Jaceuq 44:17 - Akha

¹⁷ Nawˬ-ahˇnga maꞈ maˬbyehˇdzeh-ehˇ, dawˬma saˇjaˇmaˬpuiˬ-euˬkʼawꞈ, heu loꞈ-ehˇya daˬluꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Heudeuq dawqtawvluf, nga’maf-euq khoertav keuvle taq-euq mae. Aerkhawf, nga’maf, nawq-anr maqngaer-aq. Nawq-euq dawqma sarjax-anr maqtsaq-eu jeq maqmr-aq.

Jaceuq 44:17 Iomraidhean Croise

Jaceuq 44:20

Miˬyehˇ-euˬtsawˇmyahˇ-ahˇngehˇ-awˇ, boeˇmiˬsiˬkʼaˬ-euˬmiˬyehˇ-ahˇ, uˬduˬtahˬ-euˬjaˆlawˬnaˇkʼawꞈ,

Jaceuq 78:57

Aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, saˇ jaˇ maˬ ziꞈ-eu tsawˇ haˬ deuˬ pyeuꞈ-awˇ, yaw gʼahˬ gʼahˬ-eu kaˆ myaˬ loꞈ-ehˇ, tiˬ pawꞈ-iˬ maˬ jah coeˇ-a.

Jaceuq 78:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-ahˇ aˬ yawꞈ maꞈ gʼoe-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ myah luꞈ caw teh nya tehꞈ-a.

Jaceuq 9:17

Miˬyehˇ-ahˇbyehˇdzeh-euˬtsawˇjeuˬ, haiˬ-eu tsawˇhaˬkʼoeˇdeuˬdawˬtawˆ, shiˇ-eu miˇkʼahˬ-ahˇkeuˆtehꞈ-a.

Iˇsaˬyaˇ 17:10

Iˇsaˬleˬlaˆ tsawˇ haˬ deuˬ-oˇ, naw maꞈ gʼaˇ duˬ lo guˇ loꞈ-ehˇ ziꞈ-euˬ, naw maꞈ-ahˇ ka kʼoꞈ-euˬ miˬ yehˇ-ahˇ, naw maꞈ byehˇ dzeh yaꞈ-awˇ, aˬ cawˬ tsawˇ jeuˬ-euˬ Miˬyehˇ-ahˇ uˬ duˬ tahˬ-eu gʼaˇ duˬ, muiˬ-eu shawˇ-eu yaˇ kmˇ mˇ-euˬ miˇ neh,

Yeˬlaˬmiˇ 2:32

Zaˬ miˬ aˬ buˇ tiˬ gʼaˬ yawˬ ha-euˬ laꞈ duꞈ lahˇ dah-ahˇ ngehˇ nmˇ loˇ. Smˇ miˇ iˇ-eu zaˬ miˬ oeˇ mˇ baˇ-eu mehˬ tsoeˬ ngehˇ kʼmˬ nmˇ loˇ. Ehˇ kʼawꞈ aˇ nah aˇ yamˬ maˬ gui jiˇ coeˇ gaˇ keuˆ ni, ngaˬ-euˬ tsawˇ haˬ ngaˬ-ahˇ ngehˇ byoˆ-euˬ meh.

Yeˬlaˬmiˇ 31:32

Dawˬ ma saˇ jaˇ yaw shuiꞈ heu-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ shaˬ luꞈ gaˇ, ngaˬ neh aˬ laꞈ-ahˇ tuˆ tehˬ-awˇ tsahˇ doˆ nehˬ ngeh, aˬ yawꞈ maꞈ nehˬ-ehˇ ngaˇ dzaˬ-euˬ dawˬ ma saˇ jaˇ yaw oeˇ-ahˇ maˬ duˇ-a. Ngaˇ-aˬ, aˬ yawꞈ maꞈ-euˬ kʼaˬ dzeˇ zaˬ-ahˇ duˇ kʼawꞈ, dawˬ ma saˇ jaˇ kʼoeˇ hmˬ-ahˇ aˬ yawꞈ maꞈ maˬ ziꞈ-a.

Yeˬsaˬgeˬlaˇ 16:59

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ neh saˇ jaˇ dzaˬ-euˬ dawˬ-ahˇ nawˇ yehˬ bawˬ-ehˇ gʼeh-awˇ, dawˬ ma saˇ jaˇ-ahˇ puiˬ-euˬ miˇ neh, nawˬ-ahˇ oꞈ-eu geuˇ-eu loꞈ-ehˇ ngaˇ jahˇ nehˬ ma.

Yeˬsaˬgeˬlaˇ 20:37

“Naw maꞈ-ahˇ ngaˇ zuiˆ gʼaˬ-awˇ, ngaˬ-euˬ dawˬ ma saˇ jaˇ mehˬ nah bi caw teh ma.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.

Dawˬmehˬ 6:12

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ naw maꞈ aˬ cawˬ zaˬ kʼaˆ ya geuꞈ luꞈ ngeh, naw maꞈ-ahˇ ka kʼoꞈ le-euˬ Sahˬpaˬ Miˬyehˇ-ahˇ naw maꞈ taˬ ngehˇ.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.