Jaceuq 44:2 - Akha

² Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawq-euq aqlaf nae aqcawq tsawrjeuq tsawrca deuq-anr taedzae-awr, Nga’maf-euq aqpoeq aqpiq-anr khoergar jawrduq biza-euq mae. Nawr, tsawrjeuq khoerdeuq-anr yawdoer jeq bi keuvle-awr, aqyawf maf-anr taedzae-euq mae.

Jaceuq 44:2 Iomraidhean Croise

2 Saˬmeuˬlaˆ 23:12

Ehˇ kʼawꞈ, Shaˬmahˇ gʼaˬ jawˇ duˬ maˬ cehˆ jiˆ ni, yaˇ gʼahˇ ceh yawꞈ-awˇ Piˇliˇtiˆ tsawˇ haˬ deuˬ-ahˇ deuˆ sehꞈ-euˬ meh. Kʼoeˇ ngeh nah kʼawꞈ, huiˬ dui dui-eu guiˇ tiˬ guiˇ Sahˬpaˬ Miˬyehˇ deuˆ gʼaˬ-euˬ meh.

2 Saˬmeuˬlaˆ 7:10

Ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ aˬ cawˬ kʼehˬ-eu kʼaˆ-eu uˬ moˆ maˬ paˇ ya jawˇ ni, aˬ yawꞈ maꞈ gʼaˇ duˬ ngaˬ neh jawˇ duˬ tiˬ tsahˇ poˆ nehˬ-awˇ bi jawˇ-euˬ ma. Miˇ kʼahˬ heu kʼahˬ-ahˇ aˬ yawꞈ maꞈ jawˇ keuˆ laˇ-euˬ tiˬ nah neh, haiˬ-eu tsawˇ haˬ deuˬ neh kʼehˬ nehˬ kʼaˆ nehˬ-euˬ jeˬ-ahˇ aˬ yawꞈ maꞈ ya daˬ-euˬ meh. Ehˇ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ bi gʼeh ma. Muiˇ-eu deuˬ nawˬ-ahˇ maˬ ya laˆ luˬ laˆ seˇ-eu gʼaˇ duˬ maˬ ehˇ, nawˬ-euˬ zaˬ nawˬ-euˬ uˆ deuˬ bi myaˬ bi behˇ laˇ-eu gʼaˇ duˬ maˬ ehˇ, nawˬ nehˬ-ehˇ ngaˇ saˇ jaˇ dzaˬ-eu ma.

Jaceuq 105:44

Aˬ cawˬ tsawˇ jeuˬ-euˬ miˇ kʼahˬ aˬ yawꞈ maꞈ-ahˇ biꞈ-awˇ, aˬ cawˬ-euˬ deh yaˇ bi yuˇ geuꞈ-euˬ meh.

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Doˆ-iˇ 10:2

zahˬ leˇ paˬ-ehˇ gʼeh-eu gaˇ heu deuˬ mˇ mehˬ nehˬ-eu laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˬ neh aˬ joˆ-ehˇ laˆ shaˬ laˆ zahˬ nehˬ-euˬ gaˇ kawˆ, naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ naw maꞈ dzawˇ nehˬ nya ni maˬ ehˇ, sahˬ paˬ kʼoeˇ gʼaˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma gʼahˇ ni ngaˇ jahˇ nehˬ taˬ-euˬ ma. Ngaˇ-aˬ, Sahˬpaˬ Miˬyehˇ pyeuꞈ-eu gaˇ kawˆ, naw maꞈ dawˬ tawˆ luꞈ ya siˬ ya mawˇ tehꞈ-a.”

Doˆ-iˇ 15:17

Nawˬ neh yawˬ haˇ yawˬ ha tsoˆ taˬ-euˬ Uˬ duˬ tahˬ nymˇ nymˇ ma, Sahˬpaˬ Miˬyehˇ nawˇ jawˇ-eu lehˇ tseˇ doˆ taˬ-euˬ jawˇ duˬ pyeuꞈ-eu nawˬ-eu gawˬ jawˬ kʼoeˇ taˆ, aˬ yawꞈ maꞈ-ahˇ nawˇ sheuˬ uˇ laꞈ-awˇ, ka ziꞈ taˬ-euˬ meh.

Doˆ-iˇ 15:19

Iˇsaˬleˬlaˆ tsawˇ haˬ deuˬ-aˬ, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ tsehˆ doˆ-euˬ meh. Ehˇ kʼawꞈ, Iˇjiˇtuˆ tsawˇ haˬ-euˬ mahˬ laˆ lawˬ deuˬ hawˇ-eu, mahˬ laˆ lawˬ teh-eu tsawˇ haˬ deuˬ iˬ ma laˆ shaˆ laꞈ kʼoeˇ uˇ-iˇ ngeh, Sahˬpaˬ Miˬyehˇ iˇ cuꞈ paˇ bi dahˬ dzm laˇ-awˇ, aˬ yawꞈ maꞈ-ahˇ dahˬ pymˬ byoˆ-euˬ meh.

Doˆ-iˇ 23:28

Naw maꞈ-euˬ mehˬ hu, byaˬ duˇ baˬ maꞈ ngaˇ pyehˬ gʼeh-awˇ, Hiˇbiˇ tsawˇ jeuˬ, Kaˬnaˬ tsawˇ jeuˬ hawˇ-eu Heˬtaˆ tsawˇ jeuˬ-ahˇ bi teh dzeh ma.

