Jaceuq 44:22 - Akha

²² Ehˇkʼawꞈ,nawˬ-euˬbaˬda baˇneh, nga maꞈshiˇnawˆnawˆluꞈ-eu ma. Bi sehꞈdzaˬ-euˬyawˇdeuˬloꞈ-ehˇ, nga maꞈ-ahˇjahˇnehˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.

Jaceuq 44:22 Iomraidhean Croise

Aˇ dahˬ 18:15

Ehˇ kʼawꞈ, Saˬlaˇ guˆ-eu miˇ neh, “Ngaˇ maˬ uiˇ-aˬ-eˬ” lehˇ pyehˇ-euˬ meh. Sahˬpaˬ Miˬyehˇ gʼeh, “Ngeuˇ meh. Nawˇ uiˇ-euˬ meh. Nawˇ aˬ diˇ aˬ maˇ uiˇ-euˬ meh” lehˇ ehˇ-eu meh.

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

Jaceuq 139:2

Ngaˇ kʼaˇ mˇ kʼaˇ shaˇ-eu jeˬ nawˇ siˬ nya-eu meh. Gaˇ mahˇ kaˬ gaˇ jawˇ kʼawꞈ ngaˬ-euˬ nui noeˬ nui duˇ dawˬ tawˆ luꞈ nawˇ siˬ nya meh.

Jaceuq 44:11

Yawˇzaˬdiˬsehꞈdzaˬ-eu loꞈ-ehˇ, ngaˬmaꞈ-ahˇbi sehꞈdzeh laꞈ-awˇ, aˬcawˬtsawˇjeuˬmiˇkʼahˬdoe ni, teh byaˆ-awˇbi shaˬlaꞈ-euˬmeh.

Jaceuq 94:11

Aˬ yawꞈ maꞈ-euˬ nui noeˬ Sahˬpaˬ Miˬyehˇ siˬ nya meh. Aˬ yawꞈ maꞈ shaˇ noeˬ shaˇ sawˇ-eu jeˬ gaˇ dahˇ maˬ tsoeˬ-eu aˬ yawꞈ siˬ nya luꞈ meh.

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Yoˇhaˬ 15:21

Ehˇ kʼawꞈ, naw maꞈ ngaˬ-euˬ tsawˇ haˬ pyeuꞈ-eu miˇ neh, aˬ yawꞈ maꞈ naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a. Aˬ jeˬ miˇ neh ehˇ naˇ, ngaˬ-ahˇ aˬ suˇ gʼaˬ neh kʼehˇ gʼeh leꞈ-euˬ aˬ yawꞈ maꞈ maˬ siˬ nya-a.

Lormav 8:36

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Nawˬ-euˬ ba da neh sehꞈ laˇ gaˇ, nah ga ni nga maꞈ daˬ-euˬ ma. Sehꞈ-eu lehˇ gʼeh-eu yawˇ loꞈ-ehˇ, nga maꞈ-ahˇ jahˇ nehˬ laꞈ-euˬ meh.”

1 Gawˇliˬtu 4:9

Mˬ taˆ gʼaˬ kʼehˇ dawˬ tawˆ luꞈ hawˇ-eu miˇ tsaˬ zaˬ dawˬ tawˆ luꞈ bi haw niˇ gʼa-eu gʼaˇ duˬ, Miˬyehˇ-euˬ gʼaˬ kʼehˇ pyeuꞈ-eu nga maꞈ-ahˇ miˇ kʼahˬ zaˬ mehˬ shi bi sehꞈ-eu lehˇ, Miˬyehˇ neh aˬ cawˬ jeˬ nah nah saˬ bi jawˇ laꞈ-euˬ jeˬ nga lehˇ noeˬ miˇ-a.

Yawˇshuˆ 22:22

“Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Baoˬ huiˬ dui dui-eu gʼaˬ-aˬ Miˬyehˇ meh. Aˬ yawꞈ-aˬ, Sahˬpaˬ Miˬyehˇ pyeuꞈ-eu meh. Nga maꞈ aˬ jeˬ baˬ da neh heu loꞈ-ehˇ jahˇ-eu aˬ yawꞈ siˬ nya meh. Naw maꞈ-ahˇ kʼawꞈ gaˇ kawˆ heu bi siˬ mawꞈ-eu ma. Nga maꞈ Sahˬpaˬ Miˬyehˇ-ahˇ maˬ jah ni puiˬ-euˬ jeˬ ngeuˇ naˇ, nga maꞈ-ahˇ taˬ paˇ bi dehꞈ laꞈ.

Panmaeq 17:6

Zaˬ miˬ zaˬ kʼoeˇ gʼaˬ-aˬ, Miˬyehˇ-euˬ tsawˇ haˬ deuˬ-euˬ shiˬ hawˇ-eu, Yeˬsuˇ-ahˇ saˇ jaˇ ziꞈ-eu miˇ neh bi sehꞈ-euˬ tsawˇ haˬ deuˬ-euˬ shiˬ dawˇ yehꞈ taˬ-euˬ gaˇ ya mawˇ-euˬ ma. Zaˬ miˬ zaˬ kʼoeˇ gʼaˬ-ahˇ ya mawˇ ngeh, ngaˇ zahˬ leˇ-euˬ ma.