Jaceuq 41:1 - Akha

¹ Yaw shaˬzaˬ-ahˇngehˬgʼeh-eu deuˬ, guiˬlahˬhuiˬ-eu tsawˇhaˬdeuˬmeh. Yawꞈmaꞈshaˬle zahˬle ngeh jawˇ, SahˬpaˬMiˬyehˇcaw ba tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Irshaqzaq-anr sharnoeq naeq-eu tsawrhaq-aq, guiqlanq huiq-eu mae. Gardzaq garkawv keuvle-eu aryamq-anr, Ya’we Miqyaer, aqyawf-anr bibuq-ir taef-a.

Jaceuq 41:1 Iomraidhean Croise

Jaceuq 112:9

Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 37:19

Haiˬ-eu aˇnah aˇyamˬ keuˆkʼawꞈ, aˬyawꞈmaꞈ maˬya shaꞈdawˇ-ehˇ, mehꞈ-eu shuꞈ-eu aˇnah oe kʼawꞈ, maˬdzaˬjiˇcoeˇni jaˆtehꞈ-a.

Jaceuq 37:26

Aˬyawꞈ aˬcawˬ-ahˇcaw ba-awˇ, yawꞈngehꞈ-ehˇbiꞈnehˬ-eu miˇneh, zaˬdeuˬkʼoeˇtaˆguiˬlahˬjaˆmeh.

Dawqdaq 14:21

Yawˬ ha-ahˇ taꞈ-eu deuˬ-ahˇ maˬ haw nahˇ-eu tsawˇ haˬ iˬ baˇ mˇ gaˇ duˇ-awˇ, iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ guiˬ lahˬ huiˬ-eu meh.

Dawqdaq 16:14

Sahˬ paˬ nui pehˇ tsawˇ shiˇ uˬ kʼawˇ shaˇ-eu miˇ neh, tsawˇ gahˇ ahˇ-eu deuˬ sahˬ paˬ-ahˇ dehꞈ tsaˬ-eu meh.

Dawqdaq 19:17

Iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ, Sahˬpaˬ Miˬyehˇ-ahˇ dziˇ dzoˆ paˇ mehˬ gaˇ duˇ-awˇ, Sahˬpaˬ Miˬyehˇ dziˇ dzoˆ tsoeˬ nehˬ tehꞈ-a.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Yeˬlaˬmiˇ 39:17

Ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ nawˬ-ahˇ haw piˇ-awˇ, nawˇ guˆ luꞈ-eu tsawˇ haˬ deuˬ-euˬ laꞈ-ahˇ, nawˬ-ahˇ maˬ bi ahˇ leˇ.

Maˬkuˆ 14:7

Shaˬ zaˬ zahˬ zaˬ deuˬ naw maꞈ nehˬ-ehˇ aˬ myah luꞈ jawˇ-awˇ, naw maꞈ kʼaˇ caw ba nehˬ mawꞈ ngeh caw ba nehˬ nya tehꞈ-a. Ehˇ kʼawꞈ, ngaˇ-aˬ, naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Gʼaˬkʼehˇ 20:35

‘Za-eu naˆ maˬ tseˇ biꞈ-eu guiˬ lahˬ huiˬ dzehˬ meh’ lehˇ Sahˬpaˬ Yeˬsuˇ neh ehˇ-euˬ dawˬ kʼoeˇ dawˬ-ahˇ noeˬ keuˆ-eu laꞈ kʼoeˇ, kʼoeˇ loꞈ-ehˇ gaˇ yaw kʼaˆ-ehˇ mˇ-awˇ gʼaˬ baˬ-eu deuˬ-ahˇ ya caw ba meh lehˇ, yawˬ jeˬ na luꞈ laꞈ kʼoeˇ naw maꞈ-ahˇ ngaˇ mˇ mehˬ shaˇ mehˬ mehˬ-euˬ ma.”

Gaˬlaˬtiˆ 2:10

Aˬ yawꞈ maꞈ shaˇ-eu-aˬ, aˬ yawꞈ maꞈ aˇ muˇ laꞈ kʼoeˇ shaˬ-eu zahˬ-eu tsawˇ haˬ deuˬ-ahˇ noeˬ keuˆ nehˬ laꞈ lehˇ shaˇ-eu tehꞈ meh. Gaˇ kawˆ kʼoeˇ hmˬ-ahˇ ngaˇ mˇ-eu nui ma keuˆ dui dui luꞈ ma.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

Luˇta 2:19

Kʼoeˇ ngeh, aˬ yawꞈ-ahˇ Nawˇmi ehˇ-eu, “Iˬ nah nawˇ cehˇ nmˇ aˬ geu paw gʼoˆ-iˇ teˬ. Aˬ suˇ gʼaˬ-euˬ deh yaˇ-ahˇ gʼoˆ-iˇ teˬ. Nawˬ-ahˇ gʼawˬ shaˬ gaˬ nehˬ-euˬ tsawˇ haˬ kʼoeˇ gʼaˬ-ahˇ Miˬyehˇ guiˬ lahˬ biꞈ luꞈ-uˇ.” Bawˇza lehˇ myahˇ-euˬ tsawˇ haˬ tiˬ gʼaˬ-euˬ deh yaˇ-ahˇ aˬ yawꞈ cehˇ nmˇ gʼoˆ-iˇ-euˬ gaˇ kawˆ, Nawˇmi-ahˇ Luˇta ehˇ nehˬ-euˬ meh.