Doˆ-iˇ 34:11

Iˬ nah naw maꞈ-ahˇ ngaˇ biꞈ-eu lehˇ lehˬ hmˬ taˬ-euˬ zahˇ dawˬ kʼoꞈ dawˬ heu deuˬ-ahˇ naˇ haˬ geuꞈ-awˬ. Mehˬ hu paw naw maꞈ le ngeh, Aˬmoˬ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Peˬyehˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ ngaˇ teh doˆ ma.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Yeˬlaˬmiˇ 32:23

Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.

Bawˇtsahˬ 13:32

Kʼoeˇ naˇ, aˬ yawꞈ maꞈ neh pyehˆ tseˇ leˇ-euˬ miˇ kʼahˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ maˬ ngeuˇ-eu jeˬ-ehˇ aˬ yawꞈ maꞈ ja byah gʼeh-euˬ meh. Aˬ yawꞈ maꞈ ehˇ-eu, “Kʼoeˇ gaˇ jawˇ-eu tsawˇ haˬ deuˬ dzaˬ loꞈ ni tehꞈ-ehˇ kʼawꞈ, miˇ kʼahˬ kʼoeˇ kʼahˬ laꞈ kʼoeˇ dzaˬ dzaˬ dawˇ dawˇ maˬ jaˆ-a. Nga maꞈ neh mawˇ yaꞈ-euˬ tsawˇ haˬ yawˬ gʼaˬ na luꞈ, caˇ gawˬ goˇ dui dui-eu meh.

Dawˬmehˬ 32:7

“Aˇ hu ziˇ-ahˇ pyeuꞈ ka leꞈ-euˬ, gaˇ kawˆ deuˬ-ahˇ naˇ haˬ haw sheˇ. Aˬ da deuˬ neh bi ja mehˬ-awˇ, tsawˇ mawˬ deuˬ neh bi dzawˇ duˬ sheˇ.

Dawˬmehˬ 4:38

Naw maꞈ mehˬ hu paw doˆ laˇ luꞈ ngeh, iˬ nah naw maꞈ za taˬ-euˬ miˇ kʼahˬ heu kʼahˬ naw maꞈ-ahˇ biꞈ-eu gʼaˇ duˬ, naw maꞈ naˆ maˬ tseˇ myaˬ dzehˬ-awˇ baoˬ huiˬ dzehˬ-eu tsawˇ jeuˬ deuˬ-ahˇ aˬ yawꞈ teh doˆ-euˬ meh.

Dawˬmehˬ 7:1

“Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ uˇ gʼeh-awˇ, kʼoeˇ gaˇ jawˇ-eu tsawˇ jeuˬ gʼawˬ mya jeuˬ-ahˇ aˬ yawꞈ teh doˆ tehꞈ-a. Naw maꞈ le-eu nehˬ-ehˇ, naw maꞈ myaˆ maˬ tseˇ myaˬ dzehˬ-awˇ gʼaˬ kʼaˆ dzehˬ-eu tsawˇ jeuˬ shiꞈ jeuˬ-ahˇ aˬ yawꞈ teh doˆ tehꞈ-a. Tsawˇ jeuˬ kʼoeˇ deuˬ-aˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Aˬmoˬ tsawˇ jeuˬ, Kaˬnaˬ tsawˇ jeuˬ Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ meh.

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

Yawˇshuˆ 21:43

Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh.

Yawˇshuˆ 24:12

Naw maꞈ le gʼeh leꞈ-eu nehˬ-ehˇ, naw maꞈ-euˬ mehˬ shi ngaˇ byaˬ duˇ pyehˬ gʼeh-awˇ, Aˬmawˇliˆ sahˬ paˬ kʼoeˇ nyiˬ gʼaˬ-ahˇ teh doˆ-euˬ ma. Naw maꞈ-euˬ mi cehˇ hawˇ-eu kaˆ deuˬ, kʼoeˇ gaˇ tiˬ jeˬ-iˬ maˬ mˇ-aˬ.

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

Yaˇ kʼaˬ daˇ 6:13

Aˬ yawꞈ-ahˇ Giˇdoˬ ehˇ nehˬ-eu, “Ngaˇ heu loꞈ-ehˇ naˇ haˬ mawꞈ nya. Sahˬpaˬ Miˬyehˇ nga maꞈ nehˬ-ehˇ jawˇ-eu jeˬ maˇ-iˬ, aˬ jeˬ miˇ neh heu loꞈ-ehˇ pyeuꞈ laˇ ta. Aˬ yawꞈ neh nga maꞈ-euˬ aˬ da deuˬ-ahˇ Iˇjiˇtuˆ miˇ kʼahˬ-ahˇ neh sheuˬ doˆ nehˬ laꞈ-euˬ gaˇ kawˆ hawˇ-eu, aˬ yawꞈ neh mˇ mehˬ nehˬ-euˬ zahˬ leˇ paˬ-ehˇ gʼeh-eu gaˇ deuˬ, nga maꞈ-euˬ aˬ da deuˬ nga maꞈ-ahˇ dzawˇ mehˬ nehˬ laꞈ-euˬ gaˇ kawˆ kʼoeˇ deuˬ aˬ gaˇ iˇ byoˆ jiˇ-euˬ ta. Sahˬpaˬ Miˬyehˇ nga maꞈ-ahˇ byehˇ dzeh-awˇ, Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ a nehˬ-euˬ meh.”