Jaceuq 42:8 - Akha

⁸ Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nan’ghanr paw, Ya’we Miqyaer, aqyawf-euq ghoer-awr gaq-eu jeq khaerlef taef-a, Uqcif paw-aq, aqyawf-euq cardawq, ngaq naeq-aer jav-awr, Ngaq-euq daefzir-euq Miqyaer-anr guiqlanq shar-eu jeq pyeuf taef-a.

Jaceuq 42:8 Iomraidhean Croise

2 Saˬmeuˬlaˆ 22:5

Shiˇ-eu iˇ luˆ tiˬ jawˬ oe-awˇ, laˆ luˬ laˆ seˇ le-eu iˇ kʼawˇ, ngaˬ-ahˇ ciˬ tahˬ ciˬ tuˆ-eu meh.

Yawˇbaˆ 35:10

Ehˇ kʼawꞈ, zahˇ dui dui-eu aˇ yamˬ-ahˇ aˬ yawꞈ maꞈ-ahˇ noeˬ tmˬ duˬ biꞈ-eu gʼaˬ pyeuꞈ-eu, aˬ yawꞈ maꞈ-ahˇ beh-euˬ Miˬyehˇ-ahˇ aˬ yawꞈ maꞈ laꞈ jeuˬ maˬ shaˇ-a.

Jaceuq 124:4

Aˬ dui iˇ jeuˬ neh bi dehˬ dzaˬ gʼeh-awˇ, iˇ cuꞈ neh bi dahˬ pymˬ-eu laꞈ kʼoeˇ,

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Jaceuq 149:5

Miˬyehˇ-euˬ tsawˇ haˬ deuˬ gʼaˬ leˇ-euˬ baˬ da neh laˬ kʼaˬ cehˇ-awˇ, uˬ ciꞈ miˇ lah-ehˇ laˬ kʼaˬ tiˬ cehˇ caˇ dawˬ caˇ luꞈ-uˇ.

Jaceuq 16:7

Ngaˬ-ahˇsheuˬgʼeh laꞈ-eu miˇneh, SahˬpaˬMiˬyehˇ-ahˇja ceuˬma. Ngaˬ-euˬsiˬnya-eu nui ma heu, uˬciꞈngaˬ-ahˇ bi noeˬ-eu meh.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 32:7

Nawˇ-aˬ ngaˬ-euˬdzuˇzaꞈduˬma. Shaˬzahˬguˆgaˆbi dzeuˇlaꞈ-awˇ, ka kʼoꞈ-eu guiˬlahˬyaw dzahˇneh, ngaˬ-ahˇtsahˇlahˇnehˬlaꞈ-euˬmeh.

Jaceuq 44:4

Ngaˬ-euˬsahˬpaˬpyeuꞈ-eu gʼaˬ-oˇ, ngaˬ-euˬMiˬyehˇpyeuꞈ-eu gʼaˬ-oˇ, Yaˬkoˆ-euˬzaˬdeuˬuˆdeuˬ-ahˇ, gʼaˬleˇ-eu jeˬnawˇbiꞈ-euˬmeh.

Jaceuq 57:3

Mˬ kʼoeˇ taˆ jawˇ-awˇ ngaˬ-ahˇ ka kʼoꞈ le-eu laꞈ kʼoeˇ, ngaˬ-ahˇ kʼehˬ-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ bi keuˆ le tehꞈ-a. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ, ngaˬ-euˬ kʼoeˇ taˆ aˬ yawꞈ bi keuˆ le tehꞈ-a.

Jaceuq 63:6

Ngaˇ yuꞈ zaˇ-ahˇ yuꞈ luꞈ ngeh, nawˬ-ahˇ noeˬ mawˇ-eu ma. Uˬ ciꞈ miˇ lah-ehˇ nawˬ-euˬ gaˇ kawˆ ngaˇ shaˇ noeˬ-euˬ ma.

Jaceuq 77:6

Ngaˇ uˬ ciꞈ miˇ lah-ehˇ shaˇ noeˬ dui dui-awˇ, shaˇ noeˬ duˬ leꞈ-euˬ laꞈ kʼoeˇ yawˬ haˇ yawˬ ha heu loꞈ-ehˇ naˇ haˬ haw-euˬ ma.

