ nehˬ-eu laꞈ kʼoeˇ, aˬ yawꞈ-euˬ tsawˇ haˬ deuˬ-ahˇ aˬ yawꞈ-euˬ baoˬ biꞈ nehˬ-eu meh.

Jaceuq 17:7

Zahˬleˇdui dui paˬ-ehˇgʼeh-eu, nawˇgaˬ-eu jeˬbi mawˇlaꞈ-awˇ, ngaˬ-ahˇka kʼoꞈle nehˬlaꞈ-awˬ. Nawˇjawˇpaw ngaˇpyawˬngeh, muiˇ-eu deuˬ-ahˇguˆkʼaˇmaˬza.

Jaceuq 20:6

SahˬpaˬMiˬyehˇneh tsiˇlehꞈ-euˬ, aˬyawꞈ-euˬdzoeˬdzaˬsahˬpaˬ-ahˇ, gʼaˬleˇ-eu baoˬ biꞈnehˬmeh lehˇ. nymˬ-mˇngaˇsiˬduˬtaˬ-euˬma. Muiˬ-eu shawˇ-eu mˬtaˆjawˇ-awˇ, shaˇdawˬnaˇhaˬnehˬ-eu laꞈkʼoeˇ, aˇmaˇlaꞈ-euˬbaoˬ-ahˇgʼoe-awˇ, gʼaˬleˇ-eu jeˬbiꞈnehˬ-eu meh.

Jaceuq 4:6

“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Jaceuq 42:11

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 42:5

Aˬjeˬmiˇneh ngaˬnui ma nawˇ, teu naˆnaˆ-ehˇshaˬzahˬmˇte. Miˬyehˇ-ahˇnoeˬtmˬ-eu taˬbyehˇ. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 74:11

Aˬ jeˬ miˇ neh nawˇ nga maꞈ-ahˇ maˬ caw ba le ni jawˇ te. Aˬ jeˬ miˇ neh nawˬ-euˬ aˬ laꞈ naˇ kʼah paw cawˬ zaꞈ te.

Jaceuq 77:15

Yaˬkoˆ hawˇ-eu Yoˇsehˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ baoˬ-ahˇ gʼoe-awˇ nawˇ ka kʼoꞈ nehˬ-euˬ meh.

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Jaceuq 80:16

Nga maꞈ-ahˇ muiˇ-eu tsawˇ haˬ deuˬ aˬ gaꞈ baw duˆ kʼoeˇ-ahˇ miˬ dzaˬ dzah puiˆ-awˇ coeˇ tsehˆ dzeh-euˬ meh. Aˬ yawꞈ maꞈ-ahˇ nui ma pehˇ-awˇ laˆ cawˆ nehˬ-awˬ.

Jaceuq 80:9

Baw duˆ kʼoeˇ mehˇ laˇ ni moꞈ juiˇ nehˬ-awˇ, duˬ ciˇ iˇ naꞈ-eu laꞈ kʼoeˇ, miˇ kʼahˬ kʼoeˇ kʼahˬ uˆ byoˆ-euˬ meh.

Doˆ-iˇ 15:16

Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Zaˬkaˬliˇ 4:6

Kʼoeˇ naˇ, aˬ yawꞈ ehˇ-eu, “Heu-aˬ, Zeˬluˇbaˬbeˬlaˇ-ahˇ Sahˬpaˬ Miˬyehˇ neh ehˇ nehˬ-eu dawˬ pyeuꞈ-awˇ, ‘Baoˬ hawˇ-eu gʼaˬ neh gʼaˬ leˇ nya-eu maˬ ngeuˇ-a. Ngaˬ-euˬ yaw sahˇ baˬ da neh tehꞈ-ehˇ gʼaˬ leˇ nya-eu meh’ lehˇ ehˇ-eu meh.

Bawˇtsahˬ 14:8

Sahˬpaˬ Miˬyehˇ aˬ dui-ahˇ nui ma tsaˬ naˇ, aˬ dui-ahˇ kʼoeˇ gaˇ aˬ yawꞈ sheuˬ gʼeh-awˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ, aˬ dui-ahˇ biꞈ nehˬ laꞈ tehꞈ-a.

2 Gawˇliˬtu 4:7

Ehˇ kʼawꞈ, huiˬ dui dui-eu baoˬ-aˬ, nga maꞈ-euˬ maˬ ngeuˇ-ehˇ, Miˬyehˇ-euˬ pyeuꞈ-eu gaˇ kawˆ siˬ duˬ mawˇ duˬ laˇ ni, nga maꞈ-aˬ, saꞈ laˇ paw taꞈ leˇ-eu poeˬ dui dui-eu pyuˇ shuiˇ myawˬ gahˬ heu deuˬ dawˆ ahˇ taˬ-euˬ miˇ tsaˬ oeˬ lahˬ loˆ ni tehꞈ ma.

Dawˬmehˬ 10:15

Ehˇ kʼawꞈ, naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ gaˬ dui dui-eu miˇ neh, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh. Naw maꞈ-aˬ, iˬ nah keuˆ ni aˬ yawꞈ neh tseˇ doˆ-euˬ tsawˇ haˬ pyeuꞈ luꞈ-eu meh.

Yawˇshuˆ 24:12

Naw maꞈ le gʼeh leꞈ-eu nehˬ-ehˇ, naw maꞈ-euˬ mehˬ shi ngaˇ byaˬ duˇ pyehˬ gʼeh-awˇ, Aˬmawˇliˆ sahˬ paˬ kʼoeˇ nyiˬ gʼaˬ-ahˇ teh doˆ-euˬ ma. Naw maꞈ-euˬ mi cehˇ hawˇ-eu kaˆ deuˬ, kʼoeˇ gaˇ tiˬ jeˬ-iˬ maˬ mˇ-aˬ.

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.