Jaceuq 42:11 - Akha

¹¹ Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngaq-euq nuima saflar-or! Aqjeq ghae-eu mrnyoeq saef-eu le? Aqjeq mirnae nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, ngaq-euq Miqyaer, Ngaq naeq-aer jawr-awr cawba naeqlaf-eu mirnae ngar, aqyawf-anr jaceuq le siq.

Jaceuq 42:11 Iomraidhean Croise

Jaceuq 102:9

Kʼaˬ lehˇ-ahˇ hawˬ loꞈ-ehˇ ngaˇ dzaˬ-awˇ, myaˆ biˇ keuˬ-eu iˇ cuꞈ dawˇ luꞈ-eu ma.

Jaceuq 115:2

“Naw maꞈ-euˬ Miˬyehˇ aˬ gaˇ jawˇ ta” lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh ya naˇ haˬ ta.

Jaceuq 42:5

Aˬjeˬmiˇneh ngaˬnui ma nawˇ, teu naˆnaˆ-ehˇshaˬzahˬmˇte. Miˬyehˇ-ahˇnoeˬtmˬ-eu taˬbyehˇ. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 43:5

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 79:10

Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yawˇlaˆ 2:17

Uˬ duˬ tahˬ nymˇ lahˇ kʼehˬ hawˇ-eu, lawˇ duˬ-euˬ yaw kaˬ-ahˇ jawˇ-awˇ, Sahˬpaˬ Miˬyehˇ-euˬ gaˇ mˇ-eu, piˇ ma kʼoeˇ deuˬ ngoeˇ-eu laꞈ kʼoeˇ heu loꞈ-ehˇ guiˬ lahˬ shaˇ nehˬ-awˬ. “Sahˬpaˬ Miˬyehˇ nawˬ-ahˇ shaˇ ma. Nawˬ-euˬ tsawˇ haˬ-ahˇ taˬ byehˇ laꞈ. Aˬ cawˬ tsawˇ jeuˬ deuˬ nga maꞈ-ahˇ, ‘Aˬ lehˬ, naw maꞈ-euˬ Miˬyehˇ’ lehˇ, cehꞈ lehꞈ ka-awˇ ja bu laˇ gaˇ, taˬ bi daˬ nehˬ laꞈ” lehˇ shaˇ-awˬ.

Maꞈtehˬ 9:12

Kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, heu loꞈ-ehˇ ehˇ kʼoꞈ nehˬ-euˬ meh. “Jawˇ saˇ doˆ luꞈ-eu deuˬ naˇ gawˇ laˆ saˆ-eu tsawˇ haˬ-ahˇ maˬ loˬ-a. Jawˇ saˇ maˬ doˆ-eu deuˬ tehꞈ-ehˇ naˇ gawˇ laˆ saˆ-eu tsawˇ haˬ-ahˇ loˬ-eu meh.