Jaceuq 44:11 - Akha

¹¹ Yawˇzaˬdiˬsehꞈdzaˬ-eu loꞈ-ehˇ, ngaˬmaꞈ-ahˇbi sehꞈdzeh laꞈ-awˇ, aˬcawˬtsawˇjeuˬmiˇkʼahˬdoe ni, teh byaˆ-awˇbi shaˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nawr, nga’maf-anr bi diqsaef dzaq-eu yawrzaq lof-aer bipyeuf-ir-awr, Aqcawq tsawrjeuq-euq ghanrcae nga’maf-anr taebyav naeqlaf-euq mae.

Jaceuq 44:11 Iomraidhean Croise

2 Sahˬpaˬ 17:6

Awˇsheˬ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ neh Saˬmaˬliˆ meuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ deuˬ-ahˇ Aˬshuˇliˆ miˇ kʼahˬ-ahˇ nyehꞈ daˆ gʼeh-euˬ meh. Tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

Jaceuq 106:27

Aˬ yawꞈ maꞈ-euˬ zaˬ deuˬ aˬ cawˬ tsawˇ jeuˬ yaw kaˬ-ahˇ bi jawˇ byoˆ-awˇ, aˬ cawˬ-euˬ miˇ kʼahˬ-ahˇ bi shiˇ jiˇ ma lehˇ ehˇ nehˬ-euˬ meh.

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Jaceuq 60:1

Miˬyehˇ-oˇ, nawˇ nga maꞈ-ahˇ byehˇ dzeh-awˇ, nga maꞈ-euˬ taˆ bi byaˆ-iˇ-euˬ meh. Nawˇ nga maꞈ-ahˇ nui ma pehˇ-eu meh. Ehˇ kʼawꞈ nymˬ-mˇ nga maꞈ-ahˇ haw cawˬ nehˬ laꞈ-awˬ.

Yeˬlaˬmiˇ 12:3

Ehˇ kʼawꞈ, Sahˬpaˬ Miˬyehˇ nawˇ ngaˬ-ahˇ siˬ nya meh. Ngaˇ mˇ luꞈ-eu gaˇ deuˬ hawˇ-eu, ngaˇ nawˬ-ahˇ gaˬ-eu jeˬ nawˇ siˬ nya meh. Sehꞈ dzaˬ-eu lehˇ bi tsahˇ doˆ-euˬ yawˇ deuˬ loꞈ-ehˇ, haiˬ-eu tsawˇ haˬ heu deuˬ-ahˇ nawˇ gʼeu doˆ gʼeh-awˇ, sehꞈ-eu aˇ nah gʼaˇ duˬ tseˇ doˆ taˬ-awˬ.

Yeˬlaˬmiˇ 32:37

Ngaˇ nui ma pehˇ-eu laꞈ kʼoeˇ aˬ cawˬ miˇ kʼahˬ doe ni bi jawˇ byaˆ taˬ-euˬ ngaˬ-euˬ tsawˇ haˬ heu deuˬ-ahˇ paˇ sheuˬ uiˬ-awˇ, jawˇ duˬ heu tsahˇ-ahˇ paˇ sheuˬ kʼoꞈ keuˆ nehˬ-awˇ, nui saˇ oꞈ-eu laꞈ kʼoeˇ bi dehꞈ ma.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Lormav 8:36

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Nawˬ-euˬ ba da neh sehꞈ laˇ gaˇ, nah ga ni nga maꞈ daˬ-euˬ ma. Sehꞈ-eu lehˇ gʼeh-eu yawˇ loꞈ-ehˇ, nga maꞈ-ahˇ jahˇ nehˬ laꞈ-euˬ meh.”

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.