Jaceuq 44:14 - Akha

¹⁴ Aˬcawˬtsawˇjeuˬja bu laˇni, nawˇnga maꞈ-ahˇmˇlaꞈ-euˬmeh. Nga maꞈ-ahˇcehꞈlehꞈka ka-ehˇ, uˬduˬjuiꞈhaw nehˬlaꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nawr, aqcawq tsawrjeuq nae nga’maf-anr dawqdaq bidaq-awr, Tsawrhaqzaq, nga’maf-anr naqlaf bizeuv-euq mae.

Jaceuq 44:14 Iomraidhean Croise

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

2 Sahˬpaˬ 19:21

Sahˬpaˬ Miˬyehˇ heu loꞈ-ehˇ ehˇ-eu meh. ‘Saˬneˬkaˬliˇ-oˇ, Yeˬluˇsaˬlehˬ meuˬ nawˬ ahˇ uiˇ-awˇ naˬ gʼaˬ luꞈ meh.

2 Laˬsaˬbaˬ 7:20

ngaˬ neh naw maꞈ-ahˇ biꞈ taˬ-euˬ miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ teh dzeh-awˇ, ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ ngaˬ neh mˇ shawˇ taˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ byehˇ dzeh ma. Uˬ duˬ tahˬ nymˇ nymˇ ma heu nymˇ-ahˇ tsawˇ jeuˬ dawˬ tawˆ luꞈ ja bu ja doeˇ-awˇ, kʼaˇ jahˇ mawꞈ-eu jahˇ tehꞈ-a.

Neˬhaˬmiˇ 2:17

Ehˇ kʼawꞈ, kʼoeˇ ngeh jawˇ aˬ yawꞈ maꞈ-ahˇ heu loꞈ-ehˇ ehˇ nehˬ-euˬ ma. “Yeˬluˇsaˬlehˬ meuˬ cawˆ-iˇ taˬ-awˇ meuˬ meuˬ lahˇ yaw pyaˆ-ehˇ jaˆ luꞈ-eu miˇ neh, aˬ dui aˇ naˆ ni ya shaˬ ya zahˬ luꞈ gaˇ haw sheˇ. Meuˬ meuˬ lahˇ paˇ gawˬ ziꞈ-awˇ, maˬ noeˬ shaˬ maˬ noeˬ zahˬ ni dehꞈ kaˇ-euˇ.”

Yawˇbaˆ 16:4

Naw maꞈ ngaˇ pyeuꞈ-awˇ, ngaˇ naw maꞈ pyeuꞈ law nmˇ-aˬ, naw maꞈ kʼaˇ ngehˬ-euˬ dawˬ teu deuˬ ngaˇ ngehˬ nya ma. Naw maꞈ ehˇ-eu maˬ ngeuˇ-a lehˇ ngaˇ uˬ duˬ juiꞈ-awˇ, lawˇ baˬ-ahˇ sheu bu-eu loꞈ-ehˇ ngaˬ-euˬ dawˬ laꞈ kʼoeˇ naw maꞈ-ahˇ bi bu dzaˬ nya ma.

Yawˇbaˆ 17:6

Nymˬ-mˇ aˬ cawˬ dawˬ daˬ kʼoeˇ hmˬ zmˬ-awˇ ngaˬ-ahˇ laꞈ noeˇ toeˬ luꞈ meh. Aˬ yawꞈ maꞈ ngaˬ-euˬ myaˆ kʼahˬ-ahˇ duˬ kʼaˬ kʼa shehˬ laˇ-eu meh.

Jaceuq 109:25

Aˬ cawˬ ngaˬ-ahˇ mawˇ ngeh uiˇ-awˇ, uˬ duˬ dzuiꞈ-awˇ cehꞈ lehꞈ ka haw-eu meh.

Jaceuq 123:3

Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ-ahˇ gʼawˬ shaˬ gaˬ nehˬ laꞈ-awˬ. Aˬ cawˬ ja bu ja doeˇ-eu dawˬ-ahˇ, nga maꞈ maˬ daˬ coeˇ nya.

Jaceuq 22:7

Kʼaˇmawˇle-eu deuˬnaˬgʼa-awˇ, mehˬlaˇcawˬdoˆmehˬnehˬlaꞈ-awˇ, uˬduˬjuiꞈmehˬnehˬlaꞈ-eu meh.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.