Jaceuq 40:6 - Akha

⁶ Lawˇ-eu shehˇ-eu nawˇmaˬmawꞈ-a. Miˬdzaˬdzah-awˇlawˇ-eu maˬehˇ, iˬbaˇshawˇ-eu lawˇ-eu maˬehˇ, nawˇgeuꞈmawꞈ-eu jeˬmaˬngeuˇ-a. Ehˇkʼawꞈnaˇhaˬgeuꞈ-eu naˬbawˇ, nawˇngaˬ-ahˇbiꞈnehˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr, lawr-eu jeq hawr-eu damq-eu jeq-anr geufmawf-eu maqngeur-a, Ngaq-euq naqbawr, nawq nae pannaeq laf-euq mae. Nawr, miqdzaq dzanpuiv-awr lawr-eu jeq hawr-eu iqbax-euq gharduq lawr-eu jeq maqshar-a.

Jaceuq 40:6 Iomraidhean Croise

Yawˇbaˆ 33:16

Aˬ yawꞈ-euˬ dawˬ-ahˇ tsawˇ haˬ zaˬ naˇ haˬ ni aˬ yawꞈ jahˇ ngeh, aˬ yawꞈ mehˬ-eu dawˬ-ahˇ aˬ yawꞈ maꞈ tsawˬ guˆ-iˇ-eu meh.

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 139:17

Miˬyehˇ-oˇ, nawˬ-euˬ nui noeˬ poˆ mawˇ-eu gʼaˇ duˬ ngaˇ aˇ naˆ ni ya shaˬ-eu nga. Nawˬ-euˬ nui noeˬ aˇ naˆ ni byah-eu kuꞈ-eu nga.

Jaceuq 139:18

Nawˬ-euˬ nui noeˬ-ahˇ ngaˇ gui haw naˇ, kʼaˇ shuiꞈ myaˆ maˬ tseˇ myaˬ gaˇ ya mawˇ tehꞈ-a. Ngaˇ uˬ noeˬ noeˬ laˇ kʼawꞈ, nawˬ nehˬ-ehˇ jawˇ luꞈ nya siˬ.

Jaceuq 50:8

Naw maꞈ ngaˬ-ahˇ lawˇ-eu shehˇ-eu jeˬ mˇ-awˇ, miˬ dzaˬ dzah puiˆ-awˇ lawˇ-eu jeˬ aˬ myah luꞈ lawˇ luꞈ-eu miˇ neh, naw maꞈ-ahˇ iˬ baˇ maˬ taˬ.

Jaceuq 51:16

Nawˬ-ahˇ ngaˇ lawˇ nehˬ shehˇ nehˬ law hawˇ kʼawꞈ, kʼoeˇ jeˬ-ahˇ nawˇ laˬ kʼaˬ maˬ cehˇ-a. Miˬ dzaˬ-ahˇ dzah puiˆ-awˇ lawˇ nehˬ-eu jeˬ-ahˇ, nawˇ mawꞈ-eu maˬ ngeuˇ-a.

Jaceuq 71:15

Nawˇ muiˬ-eu jeˬ gaˇ kawˆ ngaˇ ja ma. Nawˬ-euˬ ka kʼoꞈ-eu jeˬ gaˇ kawˆ-ahˇ ngaˇ maˬ siˬ maˬ mawˇ byah nya kʼawꞈ, gaˇ kawˆ kʼoeˇ nah ga-ehˇ ngaˇ ja ma.

Doˆ-iˇ 21:6

yaw sahˇ gʼaˬ, zaˬ kʼaˆ kʼoeˇ gʼaˬ-ahˇ uˬ duˬ tahˬ-eu jawˇ duˬ-ahˇ ya sheuˬ gʼeh meh. Kʼoeˇ gaˇ, yaw sahˇ gʼaˬ gʼoˆ kʼehˬ mehˬ shi bi yawꞈ-awˇ, zaˬ kʼaˆ kʼoeˇ gʼaˬ-ahˇ naˬ bawˇ naˬ tahˇ ya tahˇ nehˬ meh. Kʼoeˇ naˇ, zaˬ kʼaˆ kʼoeˇ gʼaˬ maˬ shiˇ tiˬ ziˇ aˬ yawꞈ-euˬ zaˬ kʼaˆ ya geuꞈ meh.

Iˇsaˬyaˇ 1:11

Sahˬpaˬ Miˬyehˇ ehˇ-eu, “Naw maꞈ neh lawˇ gahˬ shehˇ gahˬ taˬ-euˬ teu, ngaˬ-euˬ gʼaˇ duˬ aˬ jeˬ gaˇ dahˇ tsoeˬ ta. Yawˇ zaˬ dzah puiˆ-awˇ lawˇ nehˬ laꞈ gaˇ byuˇ laˇ taˬ-awˇ, jeˬ zaˬ-euˬ shaˬ tsuˇ-ahˇ maˬ haw nahˇ-ehˇ pyeuꞈ laˇ taˬ-euˬ miˇ-a. Mawˇ neˇ mawˇ gaw, yawˇ aˬ buˬ hawˇ-eu ciꞈ myehꞈ ciꞈ buˬ heu deuˬ-euˬ shiˬ-ahˇ, haw dehˆ mawˇ dehˆ laꞈ-euˬ miˇ-a.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Hawˇseˬ 6:6

Lawˇ-eu shehˇ-eu jeˬ ngaˇ maˬ mawꞈ. Ngaˬ-ahˇ aˬ myah luꞈ gaˬ-eu jeˬ, ngaˇ mawꞈ dui dui-eu tiˬ jeˬ ma. Miˬ dzaˬ dzah-awˇ lawˇ gaˇ maˬ mawꞈ. naw maꞈ ngaˬ-ahˇ siˬ nya-eu jeˬ, ngaˇ mawꞈ dui dui-eu tiˬ jeˬ ma.

Aˬmoˆ 5:22

Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ naw maꞈ yuˇ laꞈ ngeh, ngaˇ maˬ ha geuꞈ. Ngaˬ-ahˇ lawˇ nehˬ-eu gʼaˇ duˬ naw maꞈ neh cu tsuˇ taˬ-euˬ jeˬ zaˬ deuˬ-ahˇ ngaˇ maˬ ha geuꞈ.

Maꞈtehˬ 12:7

‘Jeˬ zaˬ lawˇ nehˬ laꞈ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu nui ma-ahˇ ngaˇ geuꞈ mawꞈ-eu ma’ lehˇ, Jaˇliꞈ laꞈ kʼoeˇ ehˇ taˬ-euˬ meh. Dawˬ tsuiꞈ kʼoeˇ naw maꞈ gʼoˆ shaw nya law nmˇ-aˬ, maˬ bahˬ maˬ muˆ-eu tsawˇ haˬ-ahˇ naw maꞈ iˬ baˇ maˬ taˬ-aˇ.

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.