Jaceuq 88:8

Ngaˬ-euˬ cawˬ deuˬ ngaˬ-ahˇ byehˇ dzeh ni nawˇ jahˇ-euˬ meh. Aˬ yawꞈ maꞈ ngaˬ-ahˇ nui ma naˇ ni nawˇ jahˇ-euˬ meh. Ngaˇ laꞈ coeˇ-ahˇ tehˬ leˇ taˬ-awˇ, buˬ-iˇ-eu gaˇ ma maˬ dahˇ nya. Shaˬ zahˬ naꞈ-eu miˇ neh myaˆ nuiˆ maˬ paˇ gahˇ miˇ-a.

Iˇsaˬyaˇ 30:29

Ehˇ kʼawꞈ, Miˬyehˇ-euˬ tsawˇ haˬ deuˬ pyeuꞈ-eu naw maꞈ deuˬ-aˬ, muiˬ-eu shawˇ-eu bawˬ-iˬ gʼeh-eu uˬ ciꞈ tiˬ miˇ loꞈ-ehˇ, laˬ kʼaˬ cehˇ-awˇ caˇ dawˬ ya caˇ tehꞈ-a. Iˇsaˬleˬlaˆ-ahˇ haw piˇ-eu gʼaˬ pyeuꞈ-eu, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ, bawˬ law baw-awˇ le-eu tsawˇ haˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Uˬ duˬ 25:21

Koꞈ kʼoꞈ tiˬ kʼoꞈ laꞈ kʼoeˇ, miˇ tsaˬ-ahˇ Sahˬpaˬ Miˬyehˇ guiˬ lahˬ biꞈ-awˇ, nyiˬ kʼoꞈ dzaˬ loꞈ-eu dzaˬ la gʼo cehˇ bi za le tehꞈ-a.

Yawˇnaˆ 2:4

Nawˬ-euˬ myaˆ pyawˬ maˬ ya mawˇ gaˇ, nawˇ ngaˬ-ahˇ byehˇ dzeh nehˬ laꞈ-awˇ, nawˬ-euˬ Uˬ duˬ tahˬ nymˇ yaw shawˇ, maˬ paˇ ya mawˇ haw-eu miˇ-a.

Maꞈtehˬ 8:8

Ehˇ kʼawꞈ, yehˇ tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ ehˇ-eu, “Sahˬ paˬ-oˇ, nawˇ-aˬ, huiˬ dui mahˇ dui dui-eu miˇ neh, ngaˬ-euˬ nymˇ-ahˇ bi uˇ laˇ-eu maˬ geuˇ nya. Nawˬ neh dawˬ tiˬ dawˬ tehꞈ-ehˇ ngehˬ ahˇ leꞈ-euˬ kʼawꞈ, ngaˬ-euˬ zaˬ kʼaˆ taˬ leˇ tehꞈ-a.

Gʼaˬkʼehˇ 16:25

Sehˇ gʼahˇ ceh laˇ ngeh, Pawˇluˆ hawˇ-eu Siˬlaˆ aˬ nyaꞈ guiˬ lahˬ shaˇ shaˇ-ehˇ Miˬyehˇ-ahˇ ja ceuˬ-eu caˇ dawˬ caˇ luꞈ-awˇ, tawˬ-ahˇ uˇ-eu tsawˇ haˬ deuˬ naˇ haˬ luꞈ-eu meh.

Dawˬmehˬ 28:8

“Nawˇ mˇ-eu shaˇ-eu jeˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ-awˇ nawˬ-euˬ cehˇ jiˇ cehˇ tiˬ byah ni jaˆ tehꞈ-a. Nawˬ-ahˇ bi jawˇ-eu lehˇ lehˬ hmˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ nawˬ-ahˇ guiˬ lahˬ biꞈ tehꞈ-a.

Gawˇlawˇsehˇ 3:3

Aˬ jeˬ miˇ neh ehˇ naˇ, naw maꞈ shiˇ-euˬ tsawˇ haˬ pyeuꞈ-awˇ, naw maꞈ maˇ maˇ ni ya dehꞈ-eu jeˬ-aˬ, Ka li dehꞈ-eu jeˬ nehˬ-ehˇ tiˬ kawˆ loꞈ-ehˇ Miˬyehˇ laꞈ kʼoeˇ zaꞈ taˬ-awˇ jaˆ-a siˬ.